ಅತ್ಯಾಚಾರ ಆರೋಪ: ಇಂದು ಹರತಾಳು ಹಾಲಪ್ಪ ಭವಿಷ್ಯ ನಿರ್ಧಾರ
ಶಿವಮೊಗ್ಗ, (ಆಗಸ್ಟ್ 17 : ಸ್ನೇಹಿತನ ಪತ್ನಿ ಮೇಲೆ ಅತ್ಯಾಚಾರ ಎಸೆಗಿದ ಆರೋಪ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮಾಜಿ ಸಚಿವ ಹರತಾಳು ಹಾಲಪ್ಪ ಅವರ ಭವಿಷ್ಯ ಇಂದು (ಗುರುವಾರ) ನಿರ್ಧಾರವಾಗಲಿದೆ.
ಚಂದ್ರಾವತಿ ಬಟ್ಟೆ ಮೇಲೆ ಇತ್ತು ಹಾಲಪ್ಪ ವೀರ್ಯ : ಸಿಐಡಿ
ಸತತ 7 ವರ್ಷಗಳ ಸುದೀರ್ಘ ವಿಚಾರಣೆಯ ಬಳಿಕ ಶಿವಮೊಗ್ಗದ 2ನೇ ಜಿಲ್ಲಾ ಸತ್ರ ಮತ್ತು ಪ್ರಧಾನ ನ್ಯಾಯಾಲಯದ ನ್ಯಾಯಾಧೀಶೆ ರಮಾ ಅವರು ಅಂತಿಮ ತೀರ್ಪುನ್ನು ನೀಡಲಿದ್ದಾರೆ.
ಅತ್ಯಾಚಾರ ಘಟನೆ ನಡೆದು 6 ತಿಂಗಳ ಬಳಿಕ ಹಾಲಪ್ಪ ವಿರುದ್ಧ ಪ್ರಕರಣ ದಾಖಲಾಗಿತ್ತಲ್ಲದೇ ಈ ಪ್ರಕರಣದ ಕೈಗೆತ್ತಿಗೊಂಡಿದ್ದ ಸಿಐಡಿ ಪೋಲಿಸರು 10 ತಿಂಗಳ ಬಳಿಕ ನ್ಯಾಯಾಲಯಕ್ಕೆ ಚಾರ್ಜ್ಶೀಟ್ ಸಲ್ಲಿಸಿದ್ದರು.
2009ರ ನವೆಂಬರ್ 26 ರಂದು ಊಟ ಮಾಡಲು ಆಗಮಿಸಿದ್ದ ಹರತಾಳು ಹಾಲಪ್ಪರವರು ತಮ್ಮ ಪತ್ನಿಯ ಮೇಲೆ ಅತ್ಯಾಚಾರವೆಸಗಿದ್ದಾಗಿ ವೆಂಕಟೇಶಮೂರ್ತಿ ಆರೋಪಿಸಿದ್ದರು.
ಈ ಸಂಬಂಧ ವೆಂಕಟೇಶಮೂರ್ತಿ ಮತ್ತು ಆತನ ಪತ್ನಿ ಚಂದ್ರಾವತಿ 2010 ಮೇ 3 ರಂದು ಶಿವಮೊಗ್ಗದ ವಿನೋಬನಗರ ಪೊಲೀಸ್ ಠಾಣೆಗೆ ದೂರು ನೀಡಿದ್ದರು.
Comments
English summary
Rape case on Ex Minister Haratal Halappa, Shimogga court will announce today its verdict. The charges against him include rape, intimidation, and unlawful restraint and confinement.
Story first published: Thursday, August 17, 2017, 9:38 [IST]