ಪಾಕ್ ಆಕ್ರಮಿತ ಕಾಶ್ಮೀರ, ಭಾರತದ ಅವಿಭಾಜ್ಯ ಅಂಗ: ಸುಷ್ಮಾ ಸ್ವರಾಜ್

ನವದೆಹಲಿ, ಜುಲೈ 18: ಪಾಕ್ ಆಕ್ರಮಿತ ಕಾಶ್ಮೀರ(ಪಿಒಕೆ) ಭಾರತದ ಅವಿಭಾಜ್ಯ ಅಂಗ. ಅದನ್ನು ಪಾಕಿಸ್ತಾನ ಅಕ್ರಮವಾಗಿ ಆಕ್ರಮಿಸಿಕೊಂಡಿದೆ ಎಂದು ವಿದೇಶಾಂಗ ವ್ಯವಹಾರಗಳ ಸಚಿವೆ ಸುಷ್ಮಾ ಸ್ವರಾಜ್ ಹೇಳಿದರು.

ಪಾಕ್ ಆಕ್ರಮಿತ ಕಾಶ್ಮೀರದ ಒಸಾಮ ಅಲಿ(24) ಎಂಬುವವರು ನವದೆಹಲಿಯಲ್ಲಿ ಚಿಕಿತ್ಸೆ ಪಡೆಯುವುದಕ್ಕಾಹಿ ವೈದ್ಯಕೀಯ ವೀಸಾಕ್ಕೆ ಅರ್ಜಿ ಸಲ್ಲಿಸಿದ್ದರು. ಈ ಕುರಿತು ಮಾತನಾಡುತ್ತಿದ್ದ ಸುಷ್ಮಾ ಸ್ವರಾಜ್, ಒಸಾಮ ಅವರಿಗೆ ಯಾವುದೇ ಪತ್ರದ ಅಗತ್ಯವಿಲ್ಲದೆ, ಭಾರತ ವೀಸಾ ನೀಡಲಿದೆ.

ಏಕೆಂದರೆ ಪಾಕ್ ಆಕ್ರಮಿತ ಕಾಶ್ಮೀರ ಭಾರತದ ಅವಿಭಾಜ್ಯ ಅಂಗ. ಇಲ್ಲಿನ ಜನರಿಗೆ ವೀಸಾ ನೀಡಲು ಪಾಕಿಸ್ತಾನದ ಕಚೇರಿಯಿಂದ ಪತ್ರದ ಅಗತ್ಯವಿಲ್ಲ ಎಂದು ಅವರು ಖಡಕ್ ಆಗಿ ಹೇಳಿದ್ದಾರೆ.

ಟ್ಯೂಮರ್ ನಿಂದ ಬಳಲುತ್ತಿರುವ ಅಲಿ, ಈ ಮೊದಲೇ ದೆಹಲಿಗೆ ಬರಬೇಕಿತ್ತು. ಆದರೆ ಅವರು ಭಾರತದ ವೀಸಾ ಪಡೆಯುವ ಮೊದಲು ಪಾಕಿಸ್ತಾನದ ವಿದೇಶಾಂಗ ಕಚೇರಿಯಿಂದ ಭಾರತಕ್ಕೆ ಈ ಕುರಿತು ಪತ್ರ ಬರಬೇಕಿತ್ತು. ಆದರೆ ಇದುವರೆಗೂ ಅಲ್ಲಿಂದ ಯಾವುದೇ ಪತ್ರ ಬಾರದ ಕಾರಣ, ತುರ್ತು ಮೆಡಿಕಲ್ ವೀಸಾ ನೀಡಲು ಸುಷ್ಮಾ ಸ್ವರಾಜ್ ಒಪ್ಪಿಗೆ ನೀಡಿದ್ದಾರೆ.

English summary

Pak Occupied Kashmir(POK) is an integral part of India, Pakistan has illegaly occupied it. We are giving medical emergency visa for 24 year Osama Ali to recieve treatment in New Delhi, no letter from Pak Foriegn affairs office required, External Affairs Minister of India, Sushma Swaraj told.