ವೇಶ್ಯಾವಾಟಿಕೆಯಲ್ಲಿ ಕರ್ನಾಟಕ ಬೇರೆ ರಾಜ್ಯಕ್ಕಿಂತ ಕಮ್ಮಿಯಿಲ್ಲ

Posted By:
Subscribe to Oneindia Kannada

ನವದೆಹಲಿ, ಫೆಬ್ರವರಿ,08: ವೇಶ್ಯಾವಾಟಿಕೆ ಇತ್ತೀಚೆಗೆ ನಮ್ಮ ದೇಶದ ದೊಡ್ಡ ಪಿಡುಗಾಗಿ ಪರಿಣಮಿಸುತ್ತಿದೆ. ಮಹಿಳೆಯರ ಬಾಳನ್ನು ಹಿಂಡಿ ಹಿಪ್ಪೆಯಾಗಿಸುವ ಈ ದಂಧೆಗೆ ಹೋಗಲು ಮಹಿಳೆಯರ ಮನಸ್ಸು ಒಲ್ಲೆ ಎಂದರೂ, ಬದುಕಿನ ಕಷ್ಟ, ನೋವುಗಳು ಇವರನ್ನು ಈ ಕೂಪದಲ್ಲಿ ನಲುಗುವಂತೆ ಮಾಡುತ್ತದೆ. ಈ ವಿಚಾರದಲ್ಲಿ ಇದೀಗ ಆಘಾತಕಾರಿ ಸುದ್ದಿಯೊಂದು ಹೊರಬಿದ್ದಿದೆ.

ನಮ್ಮ ರಾಷ್ಟ್ರದಲ್ಲಿ ಸುಮಾರು 9 ಲಕ್ಷಕ್ಕೂ ಹೆಚ್ಚು ಮಹಿಳೆಯರು ವೇಶ್ಯಾವಾಟಿಕೆಯ ಜಾಲದಲ್ಲಿದ್ದು, ಆಂಧ್ರಪ್ರದೇಶ (1.56 ಲಕ್ಷ) ಮೊದಲ ಸ್ಥಾನದಲ್ಲಿದ್ದರೆ, ದೆಹಲಿ ಎರಡನೇ ಸ್ಥಾನ (61,000) ಕರ್ನಾಟಕ ಮತ್ತು ಮಹಾರಾಷ್ಟ್ರ ಮೂರು ಹಾಗೂ ನಾಲ್ಕನೇ ಸ್ಥಾನ ಪಡೆದುಕೊಂಡಿದೆ ಎಂದು ತಿಳಿದು ಬಂದಿದೆ.[ಭಾರತದಿಂದ ಗಲ್ಫ್ ರಾಷ್ಟ್ರಕ್ಕೆ 63 ಮಹಿಳೆಯರ ಸಾಗಾಟ]

India is home to around 9 lakh female sex workers, Andhra tops

ಕೆಲವು ದಿನಗಳ ಹಿಂದೆ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯವೂ ವೇಶ್ಯಾವಾಟಿಕೆಯ ವಿಚಾರವಾಗಿ ಆರ್ ಟಿಐ (Right to Information)ಯಿಂದ ಮಾಹಿತಿ ಕೇಳಿತ್ತು. ಸಚಿವಾಲಯ ಕಳುಹಿಸಿದ ಮಾಹಿತಿಯಿಂದ ಈ ಅಂಶ ಬಹಿರಂಗಗೊಂಡಿದೆ.

2009ರ ವರದಿಯ ಪ್ರಕಾರ ಹೇಳುವುದಾದರೆ ಏಡ್ಸ್ ನಿಯಂತ್ರಣ ಸಂಸ್ಥೆಯಲ್ಲಿ ವೇಶ್ಯಾವಾಟಿಕೆ ನಡೆಸುವ 6.96 ಲಕ್ಷ ಮಹಿಳೆಯರ ಹೆಸರು ನೋಂದಾವಣೆ ಆಗಿದೆ. ಆದರೆ ಶೇ.19 ಮಂದಿ ಹೆಸರು ನೊಂದಾವಣೆ ಮಾಡಿಲ್ಲ. ಈ ಸಂಖ್ಯೆ ಅನುಸರಿಸಿ ರಾಜ್ಯಾದ್ಯಾಂತ ತನಿಖೆ ಕೈಗೊಳ್ಳಲಿದ್ದೇವೆ ಎಂದು ಸಚಿವಾಲಯ ಹೇಳಿದೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Around 9 lakh female sex workers are currently working in India and Andhra Pradesh is home to 1.56 lakh sex workers highest in the country. National capital Delhi has around 61,000 flesh trade workers while Karnataka and Maharashtra have third and fourth highest number of female sex workers in the country.
Please Wait while comments are loading...