ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

2ಜಿ ಹಗರಣದಲ್ಲಿ ಕರುಣಾನಿಧಿ ಕುಟುಂಬಕ್ಕೆ ಸಿಕ್ಕಿದ್ದೆಷ್ಟು?

|
Google Oneindia Kannada News

ನವದೆಹಲಿ, ಫೆ.4 : ದೇಶಾದ್ಯಂತ ಭಾರೀ ಚರ್ಚೆಗೆ ಕಾರಣವಾಗಿದ್ದ ಬಹುಕೋಟಿ ರೂ 2ಜಿ ಹಗರಣದಲ್ಲಿ, ತಮಿಳುನಾಡು ಮಾಜಿ ಸಿಎಂ ಎಂ. ಕರುಣಾನಿಧಿ ಕುಟುಂಬಕ್ಕೆ 200 ಕೋಟಿ ರೂ ಹಣ ಸಂದಾಯವಾಗಿದೆ ಎಂದು ಆಮ್ ಆದ್ಮಿ ಪಕ್ಷದ ನಾಯಕ ಪ್ರಶಾಂತ್ ಭೂಷಣ್ ಗಂಭೀರ ಆರೋಪ ಮಾಡಿದ್ದಾರೆ.

ಮಂಗಳವಾರ ನವದೆಹಲಿಯಲ್ಲಿ ಪತ್ರಿಕಾಗೋಷ್ಠಿ ನಡೆಸಿದ ಅವರು, 2ಜಿ ಹಗರಣದಲ್ಲಿ ಭಾಗಿಯಾದ ಕರುಣಾನಿಧಿ ಅವರ ಕುಟುಂಬಸ್ಥರನ್ನು ರಕ್ಷಿಸಲು ವ್ಯವಸ್ಥಿತ ಸಂಚು ನಡೆದಿದೆ ಎಂದು ಆರೋಪಿಸಿದರು. 2ಜಿ ಹಗರಣದ ಬಗ್ಗೆ ಕರುಣಾನಿಧಿ ಅವರಿಗೆ ಎಲ್ಲವೂ ತಿಳಿದಿದೆ. ಅವರ ಕುಟುಂಬಕ್ಕೆ ಹಗರಣದಿಂದ 200 ಕೋಟಿ ಹಣ ಸಂದಾಯವಾಗಿದೆ ಎಂದು ಪ್ರಶಾಂತ್ ಭೂಷಣ್ ಆರೋಪಿಸಿದರು.

Prashant Bhushan

2ಜಿ ಹಗರಣದಲ್ಲಿ ಕರುಣಾನಿಧಿ ಕುಟುಂಬ ಸದಸ್ಯರು ಭಾಗಿಯಾಗಿರುವ ಬಗ್ಗೆ ತಮ್ಮ ಬಳಿ ಆಡಿಯೋ ಟೇಪ್ ಇದೆ. ಆಮ್ ಆದ್ಮಿ ಪಕ್ಷದ ವೆಬ್ ಸೈಟ್ ನಲ್ಲಿ ಆಡಿಯೋ ಟೇಪ್ ಅನ್ನು ಬಿಡುಗಡೆ ಮಾಡುವುದಾಗಿ ಪ್ರಶಾಂತ್ ಭೂಷಣ್ ಹೇಳಿದರು. ಹಗರಣದಲ್ಲಿ ತಮಿಳುನಾಡು ರಾಜ್ಯ ಗುಪ್ತಚರ ಇಲಾಖೆಯ ಮುಖ್ಯಸ್ಥ ಮತ್ತು ಹಿರಿಯ ಐಪಿಎಸ್ ಅಧಿಕಾರಿ ಜಾಫರ್ ಅವರ ಕೈವಾಡವಿದೆ. ಈ ಇಬ್ಬರು ಅಧಿಕಾರಿಗಳು ಕರುಣಾನಿಧಿ ಕುಟುಂಬದ ಆಪ್ತರಾಗಿದ್ದಾರೆ ಎಂದು ಪ್ರಶಾಂತ್ ಭೂಷಣ್ ದೂರಿದರು. [ಬಹುಮುಖ ಪ್ರತಿಭೆಯ ಕನ್ನಿಮೋಳಿ ವ್ಯಕ್ತಿಚಿತ್ರ]

ತಮ್ಮ ಬಳಿ 2ಜಿ ಹಗರಣಕ್ಕೆ ಸಂಬಂಧಿಸಿದಂತೆ 4 ಆಡಿಯೋ ಟೇಪ್ ಗಳಿವೆ. ಅವುಗಳಲ್ಲಿ ಜಾಫರ್ ಮತ್ತು ಕಲೈನರ್ ಟಿವಿ ಮ್ಯಾನೇಜರ್ ಶರತ್ ರೆಡ್ಡಿ, ಜಾಫರ್ ಮತ್ತು ಕರುಣಾನಿಧಿ ಆಪ್ತ ಸಹಾಯಕ ಷಣ್ಮುಖನಾಥನ್, ಕನ್ನಿಮೋಳಿ ಮತ್ತು ಕರುಣಾನಿಧಿ ಅವರ ನಡುವೆ ನಡೆದ ಸಂಭಾಷಣೆಗಳು ದಾಖಲಾಗಿವೆ ಎಂದು ಪ್ರಶಾಂತ್ ಭೂಷಣ್ ತಿಳಿಸಿದರು.

ಆಡಿಯೋ ಟೇಪ್ ನಲ್ಲಿ ಹಲವು ಮಾತುಗಳು ತಮಿಳು ಭಾಷೆಯಲ್ಲಿದ್ದು, ಅವು 2010ರಿಂದ 2012ರ ವರ್ಷದ ನಡುವೆ ನಡೆದ ಸಂಭಾಷಣೆಗಳಾಗಿವೆ. ಜಾಫರ್ ಮತ್ತು ಶರತ್ ರೆಡ್ಡಿ ನಡುವಿನ ಸಂಭಾಷಣೆ ಇಂಗ್ಲೀಷ್ ಭಾಷೆಯದೆ. ಹಗರಣಕ್ಕೆ ಸಂಬಂಧಿಸಿದಂತೆ ಎ.ರಾಜಾ ಬಂಧನವಾದ ಬಳಿಕ ಈ ಸಂಭಾಷಣೆಗಳು ನಡೆದಿವೆ ಎಂದು ಪ್ರಶಾಂತ್ ಭೂಷಣ್ ಹೇಳಿದರು.

English summary
The Aam Aadmi Party on Tuesday claimed fresh tapes revealed a cover-up attempt in the 2G scam to save DMK's first family. AAP leader Prashant Bhushan claimed DMK chief Karunanidhi was 'fully in the know of things'. Prashant Bhushan has come out with fresh charges against Karunanidhi, his daughter Kanimozhi in connection with the 2G spectrum allocation case.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X