ಮೈಸೂರು ದಸರಾಕ್ಕೆ ಗೋಲ್ಡನ್ ಚಾರಿಯಟ್ನಲ್ಲಿ ಬನ್ನಿ
ಮೈಸೂರು, ಆಗಸ್ಟ್ 26 : ದೇಶದ ಐಷಾರಾಮಿ ರೈಲು ಸೇವೆ 'ಮಹಾರಾಜಾ ಗೋಲ್ಡನ್ ಚಾರಿಯಟ್' ಮೂಲಕ ಜನರು ಈ ಬಾರಿಯ ದಸರಾಕ್ಕೆ ಆಗಮಿಸಬಹುದು. ಪ್ರವಾಸೋದ್ಯಮ ಇಲಾಖೆ ದಸರಾ ಸಮಯದಲ್ಲಿ ಬೆಂಗಳೂರು-ಮೈಸೂರು ನಡುವೆ ಗೋಲ್ಡನ್ ಚಾರಿಯೇಟ್ ರೈಲು ಸಂಚಾರ ನಡೆಸಲು ಉದ್ದೇಶಿಸಿದೆ.
ಸುವರ್ಣರಥ (ಗೋಲ್ಡನ್ ಚಾರಿಯಟ್) ರೈಲು ಸೇವೆಯನ್ನು ಜನಪ್ರಿಯಗೊಳಿಸಲು ಮೈಸೂರು ದಸರಾ ಸಂದರ್ಭದಲ್ಲಿ ಅದನ್ನು ಓಡಿಸಲು ನಿರ್ಧರಿಸಲಾಗಿದೆ. ಕೆಎಸ್ಟಿಡಿಸಿ ಈ ಕುರಿತು ಯೋಜನೆ ಸಿದ್ಧಪಡಿಸುತ್ತಿದೆ. ಆಗಸ್ಟ್ ಅಂತ್ಯದ ವೇಳೆಗೆ ಈ ಕುರಿತು ಸ್ಪಷ್ಟ ಚಿತ್ರಣ ಲಭ್ಯವಾಗಲಿದೆ.[ಸುವರ್ಣರಥ ವೆಬ್ ಸೈಟ್]
ಅಕ್ಟೋಬರ್ 1 ರಿಂದ 11ರ ತನಕ 2016ನೇ ಸಾಲಿನ ಮೈಸೂರು ದಸರಾ ನಡೆಯಲಿದೆ. ಬೆಂಗಳೂರು-ಮೈಸೂರು ನಡುವೆ ಈ ಸಂದರ್ಭದಲ್ಲಿ ಸುವರ್ಣರಥ ಸಂಚಾರ ನಡೆಸಲಿದೆ. ಉಭಯ ನಗರಗಳ ನಡುವಿನ ರೈಲು ಜನರಿಂದ ತುಂಬಿ ಹೋಗಿರುತ್ತದೆ. ಆದ್ದರಿಂದ, ಸುವರ್ಣರಥ ಓಡಿಸಲು ತೀರ್ಮಾನ ಕೈಗೊಳ್ಳಲಾಗಿದೆ.[ದಸರಾ ವಿಶೇಷ: ಮಾವುತರೆಂಬ ಗಜಪಡೆಯ ರಿಂಗ್ ಮಾಸ್ಟರ್]
ಬೆಂಗಳೂರು-ಮೈಸೂರು ನಡುವಿನ ಟಿಕೆಟ್ ದರಗಳು ಇನ್ನೂ ಅಂತಿಮಗೊಂಡಿಲ್ಲ. ಗೋಲ್ಡನ್ ಚಾರಿಯಟ್ ರೈಲಿನಲ್ಲಿ ಆಗಮಿಸುವವರಿಗೆ ಜಂಬೂ ಸವಾರಿ ನೋಡಲು ಗೋಲ್ಡ್ ಪಾಸ್ ನೀಡಲಾಗುತ್ತದೆ. ಮೈಸೂರಿನಲ್ಲಿ ನಡೆಯುವ ದಸರಾದ ವಿವಿಧ ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ನೋಡಲು ಅವಕಾಶ ನೀಡಲಾಗುತ್ತದೆ.[ಮೈಸೂರು ದಸರಾ ಲಾಂಛನ, ವೆಬ್ ಸೈಟ್ ಅನಾವರಣ]
ಗೋಲ್ಡನ್ ಚಾರಿಯಟ್ ಸಂಚಾರದ ಕುರಿತ ಪ್ರಚಾರ ಆಗಸ್ಟ್ ಅಂತ್ಯದಿಂದ ಆರಂಭವಾಗಲಿದೆ. ಸಂಚಾರದ ದರ 30,000 ರೂ. ನಿಗದಿಪಡಿಸುವ ಸಾಧ್ಯತೆ ಇದೆ.