ಮಂಗಳೂರು: ನಾಳೆಯಿಂದ (ಫೆ.10) "ಕೊಂಕಣಿ ಲೋಕೋತ್ಸವ-2017' ಆರಂಭ
ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡಮಿ ವತಿಯಿಂದ ಮೂರು ದಿನಗಳ ಕಾಲ ನಡೆಯಲಿರುವ ‘ಕೊಂಕಣಿ ಲೋಕೋತ್ಸವ-2017’ ನಾಳೆಯಿಂದ (ಫೆ. 10) ಆರಂಭವಾಗಲಿದೆ. ಮಂಗಳೂರಿನ ಪುರಭವನದಲ್ಲಿ ಈ ಕಾರ್ಯಕ್ರಮ ನಡೆಯಲಿದೆ.
ಮಂಗಳೂರು, ಫೆಬ್ರವರಿ 9: ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡಮಿ ವತಿಯಿಂದ ಮೂರು ದಿನಗಳ ಕಾಲ ನಡೆಯಲಿರುವ 'ಕೊಂಕಣಿ ಲೋಕೋತ್ಸವ-2017' ನಾಳೆಯಿಂದ (ಫೆ. 10) ಆರಂಭವಾಗಲಿದೆ. ಮಂಗಳೂರಿನ ಪುರಭವನದಲ್ಲಿ ಈ ಕಾರ್ಯಕ್ರಮ ನಡೆಯಲಿದೆ.
ಕಾರ್ಯಕ್ರಮಕ್ಕೆ ಪೂರ್ವಭಾವಿಯಾಗಿ ಬುಧವಾರ ಚಪ್ಪರ ಮುಹೂರ್ತ ನಡೆಯಿತು. ಪುರಭವನ ಮುಂಭಾಗ ಅಕಾಡೆಮಿ ಅಧ್ಯಕ್ಷ ರಾಯ್ ಕ್ಯಾಸ್ತಲಿನೊ ಧ್ವಜಾರೋಹಣಗೈದು ಚಪ್ಪರ ಮುಹೂರ್ತ ನಡೆಸಿಕೊಟ್ಟರು. ಈ ವೇಳೆ ಮಾತನಾಡಿದ ಅವರು, 'ಕೊಂಕಣಿ ಲೋಕೋತ್ಸವ-2017' ರಾಜ್ಯಾದ್ಯಂತ ಕೊಂಕಣಿ ಮಾತನಾಡುವ ಸಮುದಾಯದವರ ಹಬ್ಬವಾಗಿದೆ.[ಫೆ.10ರಿಂದ ಮಂಗಳೂರಿನಲ್ಲಿ '2017 ಕೊಂಕಣಿ ಲೋಕೋತ್ಸವ']
ಮೂರು ದಿನ ನಡೆಯುವ ಈ ಹಬ್ಬದಲ್ಲಿ ಕೊಂಕಣಿ ಸಮುದಾಯದವರ ಕಲೆ, ಸಾಂಸ್ಕೃತಿಕ ಉತ್ಸವ ಮೇಳೈಸಲಿದೆ. ಕೊಂಕಣಿ ಸಮುದಾಯದ ಸಂಸ್ಕೃತಿ ಬಿಂಬಿಸುವ ವಿವಿಧ ಪ್ರದರ್ಶನ ಮಳಿಗೆಗಳು ಹಾಹೂ ಪ್ರಾಚೀನ ಕಲಾಕೃತಿಗಳ ಪ್ರದರ್ಶನವೂ ಉತ್ಸವದ ವಿಶೇಷತೆಯಾಗಿದೆ ಎಂದರು.[ಫೆ. 10 ರಂದು ' ಕೊಂಕಣಿ ಲೋಕೋತ್ಸವ 2017']
ಅಕಾಡಮಿಯ ಮಾಜಿ ಅಧ್ಯಕ್ಷ ಎರಿಕ್ ಒಝಾರಿಯೊ, ರಿಜಿಸ್ಟ್ರಾರ್ ಡಾ. ಬಿ. ದೇವದಾಸ್ ಪೈ ಮತ್ತಿತರರು ಈ ಸಂದರ್ಭ ಉಪಸ್ಥಿತರಿದ್ದರು.