ಚಪ್ಪಲಿ ಸ್ಟಾಂಡ್‌ನಲ್ಲಿ ಅಡಗಿ ಕುಳಿತಿತ್ತು 13 ಅಡಿ ಉದ್ದ ಕಾಳಿಂಗ!

ಮಂಗಳೂರು, ಮಾರ್ಚ್ 09 : ಚಪ್ಪಲಿ ಸ್ಟಾಂಡ್‌ನಲ್ಲಿ ಬೆಚ್ಚಗೆ ಅಡಗಿ ಕುಳಿತಿದ್ದ 13 ಅಡಿ ಉದ್ದದ ಕಾಳಿಂಗ ಸರ್ಪವನ್ನು ಹಿಡಿದು, ಪಿಲಿಕುಳ ನಿಸರ್ಗಧಾಮಕ್ಕೆ ಒಪ್ಪಿಸಲಾಗಿದೆ. ಕಾಡಿನಿಂದ ನಾಡಿಗೆ ಬಂದಿದ್ದ ಕಾಳಿಂಗ ಸರ್ಪ ಚಪ್ಪಲಿ ಸ್ಟಾಂಡ್‌ನಲ್ಲಿ ಅಡಗಿ ಕುಳಿತಿತ್ತು.

ಗುರುಪುರದ ಕೈಕಂಬದ ಬಳಿಕ ಮಾರಿಸ್ ಫೆರ್ನಾಂಡೀಸ್ ಅವರ ಮನೆಯ ಚಪ್ಪಲಿ ಸ್ಟಾಂಡ್‌ನಲ್ಲಿ ಮಾರ್ಚ್ 5ರಂದು ಬೆಳಗ್ಗೆ 7.30ರ ಸುಮಾರಿಗೆ ಕಾಳಿಂಗ ಪತ್ತೆಯಾಗಿತ್ತು. ತಕ್ಷಣ ಅವರು ಉರಗ ತಜ್ಞ ಗಂಗೇಶ್ ಬೋಳಾರ್ ಅವರಿಗೆ ಮಾಹಿತಿ ನೀಡಿದರು. [ಶೇನ್ ವಾರ್ನ್ ಗೆ ಅನಕೊಂಡ ಕಚ್ಚಿದರೂ ಬಚಾವ್]

ಸ್ಥಳಕ್ಕೆ ಆಗಮಿಸಿದ ಅವರು ಸುವಿತ್ (ಸ್ನೇಕ್ ಪಾಪು) ಅವರನ್ನು ಸ್ಥಳಕ್ಕೆ ಕರೆಸಿದರು. ನಂತರ ಇಬ್ಬರು ಸೇರಿ 13 ಅಡಿ ಉದ್ದದ ಕಾಳಿಂಗ ಸರ್ಪವನ್ನು ಹಿಡಿದು ಪಿಲಿಕುಳ ನಿಸರ್ಗಧಾಮಕ್ಕೆ ಒಪ್ಪಿಸಿದರು. ಗಂಗೇಶ್ (63) ಮತ್ತು ಸುವಿತ್ (31) ಅವರು ಕಳೆದ 8 ವರ್ಷಗಳಿಂದ ಹಾವುಗಳನ್ನು ಹಿಡಿಯುವ ಕೆಲಸ ಮಾಡುತ್ತಿದ್ದಾರೆ. [30 ಸಾವಿರ ಹಾವು ಹಿಡಿದು ದಾಖಲೆ ಮಾಡಿದ ಸ್ನೇಕ್ ಶ್ಯಾಮ್]

ಸಾಮಾನ್ಯವಾಗಿ ಡಿಸೆಂಬರ್‌ನಿಂದ ಮಾರ್ಚ್ ವರೆಗೆ ಹಾವುಗಳ ಮಿಲನದ ಸಮಯವಾಗಿದ್ದು. ಕಾಳಿಂಗ ಸರ್ಪವು ಗೂಡುಕಟ್ಟಿ 50-60 ಮೊಟ್ಟೆ ಇಡುತ್ತದೆ. 60 ದಿನಗಳಲ್ಲಿ ಮೊಟ್ಟೆಯೊಡೆದು ಮರಿಯಾಗುತ್ತವೆ. [ಬರೋಬ್ಬರಿ 3 ಹೆಬ್ಬಾವು ಹಿಡಿದ ಮಂಗಳೂರು ಯುವಕರು!]

English summary

Maurice Fernandes and his family residing at Gurupura-Kaikamba, in the outskirts of Mangaluru had a surprise guest, a 13 ft long King Cobra hiding in their shoe-rack. Gangesh Bolar and Suvith, known as “Snake” Papu were immediately called to the scene. Gangesh and Papu were able to coax the king cobra out of the shoe rack and bagged it.