ಹಜ್‌ಗೆ ತೆರಳಿದ್ದ ಕಾಸರಗೋಡಿನ ಯಾತ್ರಾರ್ಥಿ ಸಾವು

By: ಒನ್ ಇಂಡಿಯಾ ಪ್ರತಿನಿಧಿ
Subscribe to Oneindia Kannada

ಕಾಸರಗೋಡು, ಸೆಪ್ಟೆಂಬರ್ 03 : ಹಜ್ ಒಂದು ಪವಿತ್ರ ಯಾತ್ರೆ. ಎಷ್ಟೋ ಮುಸ್ಲಿಮರು ಹಜ್ ಯಾತ್ರೆಗೆ ಹೋಗಲು ಇಚ್ಛಿಸುತ್ತಾರೆ. ಆದರೆ ಇಂತಹ ಪವಿತ್ರ ಯಾತ್ರೆಗೆ ತೆರಳಿದ ಕಾಸರಗೋಡು ಮೂಲದ ಯಾತ್ರಿಕರೊಬ್ಬರು ಸಾವನ್ನಪ್ಪಿದ್ದಾರೆ.

ಶುಕ್ರವಾರ ರಾತ್ರಿ ಮೆಕ್ಕಾದ ಕಿಂಗ್ ಅಬ್ದುಲ್ ಆಝೀಝ್ ಆಸ್ಪತ್ರೆಯಲ್ಲಿ ಕಾಸರಗೋಡು ನಿವಾಸಿ ಅಬೂಬಕ್ಕರ್ ( 73) ಮೃತಪಟ್ಟಿದ್ದಾರೆ. ಮೃತರು ಅಸೌಖ್ಯದಿಂದ ಬಳಲುತ್ತಿದ್ದರು, ಹಜ್ ಯಾತ್ರೆಯಲ್ಲೇ ಮರಣ ಹೊಂದಬೇಕು ಎಂದು ಬಯಸಿದ್ದರು ಎಂದು ತಿಳಿದುಬಂದಿದೆ. ಪತ್ನಿ ಸಮೇತರಾಗಿ ಅವರು ಮಕ್ಕಾ ಮದೀನಾ ಪ್ರವಾಸಕ್ಕೆ ತೆರಳಿದ್ದರು.[ಮಂಗಳೂರಲ್ಲಿ ಶೀಘ್ರವೇ ಹಜ್ ಭವನ ನಿರ್ಮಾಣ]

haj

ಆಗಸ್ಟ್ 4 ರಂದು ಅಬೂಬಕ್ಕರ್ ಅವರು ಕರ್ನಾಟಕದ ಮೊದಲ ಹಜ್ ವಿಮಾನದಲ್ಲಿ ಪ್ರಯಾಣ ಬೆಳೆಸಿದ್ದರು. ಪವಿತ್ರ ಮದೀನಾದಲ್ಲಿ 8 ದಿನಗಳ ಕಾಲ ತಂಗಿದ್ದು, ಮದೀನಾ ಝೀಯಾರತ್ ನಡೆಸಿದ್ದರು. ನಂತರ ಆರೋಗ್ಯದಲ್ಲಿ ಏರುಪೇರು ಉಂಟಾದ ಕಾರಣ ಆಸ್ಪತ್ರೆಗೆ ದಾಖಲಿಸಲಾಗಿತ್ತು.[ಹಜ್ ಯಾತ್ರೆಗೆ ರಾಜ್ಯದಿಂದ 5 ಸಾವಿರ ಯಾತ್ರಾರ್ಥಿಗಳು]

ಚಿಕಿತ್ಸೆ ಪಡೆದ ನಂತರ ಅವರು ಚೇತರಿಸಿಕೊಂಡಿದ್ದರು. ಆದರೆ, ಶುಕ್ರವಾರ ತೀರಾ ಅಸ್ವಸ್ಥತೆಯಿಂದಾಗಿ ಬಳಲುತ್ತಿರುವುದನ್ನು ಕಂಡು ಪುನಃ ಆಸ್ಪತ್ರೆಗೆ ದಾಖಲು ಮಾಡಲಾಯಿತು. ಆದರೆ, ಚಿಕಿತ್ಸೆ ಫಲಕಾರಿಯಾಗದೇ ಸಾವನ್ನಪ್ಪಿದ್ದಾರೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Kasaragod based Haj pilgrim Abubakar (73) has died of heart attack at Makkah.
Please Wait while comments are loading...