ಮಂಗಳೂರಿಗೆ ಬಂದ 25 ಪೊಲೀಸ್ ಗಸ್ತು ವಾಹನಗಳ ವಿಶೇಷತೆಗಳೇನು?

Written by: ಮಂಗಳೂರು ಪ್ರತಿನಿಧಿ
Subscribe to Oneindia Kannada

ಮಂಗಳೂರು, ಜನವರಿ. 12 : ಅತ್ಯಾಧುನಿಕ ವ್ಯವಸ್ಥೆಗಳಿಂದ ಕೂಡಿರುವ 25 ಹೈಟೆಕ್ ಹೊಯ್ಸಳ ಕಾರುಗಳು(ಗಸ್ತು ವಾಹನ) ಮಂಗಳೂರು ಮಹಾನಗರದ ಭದ್ರತೆಯನ್ನು ಮತ್ತಷ್ಟು ಬಲಪಡಿಸುವ ಉದ್ದೇಶದಿಂದ ಮಂಗಳೂರು ನಗರ ಪೊಲೀಸ್ ಕಮಿಷನರ್ ವ್ಯಾಪ್ತಿಗೆ ಬಂದಿವೆ.

ಇದರ ಜತೆಗೆ ಜಿಲ್ಲಾ ಎಸ್ಪಿ ವ್ಯಾಪ್ತಿಗೆ 3 ಕಾರುಗಳು ಮಂಜೂರಾಗಿದ್ದು ಈ ತಿಂಗಳಾಂತ್ಯಕ್ಕೆ ಬರಲಿವೆ. ಸಂತಸದ ವಿಷಯವೆಂದರೆ ಈ ಕಾರುಗಳು ನಗರದ ಹಾಗೂ ಜಿಲ್ಲೆಯ ನಾನಾ ಕಡೆ ಕಾರ್ಯವಹಿಸಲಿದೆ.

ನಗರಕ್ಕೆ ಹೈಟೆಕ್ ಮಾದರಿಯ ಹೊಯ್ಸಳ ಕಾರು ಪರಿಚಯಿಸಲಾಗಿದ್ದು ಈ ನಿಟ್ಟಿನಲ್ಲಿ ಗೃಹ ಸಚಿವ ಪರಮೇಶ್ವರ್ ಅವರು ಗುರುವಾರ ನಗರದಲ್ಲಿ ಕಾರುಗಳಿಗೆ ಚಾಲನೆ ನೀಡಿದರು.

ಆಗಿದ್ದರೆ ಈ ಗಸ್ತು ವಾಹನಗಳ ವಿಶೇಷತೆಗಳು ಏನು ಎಂಬುವುದನ್ನು ಮುಂದೆ ಓದಿ.

ಕಮಿಷನರ್ ವ್ಯಾಪ್ತಿಗೆ 25 ವಾಹನಗಳು

ಹೈಟೆಕ್ ಮಾದರಿಯ ಹೊಯ್ಸಳ 25 ಕಾರುಗಳು ಕಮಿಷನರ್ ವ್ಯಾಪ್ತಿಯ ಒಂದೊಂದು ಠಾಣೆಗೆ ಒಂದರಂತೆ ನೀಡಲು ಉದ್ದೇಶಿಸಲಾಗಿದೆ. ಚಾಲಕ ಸೇರಿದಂತೆ ಕನಿಷ್ಠ ಇಬ್ಬರು ಸಿಬ್ಬಂದಿ ಈ ವಾಹನದಲ್ಲಿ ದಿನದ 24 ಗಂಟೆಯೂ ಕಾರ್ಯನಿರ್ವಹಿಸಲಿದ್ದಾರೆ. ಒಟ್ಟು 3 ಪಾಳಿಯಲ್ಲಿ ನಾಲ್ಕು ಮಂದಿ ಸಿಬ್ಬಂದಿ ಇದರಲ್ಲಿ ಕರ್ತವ್ಯ ನಿರ್ವಹಿಸಲಿದ್ದಾರೆ.

ಎಸ್ಪಿ ವ್ಯಾಪ್ತಿಗೆ 3 ವಾಹನಗಳು

ದ. ಕ ಜಿಲ್ಲಾ ಎಸ್ಪಿ ವ್ಯಾಪ್ತಿಗೂ 3 ಕಾರುಗಳು ಮಂಜೂರಾಗಿದ್ದು ಈ ವಾಹನಗಳಿಗೆ ತಂತ್ರಜ್ಞಾನ ಅಳವಡಿಕೆ ಕೆಲಸ ಬೆಂಗಳೂರಿನಲ್ಲಿ ನಡೆಯುತ್ತಿದ್ದು ಜನವರಿ 15ರ ಬಳಿಕ ಜಿಲ್ಲೆಗೆ ಬರಲಿವೆ.

ಈ ವಾಹನಗಳ ಕಾರ್ಯವೈಖರಿ ಹೇಗೆ?

ಕಮಿಷನರೇಟ್ ವ್ಯಾಪ್ತಿಯಲ್ಲಿ ಯಾವುದೇ ಘಟನೆ ನಡೆದಾಕ್ಷಣ '100' ನಂಬರ್ ನ ಕಂಟ್ರೋಲ್ ರೂಮ್ ಗೆ ವಿಷಯ ತಿಳಿಸಬೇಕು. ಈ ಬಗ್ಗೆ ಕಂಟ್ರೋಲ್ ರೂಮ್ ನಿಂದ ನೇರ ಮಾಹಿತಿ ಘಟನೆ ನಡೆದ ಸ್ಥಳದ ಸಮೀಪವಿರುವ ಹೊಯ್ಸಳ ತಂಡಕ್ಕೆ ರವಾನೆಯಾಗುತ್ತದೆ.

ನಂತರ ಘಟನೆ ನಡೆದ ಸ್ಥಳಕ್ಕೆ ಆ ವಾಹನ ತಕ್ಷಣ ತೆರಳಿ ಘಟನೆಯ ಸಂಪೂರ್ಣ ಮಾಹಿತಿ ಕಂಟ್ರೋಲ್ ರೂಮ್ ಮತ್ತು ಹಿರಿಯ ಅಧಿಕಾರಿಗಳಿಗೆ ನೀಡಬೇಕು. ಈ ವಾಹನದಲ್ಲಿ ಟ್ಯಾಬ್ ಇರುವುದರಿಂದ ಫೋಟೋ ಮಾಹಿತಿಯನ್ನು ಕೂಡಲೇ ಅಪ್ಲೋಡ್ ಮಾಡಲು ವ್ಯವಸ್ಥೆ ಇದೆ.

 

ತಪ್ಪಿತ್ತಸ್ಥರು ಬಹುಬೇಗನೇ ಸರೆ

ಈ ಮೇಲಿನ ಸೌಲಭ್ಯಗಳಿಂದ ಆರೋಪಿಯ ಚಿತ್ರ ಸೇರಿದಂತೆ ದೂರಿನ ಬಗ್ಗೆ ಸಮಗ್ರ ವಿವರವನ್ನು ರವಾನಿಸಲಾಗುವುದು. ಇವೆಲ್ಲವೂ ತಪ್ಪಿತ್ತಸ್ಥರು ಬಹುಬೇಗನೇ ಸರೆ ಹಿಡಿಯಲು ನೆರವಾಗಲಿದೆ.

English summary
Home minister Dr G Parameshwara on Thursday, January 12 launched 25 new patrolling vehicles of Mangaluru city police at the city commissionerate office here.
Please Wait while comments are loading...