ವೃಕ್ಷರಕ್ಷ-ವಿಶ್ವರಕ್ಷ : ಉಡುಪಿಯಲ್ಲಿ ಬೃಹತ್ ಜಾಗೃತ ಸಮಾವೇಶ

By: ಮಂಗಳೂರು ಪ್ರತಿನಿಧಿ
Subscribe to Oneindia Kannada

ಉಡುಪಿ, ಮಾರ್ಚ್ 08 : ವೃಕ್ಷರಕ್ಷ-ವಿಶ್ವರಕ್ಷ ಯೋಜನೆ ಬಗ್ಗೆ ಸಾರ್ವಜನಿಕರಿಗೆ ಮಾಹಿತಿ ನೀಡಲು ಮಾರ್ಚ್ 13ರಂದು ಉಡುಪಿ ಶ್ರೀಕೃಷ್ಣ ಮಠದ ರಾಜಾಂಗಣದಲ್ಲಿ ಬೃಹತ್ ಸಮಾವೇಶ ಆಯೋಜಿಸಲಾಗಿದೆ.'ಉಸಿರಾಡುವವರೆಲ್ಲಾ ಹಸಿರು ಬೆಳೆಸಲು ಬನ್ನಿ' ಎಂಬ ಘೋಷವಾಕ್ಯದಡಿ ಯೋಜನೆ ಜಾರಿಗೆ ತರಲಾಗುತ್ತಿದೆ.

ಉಡುಪಿಯಲ್ಲಿ ಮಾತನಾಡಿದ ಪೇಜಾವರ ಶ್ರೀಗಳು ಈ ಕುರಿತು ಮಾಹಿತಿ ನೀಡಿದರು. 'ಜಿಲ್ಲಾ ವ್ಯಾಪ್ತಿಯ ಸಂಘ ಸಂಸ್ಥೆಯ ಸದಸ್ಯರು, ದೇವಸ್ಥಾನದ ಮುಖ್ಯಸ್ಥರು, ಯುವಕ-ಯುವತಿ ಮಂಡಲದ ಸದಸ್ಯರು, ಶ್ರೀಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ದಿ ಯೋಜನೆ ಸದಸ್ಯರು, ಸಾರ್ವಜನಿಕ ಗಣೇಶೋತ್ಸವ ಸಮಿತಿ ಸೇರಿ ಎಲ್ಲ ಗ್ರಾಮ ಪಂಚಾಯತಿ ಪ್ರತಿನಿಧಿಗಳನ್ನು ಸಮಾವೇಶಕ್ಕೆ ಆಹ್ವಾನಿಸಲಾಗಿದೆ' ಎಂದರು. [ದಾರಿ ಬದಿ ಗಿಡಗಳ ಆರೈಕೆಯಲ್ಲಿ ಮೈಸೂರಿನ 'ಅಪ್ನದೇಶ್']

udupi

ಮಾರ್ಚ್ 13ರಂದು ಬೆಳಗ್ಗೆ 9ರಿಂದ ಮಧ್ಯಾಹ್ನ 3 ಗಂಟೆಯ ತನಕ ನಡೆಯಲಿರುವ ಸಮಾವೇಶದಲ್ಲಿ 3 ಸಾವಿರ ಮಂದಿ ಭಾಗವಹಿಸುವ ನಿರೀಕ್ಷೆ ಇದೆ. ಸಮಾವೇಶದಲ್ಲಿ ಪರಿಸರ ತಜ್ಞರು ಉಪನ್ಯಾಸ ಮತ್ತು ಪ್ರಾತ್ಯಕ್ಷಿಕೆ ಮಂಡಿಸಲಿದ್ದಾರೆ. ನಾಗರೀಕರ ಸಲಹೆ ಮತ್ತು ಸೂಚನೆ ಪಡೆಯಲು ಸಂವಾದ ಕಾರ್ಯಕ್ರಮ ನಡೆಸಲಾಗುತ್ತದೆ. [ಮೃತ ಪ್ರಾಣಿಗಳ ಆತ್ಮಕ್ಕೆ ಮುಕ್ತಿ ಕಾಣಿಸುವ ಬಂಧುವೇ ಉದಯಗಟ್ಟಿ]

ಸಮಾವೇಶದಲ್ಲಿ ಅರಣ್ಯ ಸಚಿವ ರಮಾನಾಥ ರೈ, ತೋಟಗಾರಿಕೆ ಹಾಗೂ ಕೃಷಿ ಮಾರುಕಟ್ಟೆ ಸಚಿವ ಡಾ. ಶಾಮನೂರು ಶಿವಶಂಕರ್, ಶಾಸಕ ಪ್ರಮೋದ್ ಮಧ್ವರಾಜ್, ಮಾಜಿ ಶಾಸಕ ರಘುಪತಿ ಭಟ್ ಭಾಗವಹಿಸಲಿದ್ದಾರೆ. ನಾಡೋಜ ಸಾಲು ಮರದ ತಿಮ್ಮಕ್ಕ ಅವರನ್ನು ಸನ್ಮಾನಿಸಲಾಗುತ್ತದೆ. [ವಸತಿಶಾಲೆ ವಿದ್ಯಾರ್ಥಿಗಳ ಪರಿಸರ ಕಾಳಜಿಗೆ ನಮ್ಮದೊಂದು ಸಲಾಂ!]

ಹಸಿರು ಬೆಳೆಸಲು ಬನ್ನಿ : 'ಉಸಿರಾಡುವವರೆಲ್ಲಾ ಹಸಿರು ಬೆಳೆಸಲು ಬನ್ನಿ' ಎಂಬ ಘೋಷವಾಕ್ಯದಡಿ ಯೋಜನೆಯನ್ನು ಜಾರಿಗೆ ತರಲಾಗುತ್ತಿದೆ. ಯೋಜನೆಗೆ ಅಗತ್ಯವಿರುವ ಹಣ್ಣಿನ, ಔಷಧೀಯ ಹಾಗೂ ಹೂವಿನ ಸಸಿಗೆ ಅರಣ್ಯ ಇಲಾಖೆ, ತೋಟಗಾರಿಕೆ ಇಲಾಖೆ, ಖಾಸಗಿ ನರ್ಸರಿಗಳಿಗೆ ಬೇಡಿಕೆ ಸಲ್ಲಿಸಲಾಗಿದೆ. ಯೋಜನೆಯಡಿ ಎರಡು ವರ್ಷದಲ್ಲಿ 1 ಕೋಟಿ ಸಸಿಗಳನ್ನು ನೆಡುವ ಗುರಿ ಇದೆ.

ವೃಕ್ಷೋತ್ಸವ : ಸಮಾವೇಶದ ಅಂಗವಾಗಿ ಮಾರ್ಚ್ 12ರಂದು ಬೆಳಗ್ಗೆ 8.30ಕ್ಕೆ ರಥಬೀದಿಯಲ್ಲಿ ವೃಕ್ಷರಾಜ ಅಶ್ವತ್ಥವನ್ನು ನವರತ್ನ ರಥದಲ್ಲಿಟ್ಟು ವೃಕ್ಷೋತ್ಸವ ನಡೆಸಲಾಗುತ್ತದೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Vriksha Raksha Vishwa Raksha campaign rally organized in Udupi on March 13th, 2016. Vriksha Raksha Vishwa Raksha campaign of Vishwesha Theertha Swami of Pejawar matha, Udupi, aims to plant 1,00,00,000 saplings in two years.
Please Wait while comments are loading...