19 ರಾಜ್ಯ ಹೆದ್ದಾರಿಗಳಲ್ಲಿ ನೂತನ ಟೋಲ್: ರಾಜ್ಯ ಸರ್ಕಾರ ಅಂಕಿತ
ನೂತನವಾಗಿ ವಿಸ್ತರಿಸಲ್ಪಟ್ಟ ಹೆದ್ದಾರಿಗಳ ರಸ್ತೆಗಳಿಗೆ ಟೋಲ್ ಸಂಗ್ರಹಿಸಲು ಮಾರ್ಚ್ 18ರಂದು ನಡೆದ ರಾಜ್ಯ ಸಚಿವ ಸಂಪುಟದ ಸಭೆಯಲ್ಲಿ ಒಪ್ಪಿಗೆ ನೀಡಲಾಗಿದೆ.
ಬೆಂಗಳೂರು, ಮಾರ್ಚ್ 19: ವಿಸ್ತರಿಸಲ್ಪಟ್ಟಿರುವ ಹತ್ತೊಂಭತ್ತು ರಾಜ್ಯ ಹೆದ್ದಾರಿಗಳ ಸುಮಾರು 1,530 ಕಿ.ಮೀ. ವ್ಯಾಪ್ತಿಯ ರಸ್ತೆಗಳ ಬಳಕೆಗೆ ನೂತನವಾಗಿ ಶುಲ್ಕ ಸಂಗ್ರಹಿಸುವ ನಿರ್ಧಾರಕ್ಕೆ ರಾಜ್ಯ ಸ ಚಿವ ಸಂಪುಟ ಮಾರ್ಚ್ 18ರಂದು ಒಪ್ಪಿಗೆ ನೀಡಿದೆ.
ಹೆದ್ದಾರಿಗಳ ಈ ವಿಸ್ತರಣೆಯನ್ನು ಕರ್ನಾಟಕ ರಾಜ್ಯ ಹೆದ್ದಾರಿ ಅಭಿವೃದ್ಧಿ ಯೋಜನೆಯಡಿ ಕರ್ನಾಟಕ ರಸ್ತೆ ಅಭಿವೃದ್ಧಿ ಕಾರ್ಪೊರೇಷನ್ ನಿರ್ಮಿಸಿದೆ. ಈ ವಿಸ್ತರಿಸಲ್ಪಟ್ಟ ರಸ್ತೆಗಳಲ್ಲಿ ಶೀಘ್ರವೇ ಟೋಲ್ ಪ್ಲಾಜ್ ಶುಲ್ಕ ಸಂಗ್ರಹಣಾ ಕೇಂದ್ರಗಳನ್ನು ತೆರೆಯಲು ಸಚಿವ ಸಂಪುಟ ಅಸ್ತು ಎಂದಿದೆ.
ವಿಸ್ತರಣೆಗೊಂಡಿರುವ ಹಾಗೂ ಟೋಲ್ ನಿಗದಿಗೊಳಿಸಲಾಗುವ ರಸ್ತೆಗಳ ಪಟ್ಟಿ ಹೀಗಿದೆ...
- ಮುದಗಲ್ ನಿಂದ ಗಂಗಾವತಿ (74 ಕಿ.ಮೀ)
- ಪಡುಬಿದ್ರಿಯಿಂದ ಕಾರ್ಕಳ (28 ಕಿಮೀ)
- ಹಾವೇರಿಯಿಂದ ಹಾನಗಲ್ (33 ಕಿಮೀ)
- ಧಾರವಾಡದಿಂದ ಸವದತ್ತಿ (36 ಕಿಮೀ)
- ಹೊಸಕೋಟೆಯಿಂದ ಚಿಂತಾಮಣಿ (80 ಕಿಮೀ)
- ತಿಂತಿಣಿಯಿಂದ ಕಲ್ಮಲ (74 ಕಿಮೀ)
- ದಾಬಸ್ ಪೇಟೆಯಿಂದ ಕಂಬೂರಿ (ಆಂಧ್ರಪ್ರದೇಶ) (91 ಕಿಮೀ)
- ನವಲಗುಂದದಿಂದ ಮುಂಡರಗಿ (80 ಕಿಮೀ)
- ಗುಬ್ಬಿಯಿಂದ ಯಡಿಯೂರು (49 ಕಿಮೀ)
- ಯಡಿಯೂರಿನಿಂದ ಮಂಡ್ಯ (60 ಕಿಮೀ)
-ದಾವಣಗೆರೆಯಿಂದ ಬೀರೂರು (149 ಕಿಮೀ)
- ಸವದತ್ತಿಯಿಂದ ಪಟ್ಟದಕಲ್ಲು (130 ಕಿಮೀ)
- ಹಾನಗಲ್ ನಿಂದ ತಡಸ (144 ಕಿಮೀ)
- ಶಿಕಾರಿಪುರದಿಂದ ಹಾನಗಲ್ (128 ಕಿಮೀ)
- ಮಳವಳ್ಳಿಯಿಂದ ಕೊರಟಗೆರೆ (150 ಕಿಮೀ)
- ಮುಧೋಳದಿಂದ ನಿಪ್ಪಾಣಿ (108 ಕಿಮೀ)
- ಸಿಂಧನೂರಿನಿಂದ ಕುಷ್ಟಗಿ (75 ಕಿಮೀ)
- ಹುಬ್ಬಳ್ಳಿಯಿಂದ ಲಕ್ಷ್ಮೇಶ್ಮರ (43 ಕಿಮೀ)
- ಬಳ್ಳಾರಿಯಿಂದ ಮೋಕಾ (26 ಕಿಮೀ)