Click it and Unblock the Notifications
Just In
-
-
-
Don't Miss
-
ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ -
ಡಿ. ಕೆ ಸುರೇಶ್ ಪರ ನಟ ದರ್ಶನ್ ಪ್ರಚಾರ; ಆ 2 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತಬೇಟೆ -
ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್ -
ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್ -
ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್! -
n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಏನು ಸಾಧನೆ ಮಾಡಿದ್ದಾರಂತ ಇವರಿಗೆ ಸ್ಯಾಲರಿ ಹೈಕು?
ನಮಗೂ, ನಿಮಗೂ ಇಂಕ್ರೀಮೆಂಟ್ ಆಗಬೇಕಂದರೆ ಅದಕ್ಕೆ ನೂರಾಯೆಂಟು ಪ್ರೊಸಿಜರ್ ಗಳು. ನಮ್ಮ ವಾರ್ಷಿಕ ಸಾಧನೆಯ ಆಧಾರದ ಮೇಲೆ ಸಂಬಳ ಏರಿಕೆಯಾದರೂ ಅದು 6ರಿಂದ 10 ಪರ್ಸೆಂಟ್ ದಾಟಲ್ಲ. ಅದಕ್ಕೆ ಆ ಫಾರ್ಮು, ಈ ಫಾರ್ಮು , ಮೇಲಾಧಿಕಾರಿಗಳ ಅಪ್ರೂವಲ್ ಹೀಗೆ ನಿಯಮಗಳು ಒಂದಾ ಎರಡಾ?
ಆದರೆ ಇವರಿಗೆ ಇದರ ಯಾವ ರಗಳೆನೂ ಇಲ್ಲ. ದಕ್ಷಿಣ ಭಾರತದಲ್ಲೇ ಅತಿಹೆಚ್ಚು ಸಂಬಳ/ಭತ್ಯೆ ಪಡೆಯುವ ಶಾಸಕರು ಎನ್ನುವ ಹೆಗ್ಗಳಿಕೆಗೆ ನಮ್ಮ ಕರ್ನಾಟಕದ ಶಾಸಕರು ಪಾತ್ರರಾಗಿದ್ದಾರೆ. (ಶಾಸಕರ ವೇತನ ಭಾರೀ ಏರಿಕೆ)
ಶಾಸಕರ ವೇತನ ಹೆಚ್ಚಳ ವಿಧೇಯಕ ಸದನದಲ್ಲಿ ಮಂಡನೆಯಾದಾಗ ಅದೇನು ಒಗ್ಗಟ್ಟು, ಅದೇನು ಸೌಹಾರ್ದತೆ, ಅದೇನು ಸಭ್ಯತೆ? ಆಡಳಿತ, ವಿರೋಧ ಪಕ್ಷ ಎನ್ನುವ ಯಾವುದೇ ಕಟ್ಟುಪಾಡು ಇಲ್ಲದೇ, ಯಾವುದೇ ಚರ್ಚೆ, ಪ್ರಶ್ನೋತ್ತರವಿಲ್ಲದೆ ಶಾಸಕರು ವಿಧೇಯಕಕ್ಕೆ ಜೈ ಎಂದಿದ್ದಾರೆ.
ವೇತನ ಪರಿಷ್ಕರಣೆ ವಿಧೇಯಕ ಮಂಡನೆಯ ವೇಳೆ ತೋರಿದ ಒಗ್ಗಟ್ಟು, ಶಿಸ್ತನ್ನು ಹಿಂದೆಯೂ ಪಾಲಿಸಿಕೊಂಡು ಬಂದಿದ್ದರೆ ಸದನ ಕಲಾಪ ಬಲಿಯಾಗದೇ ಅದೆಷ್ಟೋ ಬಿಲ್ ಗಳು ಪಾಸ್ ಆಗುತ್ತಿದ್ದವು.
ಗತಿಸಿ ಹೋಗಿದ್ದಕ್ಕೆ ಚಿಂತಿಸಿ ಫಲವೇನು ಅನ್ನುವಂತೆ ಇನ್ಮುಂದೆಯಾದರೂ ಸದನದಲ್ಲಿ ಜನರ ಸಮಸ್ಯೆಗಳಿಗೆ ಪರಿಹಾರ ಸಿಗುವ ಗಂಭೀರ ಚರ್ಚೆ ಶಾಸಕರಿಂದ ನಡೆಯಬೇಕಿದೆ.
ಶಾಸಕರ ಮಾಸಿಕ ವೇತನ ಮತ್ತು ಇತರ ಭತ್ಯೆಗಳು ಸೇರಿ 75 ಸಾವಿರದಿಂದ 1.25 ಲಕ್ಷ ರೂಪಾಯಿಗೆ ಏರಿಕೆಯಾಗಿದೆ. ಅಂದರೆ 224 ಶಾಸಕರಿಗೆ ಏರಿಕೆಯಾದ ವೇತನದ ಹೆಚ್ಚುವರಿ ಮಾಸಿಕ ಹೊರೆ ಅಂದಾಜು 1.2 ಕೋಟಿ ರೂಪಾಯಿ.
ಇದು ಬಿಟ್ಟು ಮುಖ್ಯಮಂತ್ರಿಗಳು, ಸಂಪುಟ ದರ್ಜೆ, ರಾಜ್ಯ ದರ್ಜೆ ಸಚಿವರು, ವಿರೋಧ ಪಕ್ಷದ ನಾಯಕ, ಸಭಾಪತಿ, ಉಪಸಭಾಪತಿಯವರದ್ದು ಲೆಕ್ಕ ಬೇರೆ ಇದೆ.
ವೇತನ ಹೆಚ್ಚಿಸಬೇಕೆನ್ನುವ ಬೇಡಿಕೆ ಅಥವಾ ಒತ್ತಡ ಮುಖ್ಯಮಂತ್ರಿಗಳಿಗೆ ಇತ್ತೇ ಎನ್ನುವ ಪ್ರಶ್ನೆ ಇಲ್ಲಿ ಕಾಡುವುದು ಸಹಜ. ಯಾಕೆಂದರೆ, ಈ ವಿಧೇಯಕ ಮಂಡನೆಯಾದಾಗ ಸುಮ್ಮನಿದ್ದ ಕೆಲವು ಶಾಸಕರು, ನಂತರ ಇದರ ಅವಶ್ಯಕತೆ ಇರಲಿಲ್ಲ ಎಂದು ಮಾಧ್ಯಮಗಳ ಮುಂದೆ ಹೇಳಿಕೆ ನೀಡಿರುವುದು.
ಈ ರೀತಿ ವೇತನ ಹೆಚ್ಚಳವನ್ನು ವಿರೋಧಿಸಿದ ಶಾಸಕರನ್ನು ಪಟ್ಟಿ ಮಾಡಿ, ಅಂಥವರನ್ನು 'ವೇತನ ರಹಿತ' ಶಾಸಕರೆಂದು ಹಣಕಾಸು ಇಲಾಖೆ ಪ್ರತ್ಯೇಕಿಸಿದರೆ ಇದರಿಂದ ಜನರ ತೆರಿಗೆ ಹಣವಾದರೂ ಉಳಿಯಬಹುದೇನೋ?
ಅದೇನೆ ಇರಲಿ, ಶಾಸಕರಿಗೆ ನೀಡುವ ಮಾಸಿಕ ವೇತನಕ್ಕೆ ಏನಾದರೂ ಪ್ಯಾರಾಮೀಟರನ್ನು ಹಣಕಾಸು ಇಲಾಖೆ ಇಟ್ಟುಕೊಂಡಿದೆಯಾ ಎನ್ನುವುದು ಜನಸಾಮಾನ್ಯರ ಪ್ರಶ್ನೆ?
ವರ್ಷದಲ್ಲಿ ಕೆಲವು ದಿನಗಳ ಕಾಲ ನಡೆಯುವ ಸದನ ಕಲಾಪದಲ್ಲೇ ಸರಿಯಾಗಿ ಭಾಗವಹಿಸದ ಶಾಸಕ/ಸಚಿವರಿಗೆ ಮಾಸಿಕ ವೇತನ ನೀಡುವಾಗ ಯಾವ ಪದ್ದತಿಯನ್ನು ಪಾಲಿಸಲಾಗುತ್ತಿದೆ? Human Resources ಪಾಲಿಸಿ ತರ ಶಾಸಕರಿಗೆ MLA ಪಾಲಿಸಿ ಏನಾದರೂ ಜಾರಿಯಲ್ಲಿ ಇದೆಯಾ?
ಶಾಸಕರ ಹಾಜರಾತಿ ಮೇಲೆ ಮಾಸಿಕ ವೇತನ ನೀಡಲಾಗುತ್ತಾ ಅಥವಾ ಐದು ವರ್ಷ ಕ್ಷೇತ್ರ/ಸದನದಲ್ಲಿ ಹಾಜರಿರಲಿ ಬಿಡಲಿ ಫುಲ್ ಸ್ಯಾಲರಿ ಸಿಗುತ್ತಾ?
ಇವರಿಗೂ ಅಟೆಂಡೆನ್ಸ್ ಸಿಸ್ಟಂ ಅನ್ನೋದು ಇದೆಯಾ? ಒಂದು ವೇಳೆ ಅಟೆಂಡೆನ್ಸ್ ಸಿಸ್ಟಂ ಅನ್ನೋದು ಇದ್ದರೆ ಅದು ಯಾವ ರೀತಿ ವರ್ಕೌಟ್ ಆಗುತ್ತೆ? ರಜೆ ಹಾಕಿದರೆ ಅದಕ್ಕೆ ಸಿಎಲ್/ಪಿಎಲ್ ಏನಾದರೂ ಇದೆಯಾ? ಇವರಿಗೆ ವೀಕ್ಲಿ ಆಫ್ ಅನ್ನೋದಿದೆಯಾ?
ಈ ರೀತಿಯ ಜನತೆಗಿರುವ ಹತ್ತು ಹಲವಾರು ಸಂದೇಹ/ಪ್ರಶ್ನೆಗಳಿಗೆ ರಾಜ್ಯ ಹಣಕಾಸು ಇಲಾಖೆ ಅಥವಾ ಸರಕಾರ ಉತ್ತರ ನೀಡಲಿ ಎನ್ನುವುದೊಂದು ಕೋರಿಕೆ.
