ಕಲಬುರಗಿ : ಶೀಘ್ರದಲ್ಲೇ ಆರಂಭವಾಗಲಿದೆ ಜಯದೇವ ಆಸ್ಪತ್ರೆ
ಕಲಬುರಗಿ, ಅಕ್ಟೋಬರ್ 20 : ಪ್ರತಿಷ್ಠಿತ ಜಯದೇವ ಹೃದ್ರೋಗ ಸಂಸ್ಥೆ ಕಲಬುರಗಿಯಲ್ಲಿ ನಿರ್ಮಾಣ ಮಾಡುತ್ತಿರುವ ಆಸ್ಪತ್ರೆ ಐದು ತಿಂಗಳಿನಲ್ಲಿ ಕಾರ್ಯಾರಂಭ ಮಾಡಲಿದೆ. ಸುಮಾರು 15 ಕೋಟಿ ರೂ.ವೆಚ್ಚದಲ್ಲಿ 114 ಹಾಸಿಗೆಗಳ ಆಸ್ಪತ್ರೆ ನಿರ್ಮಾಣಗೊಳ್ಳುತ್ತಿದೆ.
ಜಯದೇವ
ಆಸ್ಪತ್ರೆ
ಕಾರ್ಯಾರಂಭ
ಮಾಡಿದರೆ
ಕೊಪ್ಪಳ,
ಯಾದಗಿರಿ,
ಬೀದರ್,
ಕಲಬುರಗಿ
ಸೇರಿದಂತೆ
ಸುತ್ತ-ಮುತ್ತಲಿನ
ಜಿಲ್ಲೆಗಳ
ಜನರು
ಬೆಂಗಳೂರಿಗೆ
ಚಿಕಿತ್ಸೆಗಾಗಿ
ಬರುವುದು
ತಪ್ಪಲಿದೆ.
ಕಲಬುರಗಿಯಲ್ಲಿನ
ವೈದ್ಯಕೀಯ
ಕಾಲೇಜು
ಆವರಣದಲ್ಲಿ
ಆಸ್ಪತ್ರೆ
ನಿರ್ಮಾಣಗೊಳ್ಳುತ್ತಿದೆ.
[ಕಲಬುರಗಿಯಲ್ಲಿ
ನಿರ್ಮಾಣವಾಗಲಿದೆ
ಜಯದೇವ
ಆಸ್ಪತ್ರೆ]
ಜಯದೇವ ಹೃದ್ರೋಗ ಸಂಸ್ಥೆಯ ನಿರ್ದೇಶಕರಾದ ಡಾ.ಸಿ.ಎನ್.ಮಂಜುನಾಥ್ ಅವರು ಈ ಕುರಿತು ಮಾಹಿತಿ ನೀಡಿದ್ದು, 'ಐದು ತಿಂಗಳಿನಲ್ಲಿ ಆಸ್ಪತ್ರೆ ನಿರ್ಮಾಣ ಕಾರ್ಯ ಪೂರ್ಣಗೊಳ್ಳಲಿದೆ. ಹೈದರಾಬಾದ್ ಕರ್ನಾಟಕ ಭಾಗಕ್ಕೆ ಉತ್ತಮ ಆರೋಗ್ಯ ಸೇವೆ ಒದಗಿಸಲು ಇದು ಸಹಕಾರಿಯಾಗಲಿದೆ' ಎಂದು ಹೇಳಿದ್ದಾರೆ. [ಕಲಬುರಗಿಯ ಆಸ್ಪತ್ರೆ ನೋಡಿ]
'ಈ ಆಸ್ಪತ್ರೆಗಳಿಗೆ ವೈದ್ಯರನ್ನು ನೇಮಕ ಮಾಡುವ ಕುರಿತು ನಾವು ಚಿಂತನೆ ನಡೆಸಿದ್ದೇವೆ. 5 ಕಾರ್ಡಿಯಾಲಜಿಸ್ಟ್, 4 ವೈದ್ಯರು, ಇಬ್ಬರು ಸರ್ಜನ್ ಮತ್ತು ಇಬ್ಬರು ಅರವಳಿಕೆ ತಜ್ಞರನ್ನು ಆಸ್ಪತ್ರೆಗೆ ನೇಮಕ ಮಾಡಲಾಗುತ್ತದೆ' ಎಂದು ಮಂಜುನಾಥ್ ಹೇಳಿದ್ದಾರೆ.
ಜಯದೇವ ಸಂಸ್ಥೆ ನಿರ್ಮಾಣ ಮಾಡುತ್ತಿರುವ ಈ ಆಸ್ಪತ್ರೆಗೆ ರಾಜೀವ್ ಗಾಂಧಿ ಆರೋಗ್ಯ ವಿಜ್ಞಾನ ವಿಶ್ವವಿದ್ಯಾಲಯ ಹಾಗೂ ಹೈದರಾಬಾದ್ ಕರ್ನಾಟಕ ಅಭಿವೃದ್ಧಿ ಮಂಡಳಿಯಿಂದಲೂ ಆರ್ಥಿಕ ನೆರವು ದೊರೆತಿದೆ.