ಕಲಬುರಗಿ ಜೈಲಿನ ಗೋಡೆ ಕೊರೆದು ನಾಲ್ವರು ಕೈದಿಗಳು ಪರಾರಿ

Subscribe to Oneindia Kannada

ಕಲಬುರಗಿ, ಮಾರ್ಚ್ 23 : ಕಲಬುರಗಿಯ ಜಿಲ್ಲಾ ಕಾರಾಗೃಹ ಮತ್ತೆ ಸುದ್ದಿಯಲ್ಲಿದೆ. ಬುಧವಾರ ಮುಂಜಾನೆ ಜೈಲಿನಿಂದ ನಾಲ್ವರು ಕೈದಿಗಳು ಪರಾರಿಯಾಗಿದ್ದಾರೆ. ಕಳೆದ ವರ್ಷವೂ ಇಬ್ಬರು ಕೈದಿಗಳು ಜೈಲಿನ ಗೋಡೆ ಹಾರಿ ಪರಾರಿಯಾಗಿದ್ದರು.

ಸಿನಿಮೀಯ ರೀತಿಯಲ್ಲಿ ಬ್ಯಾರಕ್‌ನ ಗೋಡೆ ಕೊರೆದು, ಜೈಲಿನ ಗೋಡೆ ಹಾರಿ ಬುಧವಾರ ಮುಂಜಾನೆ 1 ಗಂಟೆ ಸುಮಾರಿಗೆ ನಾಲ್ವರು ಕೈದಿಗಳು ಪರಾರಿಯಾಗಿದ್ದಾರೆ. ಫರಹತಾಬಾದ್ ಠಾಣೆ ಪೊಲೀಸರು ಮತ್ತು ಜೈಲಿನ ಸಿಬ್ಬಂದಿಗಳು ಕೈದಿಗಳಿಗಾಗಿ ಹುಡುಕಾಟ ಆರಂಭಿಸಿದ್ದಾರೆ. [ಕಲಬುರಗಿ ಜೈಲಿನಿಂದ ಪರಾರಿಯಾದರು, ಲಾರಿಯಲ್ಲಿ ಸಿಕ್ಕರು]

jail

ವಿಚಾರಣಾಧೀನ ಕೈದಿಗಳಾದ ಶಿವಕುಮಾರ್, ಸುನೀಲ್ ಕುಮಾರ್, ಲಕ್ಷಣ್ ಮತ್ತು ತಾಜುದ್ದೀನ್ ಪರಾರಿಯಾದ ಕೈದಿಗಳು. ಈ ನಾಲ್ವರು ಅತ್ಯಾಚಾರ ಮತ್ತು ಕೊಲೆ ಪ್ರಕರಣದಲ್ಲಿ ಆರೋಪಿಗಳಾಗಿದ್ದರು. [ಸೈಕೋ ಜೈಶಂಕರ್ ಸೆರೆಸಿಕ್ಕಿದ್ದು ಹೇಗೆ?]

ಇಬ್ಬರು ತಪ್ಪಿಸಿಕೊಂಡಿದ್ದರು : 2015ರ ಏಪ್ರಿಲ್‌ನಲ್ಲಿ ಕಲಬುರಗಿ ಕೇಂದ್ರ ಕಾರಾಗೃಹದಿಂದ ಇಬ್ಬರು ಕೈದಿಗಳು ಪರಾರಿಯಾಗಿದ್ದರು. ಮಹಮದ್ ಸಾಧಿಕ್ ಮತ್ತು ರಫೀಕ್ ಎಂಬ ಕೈದಿಗಳು ಗೋಡೆ ಹಾರಿ ತಪ್ಪಿಸಿಕೊಂಡಿದ್ದರು. ಬೆಂಗಳೂರಿಗೆ ಹೋಗುತ್ತಿದ್ದ ಲಾರಿಯಲ್ಲಿ ಅಡಗಿ ಕುಳಿತಿದ್ದ ಇಬ್ಬರನ್ನು ಜೇವರ್ಗಿ ಬಳಿ ಪೊಲೀಸರು ಬಂಧಿಸಿದ್ದರು.

English summary
A manhunt has been launched after Four awaiting trial prisoners escaped from the Kalaburagi central jail on Wednesday, March 23rd early morning.
Please Wait while comments are loading...