ಗಣಿತ ಪ್ರಶ್ನೆ ಪತ್ರಿಕೆಗೆ ಗ್ರೇಸ್ ಅಂಕ ಇದೆಯೋ? ಇಲ್ಲವೋ?

ಬೆಂಗಳೂರು, ಏಪ್ರಿಲ್ 23 : ದ್ವಿತೀಯ ಪಿಯುಸಿ ಗಣಿತ ಪ್ರಶ್ನೆ ಪತ್ರಿಕೆಗೆ ಕೃಪಾಂಕ ನೀಡುವ ವಿಚಾರ ಗೊಂದಲಕ್ಕೆ ಕಾರಣವಾಗಿದೆ. ಪಠ್ಯದ ಹೊರತಾದ 8 ಪ್ರಶ್ನೆಗಳನ್ನು ಕೇಳಲಾಗಿತ್ತು. ಅದಕ್ಕೆ ಪ್ರತಿಯಾಗಿ 21 ಕೃಪಾಂಕ ನೀಡಲಾಗುತ್ತದೆ ಎಂಬ ಸುದ್ದಿ ಹಬ್ಬಿದೆ. ಆದರೆ, ಪದವಿ ಪೂರ್ವ ಶಿಕ್ಷಣ ಇಲಾಖೆ ಈ ಬಗ್ಗೆ ಅಧಿಕೃತ ಆದೇಶ ಹೊರಡಿಸಿಲ್ಲ.

ಗಣಿತ ಪತ್ರಿಕೆಯಲ್ಲಿ ಪಠ್ಯದ ಹೊರತಾದ 8 ಪ್ರಶ್ನೆಗಳಿತ್ತು ಎಂದು ಆರೋಪಿಸಲಾಗಿತ್ತು. ಸರ್ಕಾರ ಈ ಬಗ್ಗೆ ವರದಿ ನೀಡಲು ತಜ್ಞರ ಸಮಿತಿಯನ್ನು ರಚಿಸಿತ್ತು. ಸಮಿತಿ ಸರ್ಕಾರಕ್ಕೆ ವರದಿ ನೀಡಿದ್ದು, ಯಾವ ಪ್ರಶ್ನೆಗಳೂ ಪಠ್ಯದ ಹೊರತಾಗಿಲ್ಲ. ಕೃಪಾಂಕ ನೀಡುವ ಅಗತ್ಯವಿಲ್ಲ ಎಂದು ಹೇಳಿದೆ. [ಪ್ರಶ್ನೆ ಪತ್ರಿಕೆ ಹಗರಣದಲ್ಲಿ ಕೋಕಾ ಪ್ರಯೋಗ, ಏನಿದು ಕೋಕಾ?]

ಶುಕ್ರವಾರ ಗಣಿತ ಪ್ರಶ್ನೆ ಪತ್ರಿಕೆಗೆ 21 ಕೃಪಾಂಕ ನೀಡಲಾಗುತ್ತದೆ ಎಂಬ ಸುದ್ದಿ ಹಬ್ಬಿದೆ. ಆದರೆ, ಪದವಿ ಪೂರ್ವ ಶಿಕ್ಷಣ ಇಲಾಖೆ ಕೃಪಾಂಕ ನೀಡುವ ಸುದ್ದಿಯನ್ನು ತಳ್ಳಿ ಹಾಕಿದೆ. ಮೌಲ್ಯಮಾಪಕರಿಗೂ ಸಹ ಕೃಪಾಂಕ ನೀಡುವ ಕುರಿತು ಯಾವುದೇ ಸೂಚನೆ ನೀಡಿಲ್ಲ. [ಮುಷ್ಕರ ವಾಪಸ್, ಇಂದಿನಿಂದ ಪಿಯುಸಿ ಮೌಲ್ಯಮಾಪನ]

ಮಾಧ್ಯಮಗಳ ಜೊತೆ ಮಾತನಾಡಿದ ಪದವಿ ಪೂರ್ವ ಶಿಕ್ಷಣ ಇಲಾಖೆಯ ನಿರ್ದೇಶಕ ರಾಮೇಗೌಡ ಅವರು, 'ಗಣಿತ ಪ್ರಶ್ನೆಪತ್ರಿಕೆಯ ಯಾವುದೇ ಪಠ್ಯದ ಹೊರತಾಗಿಲ್ಲ. ಇಲಾಖೆಯಿಂದ ಯಾವುದೇ ಕೃಪಾಂಕ ನೀಡುವಂತೆ ಸೂಚಿಸಿಲ್ಲ. ಕೃಪಾಂಕದ ವಿಚಾರದ ನನಗೆ ತಿಳಿದಿಲ್ಲ' ಎಂದು ಹೇಳಿದ್ದಾರೆ. [ಏನು ಓದ್ಕೋಬೇಡಿ, ಪಾಸಾಗ್ತೀರಾ ಹೋಗಿ ಎಂದಿದ್ದ ಕಾಲೇಜು!]

English summary

The expert committee constituted to look into complaints of some questions in the 2nd PUC maths exam being out of syllabus, has ruling out the need to award grace marks during evaluation. Committee in its report, said that there was not one question that was out of syllabus.