Click it and Unblock the Notifications
Just In
-
-
-
Don't Miss
-
ಲಾರೆಸ್ ವರ್ಲ್ಡ್ ಸ್ಪೋರ್ಟ್ಸ್ ಅವಾರ್ಡ್ಸ್ನಲ್ಲಿ ವಿರಾಟ್ ಕೊಹ್ಲಿಯ 50ನೇ ಏಕದಿನ ಶತಕ! -
UPSCಯಲ್ಲಿ 2ನೇ ರ್ಯಾಂಕ್ ಗಳಿಸಿದ ಸಾಧಕನ ಡ್ಯಾನ್ಸ್ ವೀಡಿಯೋ ವೈರಲ್: ಇವರ ಬದುಕಿನಲ್ಲಿ ನಡೆದಿದೆ ಹಲವು ದುರಂತಗಳು -
ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ -
ನಿರಂತರ ಪ್ಲಾಫ್ ಸಿನಿಮಾಳನ್ನ ನೀಡಿದ ಈ ವಿಶ್ವಸುಂದರಿ ಯಾರು ಗೊತ್ತಾ...? -
ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ! -
Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್.. -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕಲಬುರಗಿಯಲ್ಲಿ ಮಳೆರಾಯ ಮೊಕ್ಕಾಂ: ಬೆಳೆ ನಷ್ಟ, ಸೇತುವೆ ಮುಳುಗಡೆ
ಕಲಬುರಗಿ, ಸೆಪ್ಟೆಂಬರ್ 23: ಬಿಸಿಲನ್ನೇ ಹೊದ್ದು ಮಲಗುವ ಮತ್ತು ಸೂರ್ಯನನ್ನೇ ಆಪ್ತ ಸಖ ಆಗಿಸಿಕೊಂಡ ಕಲಬುರಗಿ ಜನರಿಗೆ ಮಳೆಯ ತಂಪಾದ ಹಸಿ ಅನುಭವ ನೀಡಲು ಮಳೆರಾಯ ಅಕ್ಷರಶಃ ಮೊಕ್ಕಾಂ ಹೂಡಿದ್ದಾನೆ. 15 ದಿನಗಳಿಂದ ಬಿಟ್ಟೂ ಬಿಡದೆ ಮಳೆ ಸುರಿಯುತ್ತಿದ್ದು, ಸೂರ್ಯನ ನೋಡದೇ ಅದೆಷ್ಟು ದಿನಗಳಾದವು ಎಂಬ ಭಾವ ಜನರಲ್ಲಿ ಮೂಡತೊಡಗಿದೆ. ಸುಡು ಸುಡು ಬಿಸಿಲಿಗೆ ಆವರಿಸಿಕೊಳ್ಳಲು ಮಳೆರಾಯ ಅವಕಾಶ ಮಾಡಿಕೊಟ್ಟಿಲ್ಲ.
ಜಲಾಶಯಗಳು ನಿರೀಕ್ಷೆಗೂ ಮೀರಿ ತುಂಬಿ ಹರಿದರೆ, ಸೇತುವೆಗಳು ಕಾಣದಂತೆ ನೀರಿನಲ್ಲಿ ಮುಳುಗಿವೆ. ರಸ್ತೆಗಳು ಕಾಣೆಯಾಗಿವೆ. ಕೆಲ ಗ್ರಾಮಗಳಂತೂ ಇತರ ಪ್ರದೇಶಗಳ ಜೊತೆ ಸಂಪರ್ಕವನ್ನೇ ಕಳೆದುಕೊಂಡಿವೆ. ಇಲ್ಲಿನ ಬಹುತೇಕ ಮಂದಿ ತಂಪು ವಾತಾವರಣಕ್ಕಿಂತ ಬಿಸಿಲನ್ನೇ ಹೆಚ್ಚು ಇಷ್ಟಪಡುವವರು. ನೆತ್ತಿ ಸುಡುವ ಬಿಸಿಲಿನಲ್ಲಿ ಬಿಸಿ ಚಹಾ ಸೇವಿಸಿದಾಗಲೇ ಸಮಾಧಾನ. ಬಹುತೇಕ ಮಂದಿ ಎಸಿ, ಫ್ಯಾನು ಕೂಡ ಬಳಸುವುದಿಲ್ಲ.[ಕಲಬುರಗಿಯಲ್ಲಿ ಮಳೆ-ಚಳಿಯ ಜುಗಲ್ ಬಂದಿ]
ಬಿಸಿಲಿನಲ್ಲಿ ಬೆಂದು, ದುಡಿದು ಬೆವರು ಸುರಿಸುವ ಜನರು ಕೆಲ ದಿನಗಳ ಮಟ್ಟಿಗಾದರೂ ತಂಪಾದ ಅನುಭೂತಿ ಎಂಬ ಕಾಳಜಿ ಮಳೆರಾಯನಿಗೆ ಇದ್ದಿರಬಹುದು. ಪ್ರತಿ ವರ್ಷ ಹೀಗೆಯೇ ಬರುತ್ತೇನೆ ಎಂಬ ಮುನ್ಸೂಚನೆಯೊಂದಿಗೆ ಸ್ನೇಹದ ಹಸ್ತ ಚಾಚಿರಬಹದು. ಒಟ್ಟಿನಲ್ಲಿ ಕಲಬುರಗಿಯನ್ನು ಬಹು ವರ್ಷಗಳ ಬಳಿಕ ಮಳೆರಾಯ ತನ್ನ ತಕ್ಕೆಗೆ ತೆಗೆದುಕೊಂಡಿದ್ದಾನೆ. ಬಿಸಿಲಿಗೆ ಛತ್ರಿ ಹಿಡಿಯದ ಜನರು ಮಳೆಗಾಗಿ ಛತ್ರಿ ಹಿಡಿಯುವುದು ಅನಿವಾರ್ಯವಾಗಿದೆ.[ಬೀದರ್, ಕಲಬುರಗಿಯಲ್ಲಿ ನಿರಂತರ ಮಳೆ, ಜನತೆ ತತ್ತರ]
ಸಾವಿರಾರು ಎಕರೆಯಲ್ಲಿ ಬೆಳೆದಿದ್ದ ಎಳ್ಳು, ತೊಗರಿ, ಶೇಂಗಾ ಬೆಳೆ ನಷ್ಟವಾಗಿದೆ. ಅನೇಕ ಕಡೆ ಸೇತುವೆ ಮುಳುಗಡೆಯಾಗಿದ್ದು, ರೈತರು ಆತಂಕಕ್ಕೆ ಒಳಗಾಗಿದ್ದಾರೆ. ತೆಲಂಗಾಣದಲ್ಲೂ ಭಾರೀ ಮಳೆಯಾಗುತ್ತಿದ್ದು, ಸಾವು-ನೋವು ಸಂಭವಿಸಿದೆ.
