ಸೌದಿ ಅರೇಬಿಯಾದಲ್ಲಿ ಆತ್ಮಾಹುತಿ ಬಾಂಬ್ ದಾಳಿ

Subscribe to Oneindia Kannada

ರಿಯಾದ್, ಜುಲೈ 05 : ಸೌದಿ ಅರೇಬಿಯದಲ್ಲಿ ನಡೆದ ಆತ್ಮಾಹುತಿ ಬಾಂಬ್ ದಾಳಿಯಲ್ಲಿ ಮೂವರು ಮೃತಪಟ್ಟಿದ್ದಾರೆ. ಒಟ್ಟು ಮೂರು ನಗರಗಳಲ್ಲಿ ಸ್ಫೋಟಗಳು ನಡೆದಿದ್ದು, ಎರಡು ಸ್ಫೋಟ ಮುಸ್ಲಿಮರ ಪವಿತ್ರ ಕ್ಷೇತ್ರ ಮದೀನಾದ ಆವರಣದಲ್ಲಿ ನಡೆದಿದೆ.

ರಂಜಾನ್ ಮಾಸದಲ್ಲಿಯೇ ಈ ಆತ್ಮಾಹುತಿ ಬಾಂಬ್ ದಾಳಿ ನಡೆದಿದೆ. ಸೋಮವಾರ ಸಂಜೆ ಈ ದಾಳಿಗಳು ನಡೆದಿದ್ದು, ಯಾವ ಸಂಘಟನೆಯೂ ದಾಳಿಯ ಹೊಣೆ ಹೊತ್ತುಕೊಂಡಿಲ್ಲ. ಸ್ಫೋಟದಲ್ಲಿ ಮೂವರು ಆತ್ಮಾಹುತಿ ದಾಳಿಕೋರರು ಸಾವನ್ನಪ್ಪಿದ್ದಾರೆ. ಇಬ್ಬರು ಭದ್ರತಾ ಸಿಬ್ಬಂದಿ ಗಾಯಗೊಂಡಿದ್ದಾರೆ ಎಂದು ತಿಳಿದುಬಂದಿದೆ. [ರಂಜಾನ್ ತಿಂಗಳಲ್ಲಿ ಹೆಚ್ಚಾಗುತ್ತಿದೆ ಉಗ್ರರ ದಾಳಿ!]

saudi arabia

ಮುಸ್ಲಿಮರ ಪವಿತ್ರ ಕ್ಷೇತ್ರ ಮದೀನಾದ ಆವರಣದಲ್ಲಿ ಎರಡು ಸ್ಫೋಟಗಳು ನಡೆದಿದೆ. ಅಲ್ಪ ಸಂಖ್ಯಾತ ಶಿಯಾ ಸಮುದಾ­ಯದವರೇ ಹೆಚ್ಚಾಗಿ ನೆಲೆಸಿರುವ ಕಾತಿಫ್‌ ಪ್ರದೇಶದಲ್ಲಿ ಮತ್ತೊಂದು ಸ್ಫೋಟ ನಡೆದಿದೆ. [ಬಾಂಗ್ಲಾ ದಾಳಿ: ಸ್ನೇಹಕ್ಕಾಗಿ ಪ್ರಾಣ ತ್ಯಾಗ ಮಾಡಿದ ಹುಸೇನ್]

ರಂಜಾನ್ ಮಾಸದಲ್ಲಿ ಭಾರೀ ಸಂಖ್ಯೆಯ ಭಕ್ತರು ಮದೀನಾದ ಆವರಣದಲ್ಲಿ ಸೇರಿರುತ್ತಾರೆ. ಈ ಸಮಯದಲ್ಲಿಯೇ ಬಾಂಬ್ ಸ್ಫೋಟ ನಡೆದಿದೆ. ಐಎಸ್‌ಐಎಸ್ ಉಗ್ರರು ಈ ಕೃತ್ಯ ನಡೆಸಿರಬಹುದು ಎಂದು ಶಂಕಿಸಲಾಗಿದೆ.

English summary
At least three people were killed after a suicide bomber detonated a device in Medina, Saudi Arabia which is one of Islam's holiest sites. Reports say that the blast took place when security officials were breaking their fast during Ramadan.
Please Wait while comments are loading...