ತೈಲ ಟ್ಯಾಂಕರ್ ಗೆ ಬೆಂಕಿ, 123 ಕ್ಕೂ ಹೆಚ್ಚು ಜನ ಸಜೀವ ದಹನ

ಪಾಕಿಸ್ತಾನ, ಜೂನ್ 25: ಇಲ್ಲಿನ ಪಂಜಾಬ್ ಪ್ರಾಂತ್ಯದ ಬಹವಲ್ಪುರ್ ಅಹ್ಮದ್ ಪುರ್ ಶರ್ಕಿಯಾದಲ್ಲಿ ತೈಲ ಹೊತ್ತೊಯ್ಯುತ್ತಿದ್ದ ಟ್ಯಾಂಕರೊಂದು ಪಲ್ಟಿಯಾಗಿ ಬೆಂಕಿ ಹತ್ತಿಕೊಂಡ ಪರಿಣಾಮ 123ಕ್ಕೂ ಹೆಚ್ಚು ಜನರು ಸಜೀವ ದಹನವಾಗಿದ್ದಾರೆ. ಘಟನೆಯಲ್ಲಿ 40ಕ್ಕೂ ಹೆಚ್ಚು ಜನರಿಗೆ ಗಾಯಗಳಾಗಿವೆ.

ಭಾನುವಾರ ಮುಂಜಾನೆ ಈ ಘಟನೆ ನಡೆದಿದೆ. ಆರಂಭದಲ್ಲಿ ಟ್ಯಾಂಕರ್ ಪಲ್ಟಿಯಾಗಿದ್ದು ನಂತರ ಟ್ಯಾಂಕರ್ ನಿಂದ ತೈಲ ಸೋರಿಯಾಗಿದೆ. ಟ್ಯಾಂಕರ್ ನಿಂದ ಸೋರಿಕೆಯಾದ ತೈಲ ಸಂಗ್ರಹಿಸಲು ಜನ ಮುಗಿಬಿದ್ದಿದ್ದಾರೆ. ಈ ವೇಳೆ ಸೋರಿಕೆಯಾದ ತೈಲಕ್ಕೆ ಬೆಂಕಿ ಹತ್ತಿ, ಟ್ಯಾಂಕರ್ ನ್ ತೈಲ ಟ್ಯಾಂಕ್ ಸ್ಪೋಟಗೊಂಡಿದೆ. ಪರಿಣಾಮ ಸುತ್ತ ಮುತ್ತಲಿದ್ದು ನೂರಾರು ಜನರು ಬೆಂಕಿಗೆ ಆಹುತಿಯಾಗಿದ್ದಾರೆ.

ಘಟನೆ ನಡೆದ ತಕ್ಷಣ ಸ್ಥಳಕ್ಕೆ ಅಗ್ನಿ ಶಾಮಕ ವಾಹನಗಳು ಬಂದು ಪರಿಸ್ಥಿತಿಯನ್ನು ನಿಯಂತ್ರಣಕ್ಕೆ ತೆಗೆದುಕೊಂಡಿವೆ. ಆದರೆ ಅಷ್ಟರಲ್ಲಾಗಲೇ 123ಕ್ಕೂ ಹೆಚ್ಚು ಜನರ ಪ್ರಾಣ ಪಕ್ಷಿ ಹಾರಿಹೋಗಿತ್ತು. 6 ಕಾರುಗಳು, 12 ಬೈಕುಗಳೂ ಬೆಂಕಿಗೆ ಆಹುತಿಯಾಗಿದ್ದವು.

DETAILS: Oil tanker overturned, spilling its payload on #Bahawalpur highway (GRAPHIC VIDEO) https://t.co/d5pIBS9vle pic.twitter.com/hH4NqlwJ7s

— RT (@RT_com) June 25, 2017

ಗಾಯಾಳುಗಳನ್ನು ಜಿಲ್ಲಾ ಕೇಂದ್ರ ಆಸ್ಪತ್ರೆಗೆ ದಾಖಲಿಸಲಾಗಿದೆ.

English summary

Pakistan oil tanker tragedy: At least 123 people were killed as an oil tanker caught fire after it overturned in Bahawalpur's Ahmed Pur Sharqia on Sunday morning,