ಪಾಕ್ ನ ಜಲಾಂತರ್ಗಾಮಿ ಕ್ಷಿಪಣಿ ಬಾಬರ್-III ಯಶಸ್ವಿ
ಇಸ್ಲಾಮಾಬಾದ್, ಜನವರಿ 10: ಜಲಾಂತರ್ಗಾಮಿಯಿಂದ (ಸಬ್ ಮರೀನ್) ಉಡಾಯಿಸಬಹುದಾದ ಪಾಕಿಸ್ತಾನದ ಮೊದಲ ಕ್ಷಿಪಣಿ ಬಾಬರ್-III ಪರೀಕ್ಷೆ ಯಶಸ್ವಿಯಾಗಿದೆ. ಇದು 450 ಕಿ.ಮೀ ವರೆಗೆ ತಲುಪುವ ಶಕ್ತಿ ಹೊಂದಿದೆ. ಕ್ಷಿಪಣಿ ಯಶಸ್ಸಿನ ಹಿಂದೆ ಕೆಲಸ ಮಾಡಿರುವ ಎಲ್ಲರಿಗೂ ಅಲ್ಲಿನ ಸೇನಾ ಮುಖ್ಯಸ್ಥ ಜನರಲ್ ಖಮರ್ ಜಾವೇದ್ ಬಜ್ವಾ ಅಭಿನಂದನೆ ಸಲ್ಲಿಸಿದ್ದಾರೆ.
#Pakistan successfully test fired first Submarine launched Cruise Missile Babur-3. Rg 450 Km. #COAS congrats Nation and the team involved. pic.twitter.com/YRNei5oF65
— Maj Gen Asif Ghafoor (@OfficialDGISPR) 9 January 2017
ಹಿಂದೂ ಮಹಾಸಾಗರದ ಅಜ್ಞಾತ ಸ್ಥಳವೊಂದರಿಂದ ಕ್ಷಿಪಣಿ ಪ್ರಯೋಗ ನಡೆಸಲಾಯಿತು ಎಂದು ಪಾಕಿಸ್ತಾನ ರೇಡಿಯೋ ವರದಿ ಮಾಡಿದೆ. ನೀರಿನಾಳದಿಂದ ಇದನ್ನು ಉಡಾಯಿಸಿದ್ದು, ನಿರ್ದಿಷ್ಟ ಗುರಿಯನ್ನು ತಲುಪುವ ಸಾಮರ್ಥ್ಯ ಹೊಂದಿದೆ. ಬಾಬರ್-III ಸಮುದ್ರದಿಂದ ಬಳಸುವಂಥ ಬಾಬರ್-II ಮಾದರಿಯ ಕ್ಷಿಪಣಿ. ಇನ್ನು ಬಾಬರ್-II ನೆಲದಿಂದ ಉಡಾಯಿಸುವಂಥ ಕ್ಷಿಪಣಿ, ಡಿಸೆಂಬರ್ ಕೊನೆಯಲ್ಲಿ ಅದರ ಪರೀಕ್ಷೆ ಮಾಡಿತ್ತು ಪಾಕಿಸ್ತಾನ.[ಸ್ವದೇಶಿ ನಿರ್ವಿುತ ಅಗ್ನಿ 5 ಕ್ಷಿಪಣಿ ಯಶಸ್ವಿ ಪರೀಕ್ಷೆ]
ಈಗ ಪರೀಕ್ಷೆ ಮಾಡಿರುವ ಬಾಬರ್-III ಅತ್ಯುನ್ನತ ತಂತ್ರಜ್ಞಾನವನ್ನು ಹೊಂದಿದೆ. ನೀರಿನಾಳದಿಂದ ನಿಯಂತ್ರಿಸಬಹುದಾದ ಮತ್ತು ಆಧುನಿಕ ಸೂಚನೆಗಳನ್ನು ಅನುಸರಿಸುವ, ಜಾಗತಿಕ ಮಟ್ಟದಲ್ಲಿ ಯಾವ ಸ್ಥಳವನ್ನು ಬೇಕಾದರೂ ತಲುಪಬಹುದಾದ ವ್ಯವಸ್ಥೆಯನ್ನು ಇದರಲ್ಲಿ ಅಳವಡಿಸಲಾಗಿದೆ. ಕ್ಷಿಪಣಿ ಯಶಸ್ವಿಯಾದ ಬಗ್ಗೆ ಅಲ್ಲಿನ ಪತ್ರಿಕೆ ಡಾನ್ ವರದಿ ಮಾಡಿದೆ.