ಭಾರತ-ಅಮೆರಿಕ ನಡುವೆ ಬಂಧ ಬೆಸೆದ ಯೋಗ-ಮೋದಿ

Written By:
Subscribe to Oneindia Kannada

ವಾಷಿಂಗ್ ಟನ್, ಜೂನ್, 08: ಪ್ರಧಾನಿಯಾದ ಬಳಿಕ ನಾಲ್ಕನೇ ಬಾರಿಗೆ ಅಮೆರಿಕಕ್ಕೆ ಭೇಟಿ ನೀಡಿರುವ ಪ್ರಧಾನಿ ನರೇಂದ್ರ ಮೋದಿ ಅಮೆರಿಕದ ಸಂಸತ್ ನ ಜಂಟಿ ಸಭೆಯನ್ನು ಉದ್ದೇಶಿಸಿ ಭಾಷಣ ಮಾಡಿದ್ದಾರೆ.

ಆರ್ಥಿಕ ಅಭಿವೃದ್ಧಿ, ಉಭಯ ದೇಶಗಳ ನಡುವಿನ ಬಾಂಧವ್ಯ, ಅಮೆರಿಕ ಸಂವಿಧಾನ, ಭಯೋತ್ಪಾದನೆ ನಿಗ್ರಹ, ಉದ್ಯೋಗ ಅವಕಾಶ, ಪ್ರಜಾಪ್ರಭುತ್ವ, ಜಾಗತಿಕ ತಾಪಮಾನ ಸೇರಿದಂತೆ ಅನೇಕ ವಿಷಯಗಳ ಕುರಿತು ಮೋದಿ ಮಾತನಾಡಿದರು.[ಅಣುಬಂಧ, ಪರಿಸರ ಸಂರಕ್ಷಣೆಗೆ ಮಹಾನ್ ನಾಯಕರ ಸಂಕಲ್ಪ]

modi

ಅಮೆರಿಕ ಪ್ರವಾಸದಲ್ಲಿದ್ದ ಮೋದಿ ನಿನ್ನೆ ಶ್ವೇತ ಭವನದಲ್ಲಿ ಅಮೆರಿಕ ಅಧ್ಯಕ್ಷ ಬರಾಕ್ ಒಬಾಮಾ ಅವರನ್ನು ಭೇಟಿ ಮಾಡಿ ಮಾತುಕತೆ ನಡೆಸಿದ್ದರು.

ಮೋದಿ ಮಾತನಾಡುತ್ತಿದ್ದಂತೆ ಅಮೆರಿಕ ಸಂಸತ್ ನ ಸದಸ್ಯರು ಎದ್ದು ನಿಂತು ಚಪ್ಪಾಳೆ ತಟ್ಟಿ ಸ್ವಾಗತಿಸಿದರು. ಭರ್ಜರಿ ಸ್ವಾಗತದೊಂದಿಗೆ ಪ್ರಧಾನಿ ಭಾಷಣ ಆರಂಭಿಸಿದರು. ಸುಮಾರು 35 ನಿಮಿಷಗಳ ಕಾಲ ಪ್ರಧಾನಿ ಮಾತನಾಡಿದರು.


ಮೋದಿ ಭಾಷಣದ ಹೈಲೈಟ್ಸ್
* ನನಗೆ ಅವಕಾಶ ಕೊಟ್ಟ ಅಮೆರಿಕದ ಜನತೆಗೆ ಧನ್ಯವಾದ
* ಜಾಗತಿಕ ಪ್ರಜಾಪ್ರಭುತ್ವದ ಬಹುದೊಡ್ಡ ರಾಷ್ಟ್ರಗಳು ಒಟ್ಟಿಗೆ ಸಾಗುತ್ತಿವೆ
* ಪ್ರಜಾಪ್ರಭುತ್ವಕ್ಕೆ ಲಿಂಕನ್ ಕೊಡುಗೆ ಅನನ್ಯ[ಇಂಡೋ-ಅಫ್ಘನ್ ನಡುವೆ 'ಅಣೆಕಟ್ಟು' ಬಂಧನ]
* ಭಾರತ ಇಂದು ಒಂದಾಗಿ ಜೀವಿಸುತ್ತಿದೆ. ಅದರಲ್ಲಿ ಆಶ್ಚರ್ಯ ಏನೂ ಇಲ್ಲ
* ದೇಶ ಮತ್ತು ವ್ಯಕ್ತಿಗಳ ಸ್ವಾತಂತ್ರ್ಯಕ್ಕೆ ಯಾವ ಅಡ್ಡಿ ಎದುರಾಗಬಾರದು.
* ಸ್ವಾಮಿ ವೀವೇಕಾನಂದರು, ಅಂಬೇಡ್ಕರ್, ಗಾಂಧೀಜಿ, ಮಾರ್ಟಿನ್ ಲೂಥರ್ ಕಿಂಗ್ ಎಲ್ಲರ ಬದುಕು ನಮಗೆ ಆದರ್ಶ
* ಎರಡು ದೇಶಗಳ ನಡುವಿನ ಬಂಡವಾಳ ಹೂಡಿಕೆ ಅಸಂಖ್ಯ ಉದ್ಯೋಗ ಸೃಷ್ಟಿಸಿದೆ,
* ಕಳೆದ ಕೆಲ ವರ್ಷಗಳಲ್ಲಿ ಭಾರತ ಮತ್ತು ಭಾರತದ ನಗರಗಳು ಬದಲಾಗಿದೆ, ಬದಲಾಗುತ್ತಿದೆ.
* ಭಾರತ ಮತ್ತು ಅಮೆರಿಕದ ನಡುವೆ ಬಂಧ ಬೆಸದ ಯೋಗ

* ಅನಿವಾಸಿ ಭಾರತೀಯರು ನಮ್ಮ ಹೆಮ್ಮೆಯ ಗುರುತು
* ಸವಾಲಾಗಿರುವ ಭಯೋತ್ಪಾದನೆ ಮೆಟ್ಟಲು ಪ್ರಪಂಚ ಒಂದಾಗಬೇಕು
* ಪರಮಾಣು ಒಪ್ಪಂದ ಉಭಯ ದೇಶಗಳ ಬಾಂಧವ್ಯಕ್ಕೆ ಹೊಸ ಅರ್ಥ ನೀಡಿತು
* 2022ರೊಳಗೆ ಆರು ಅಂಶಗಳ ಕಾರ್ಯಕ್ರಮ ಪೂರ್ಣಗೊಳ್ಳಲಿದೆ.
* ಮಾನವತಾವಾದಕ್ಕಿಂತ ದೊಡ್ಡದು ಪ್ರಪಂಚದಲ್ಲಿ ಬೇರೊಂದಿಲ್ಲ

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Prime Minister Narendra Modi is in the US as part of his five nation tour. Modi is currently addressing the joint meeting of the US Congress. Stay tuned in for latest update on what Mr. PM has to say as he becomes the fifth Indian PM to address the US Congress.
Please Wait while comments are loading...