ಮೆಕ್ಸಿಕೋ ನೈಟ್ ಕ್ಲಬ್ ನಲ್ಲಿ ಗುಂಡಿನ ಮೊರೆತ, ಐವರ ಸಾವು

Posted By:
Subscribe to Oneindia Kannada

ಮೆಕ್ಸಿಕೋ, ಜನವರಿ 16: ಸಂಗೀತ ಹಬ್ಬವೊಂದರಲ್ಲಿ ವ್ಯಕ್ತಿಯೊಬ್ಬ ಬಂದೂಕಿನಿಂದ ಗುಂಡು ಹಾರಿಸಿ ಐವರನ್ನು ಕೊಂದ ಘಟನೆ ಮೆಕ್ಸಿಕೋ ನಗರದ ಪ್ಲಾಯಾ ಡೆಲ್ ಕಾರ್ಮೆನ್ ನಲ್ಲಿ ನಡೆದಿದೆ. ಮೃತರಲ್ಲಿ ಇಬ್ಬರು ಕೆನಡಿಯನ್, ಇಟಲಿ ಹಾಗೂ ಕೊಲಂಬಿಯಾ ನಾಗರಿಕರು ಸೇರಿದ್ದಾರೆ ಎಂದು ಕ್ವಿಂಟಾನಾ ರೂ ಅಟಾರ್ನಿ ಜನರಲ್ ಮಿಗೆಲ್ ಆಂಗೆಲೆ ಪೆಚ್ ಹೇಳಿದ್ದಾರೆ.

ಇನ್ನು ಮೃತಪಟ್ಟ ಐದನೆಯವರು ಮಹಿಳೆಯಾಗಿದ್ದು, ಗುಂಡು ಹಾರಿಸಿದ ನಂತರ ನಡೆದ ನೂಕುನುಗ್ಗಲಿನಲ್ಲಿ ಮೃತಪಟ್ಟಿದ್ದಾರೆ. ಈ ಘಟನೆಯು ಬ್ಲೂ ಪ್ಯಾರೆಟ್ ಕ್ಲಬ್ ನಲ್ಲಿ ಆಯೋಜಿಸಿದ್ದ ಸಂಗೀತ ಕಾರ್ಯಕ್ರಮದಲ್ಲಿ ನಡೆದಿದೆ. ಈ ಬಗ್ಗೆ ಮೊದಲಿಗೆ ಫೇಸ್ ಬುಕ್ ನಲ್ಲಿ ಬಂದ ಮಾಹಿತಿ ಪ್ರಕಾರ, ಬ್ಲೂ ಪ್ಯಾರೆಟ್ ಕ್ಲಬ್ ಹೊರಗಡೆ ವ್ಯಕ್ತಿಯೊಬ್ಬ ಬಂದೂಕಿನಿಂದ ಗುಂಡು ಹಾರಿಸಿ ನಾಲ್ವರನ್ನು ಕೊಂದಿದ್ದಾನೆ ಎಂದು ತಿಳಿಸಲಾಗಿತ್ತು.[ಮೆಕ್ಸಿಕೋ ಪಟಾಕಿ ಮಾರುಕಟ್ಟೆ ದುರಂತ, ಕನಿಷ್ಠ 26 ಮಂದಿ ಸಾವು]

Gun

ಮೃತರಲ್ಲಿ ಮೂವರು ಕಾರ್ಯಕ್ರಮದ ರಕ್ಷಣಾ ಸಿಬ್ಬಂದಿ. ಸ್ಥಳದಲ್ಲಿದ್ದ ಪ್ರೇಕ್ಷಕರನ್ನು ರಕ್ಷಿಸುವ ಯತ್ನದಲ್ಲಿ ಮೂವರು ಮೃತಪಟ್ಟಿದ್ದಾರೆ ಎಂದು ತಿಳಿಸಲಾಗಿದೆ. ಆ ನಂತರ ಸ್ಥಳೀಯ ಪೊಲೀಸರು ನೀಡಿದ ಮಾಹಿತಿ ಪ್ರಕಾರ ಐವರು ಮೃತಪಟ್ಟು, ಹದಿನೈದು ಮಂದಿ ಗಾಯಗೊಂಡಿದ್ದಾರೆ.

ಈ ಸಂಗೀತ ಕಾರ್ಯಕ್ರಮಕ್ಕೆ ಯುಎಸ್ ಎ, ಯುಕೆ ಸೇರಿದಂತೆ ವಿವಿಧ ದೇಶದವರು ಭಾಗವಹಿಸುತ್ತಾರೆ. ಇದು ಹತ್ತನೇ ವರ್ಷದ ಕಾರ್ಯಕ್ರಮವಾಗಿತ್ತು. ಮೊದಲಿಗೆ ಜೋರು ಗುಂಡಿನ ಶಬ್ದ ಕೇಳಿದಾಗ, ಪಟಾಕಿ ಸದ್ದು ಎಂದು ರಕ್ಷಣಾ ಸಿಬ್ಬಂದಿ ಹೇಳಿದ್ದಾಗಿ ಪ್ರೇಕ್ಷಕರೊಬ್ಬರು ತಿಳಿಸಿದ್ದಾರೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
A gunman has killed five people at a club hosting an electronic music festival in the Mexican resort of Playa del Carmen, in Quintana Roo state. Among those killed are two Canadians, an Italian and a Colombian citizen, Quintana Roo Attorney-General Miguel Angel Pech said.
Please Wait while comments are loading...