ಡ್ರೋನ್ ಮೂಲಕ ದಾಳಿ ನಡೆಸಲು ಐಎಸ್ಐಎಸ್ ಸಂಚು
ವಿವಿಧ ದೇಶಗಳ ಭದ್ರತಾ ವ್ಯವಸ್ಥೆಗೆ ಸಡ್ಡು ಹೊಡೆಯಲು ನಾನಾ ರೀತಿಯ ಕಸರತ್ತುಗಳನ್ನು ಮಾಡುತ್ತಿರುವ ಐಎಸ್ಐಎಸ್ ಉಗ್ರರಿಂದ ಹೊಸ ತಂತ್ರಗಾರಿಕೆ.
ಬಾಗ್ದಾದ್, ಫೆಬ್ರವರಿ 22: ಆತ್ಮಹತ್ಯಾ ಬಾಂಬರ್, ಕಾರು ಬಾಂಬ್ ಗಳ ಮೂಲಕ ದಾಳಿ ನಡೆಸುತ್ತಿದ್ದ ಐಎಸ್ಐಎಸ್ ಉಗ್ರರ ತಂಡ, ಇದೀಗ, ಪುಟ್ಟ ಪುಟ್ಟ ಡ್ರೋನ್ ಗಳನ್ನು ತಯಾರಿಸಿ ಆ ಮೂಲಕ ಬಾಂಬ್ ದಾಳಿ ನಡೆಸಲು ಸಜ್ಜಾಗಿದೆ ಎಂದು ಮೂಲಗಳು ತಿಳಿಸಿವೆ.
ಖುದ್ದು ಐಎಸ್ಐಎಸ್ ಉಗ್ರರೇ ಬಿಡುಗಡೆ ಮಾಡಿರುವ ಈ ಡ್ರೋನ್ ಗಳು ಪೊಲೀಸ್ ಅಥವಾ ಸೈನಿಕರ ಶಿಬಿರಗಳ ಮೇಲೆ ಹಕ್ಕಿಗಳಂತೆ ಹಾರಿಬಂದು ಬಾಂಬ್ ಉದುರಿಸಿ ಹೋಗುತ್ತಿವೆ.[ಐಸಿಸ್ ನಂಟು, ಕಾಸರಗೋಡಿನ ವ್ಯಕ್ತಿ ದೆಹಲಿಯಲ್ಲಿ ಬಂಧನ]
ಸದ್ಯಕ್ಕೀಗ ಉತ್ತರ ಇರಾಕ್ ನಲ್ಲಿಇಂಥ ಬಾಂಬ್ ದಾಳಿಗಳನ್ನು ಪ್ರಯೋಗಾರ್ಥವಾಗಿ ನಡೆಸಿ ಯಶಸ್ವಿಯಾಗಿರುವ ಸಂಘಟನೆ ಮುಂಬರುವ ದಿನಗಳಲ್ಲಿ ಇದನ್ನು ವಿಶ್ವವ್ಯಾಪಿಯಾಗಿಸಲು ಸಂಚು ರೂಪಿಸಿದೆ ಎಂದು ಮೂಲಗಳು ತಿಳಿಸಿವೆ.[ಇಸ್ತಾನ್ ಬುಲ್ ಕ್ಲಬ್ ದಾಳಿಕೋರನ ಬಂಧನ]
ಇನ್ನು, ಐಎಸ್ಐಎಸ್ ಉಗ್ರರೇ ಬಿಡುಗಡೆ ಮಾಡಿರುವ ಮಾಹಿತಿ ಪ್ರಕಾರ, ಉತ್ತರ ಇರಾಕ್ ಗಳಲ್ಲಿ ಈವರೆಗೆ ಹಲವಾರು ಡ್ರೋನ್ ದಾಳಿಗಳನ್ನು ನಡೆಸಲಾಗಿದ್ದು ಅದರಲ್ಲಿ ಕನಿಷ್ಠವೆಂದರೂ 36 ಸೈನಿಕರು ಅಥವಾ ಪೊಲೀಸರಿಗೆ ಘಾಸಿಗೊಳಿಸಿದ್ದಾಗಿ ಹೇಳಿಕೊಂಡಿದೆ.[ಕೇರಳ,ಕಾಸರಗೋಡಿನಿಂದ ನಾಪತ್ತೆಯಾಗಿದ್ದ 30 ಜನರು ಎಲ್ಲಿದ್ದಾರೆ ಗೊತ್ತೆ?]