ಭಾರತದಲ್ಲಿ ಸಂತೋಷಿಗಳಿಗಿಂತ ದುಃಖಿಗಳೇ ಜಾಸ್ತಿಯಂತೆ!
ಸಮಾಜದಲ್ಲಿ ಶಾಂತಿ, ಸುಸ್ಥಿರತೆ, ಸೌಹಾರ್ದತೆ, ಪ್ರೀತಿ, ವಿಶ್ವಾಸ, ದ್ವೇಷದ ದಳ್ಳುರಿಯಲ್ಲಿ ರಕ್ತಪಾತವಾಗದಿರುವುದು ಮುಂತಾದ ವಿಚಾರಗಳ ಆಧಾರದ ಮೇಲೆ ಈ ಪಟ್ಟಿಯನ್ನು ತಯಾರಿಸಲಾಗಿದೆ.
ನ್ಯೂಯಾರ್ಕ್, ಮಾರ್ಚ್ 20: ವಿಶ್ವ ಸಂಸ್ಥೆಯು ಪ್ರಸಕ್ತ ವರ್ಷದ ಸಂತೋಷಮಯ ದೇಶಗಳ ಪಟ್ಟಿಯೊಂದನ್ನು ತಯಾರಿಸಿದ್ದು ಇದರಲ್ಲಿ ಭಾರತವು ಅಚ್ಚರಿಯೆಂಬಂತೆ 122ನೇ ಸ್ಥಾನ ಪಡೆದಿದೆ.
ಸಮಾಜದಲ್ಲಿ ಶಾಂತಿ, ಸುಸ್ಥಿರತೆ, ಸೌಹಾರ್ದತೆ, ಪ್ರೀತಿ, ವಿಶ್ವಾಸ, ದ್ವೇಷದ ದಳ್ಳುರಿಯಲ್ಲಿ ರಕ್ತಪಾತವಾಗದಿರುವುದು ಮುಂತಾದ ವಿಚಾರಗಳ ಆಧಾರದ ಮೇಲೆ ಈ ಪಟ್ಟಿಯನ್ನು ತಯಾರಿಸಲಾಗಿದೆ.
ಈ ಪಟ್ಟಿಯಲ್ಲಿ ಭಾರತ ಕೆಳ ಕ್ರಮಾಂಕದಲ್ಲಿದೆ ಎಂಬುದಕ್ಕಿಂತ ಹೆಚ್ಚಾಗಿ ಭಾರತದ ನೆರೆಯ ದೇಶಗಳಾದ ಪಾಕಿಸ್ತಾನ, ಚೀನಾ, ನೇಪಾಳ, ಬಾಂಗ್ಲಾದೇಶ, ಶ್ರೀಲಂಕಾ ರಾಷ್ಟ್ರಗಳು ಈ ಪಟ್ಟಿಯಲ್ಲಿ ಭಾರತಕ್ಕಿಂತ ಮೇಲ್ಪಂಕ್ತಿಯಲ್ಲಿವೆ ಎಂಬುದು ಮತ್ತೂ ಅಚ್ಚರಿಯ ವಿಚಾರವಾಗಿದೆ.
ಚೀನಾ 79ನೇ ಸ್ಥಾನದಲ್ಲಿದ್ದರೆ, ಪಾಕಿಸ್ತಾನ 80, ನೇಪಾಳ 99, ಬಾಂಗ್ಲಾದೇಶ 110, ಇರಾಕ್ 117, ಶ್ರೀಲಂಕಾ 120ನೇ ಸ್ಥಾನದಲ್ಲಿದ್ದು, ಭಾರತವನ್ನು ಹಿಂದಿಕ್ಕಿವೆ.
ಹಾಗಾದರೆ, ವಿಶ್ವದ ಅತಿ ಸಂತುಷ್ಟ ರಾಷ್ಟ್ರ ಯಾವುದು? ಈ ಪ್ರಶ್ನೆಗೆ ಉತ್ತರ ನಾರ್ವೆ. ಹೌದು. ನಾರ್ವೆ ದೇಶವು ಜಗತ್ತಿನ ಅತಿ ಸಂತುಷ್ಟ ರಾಷ್ಟ್ರವೆಂಬ ಹೆಗ್ಗಳಿಕೆ ಪಡೆದಿದೆ.