ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಕ್ಯೂಬಾದ ಸ್ವಾಭಿಮಾನ ಫಿಡಲ್ ಕ್ಯಾಸ್ಟ್ರೋ ಯುಗಾಂತ್ಯ

By ವಿಕಾಸ್ ನಂಜಪ್ಪ
|
Google Oneindia Kannada News

ಬೆಂಗಳೂರು, ನವೆಂಬರ್ 26: ಕ್ಯೂಬಾದ ಮಾಜಿ ಅಧ್ಯಕ್ಷ, ಕಮ್ಯುನಿಸ್ಟ್ ಕ್ರಾಂತಿಯ ನಾಯಕ ಫಿಡಲ್ ಕ್ಯಾಸ್ಟ್ರೋ (9೦) ನಿಧನ ಸುದ್ದಿಯನ್ನು ಶನಿವಾರ ಅಲ್ಲಿನ ಸರಕಾರಿ ಟಿವಿ ಘೋಷಿಸಿದೆ. ಅದಕ್ಕಿಂತ ಹೆಚ್ಚಿನ ಮಾಹಿತಿಯನ್ನು ಟಿವಿ ಚಾನಲ್ ನೀಡಿಲ್ಲ. ಹತ್ತಿರಹತ್ತಿರ ಐವತ್ತು ವರ್ಷಗಳ ಕಾಲ ಕ್ಯೂಬಾದಲ್ಲಿ ಆಳ್ವಿಕೆ ನಡೆಸಿದ್ದ ಕ್ಯಾಸ್ಟ್ರೋ, 2008ರಲ್ಲಿ ತಮ್ಮ ಸಹೋದರ ರೌಲ್ ಗೆ ಅಧಿಕಾರ ಹಸ್ತಾಂತರಿಸಿದ್ದರು.

ಕ್ಯಾಸ್ಟ್ರೋ ಜನಿಸಿದ್ದು ಆಗಸ್ಟ್ 13, 1926ರಲ್ಲಿ. ಪೂರ್ವ ಕ್ಯೂಬಾದ ಸಣ್ಣ ಪಟ್ಟಣ ಬೈರನ್ ನಲ್ಲಿ. ಕ್ಯೂಬಾದಲ್ಲಿ ಸ್ವಾತಂತ್ರ್ಯಕ್ಕಾಗಿ ಯುದ್ಧ ನಡೆಯುವಾಗ ಶ್ರೀಮಂತ ಸ್ಪ್ಯಾನಿಷ್ ಕಬ್ಬು ಬೆಳೆಗಾರರಾದ ಕ್ಯಾಸ್ಟ್ರೋ ಅವರ ತಂದೆ ಈ ದ್ವೀಪಕ್ಕೆ ಬಂದಿದ್ದರು, ಹವಾನಾದ ಕಾನೂನು ವಿದ್ಯಾಲಯಕ್ಕೆ ಸೇರಿದ ಕ್ಯಾಸ್ಟ್ರೋ ಅವರಿಗೆ ಅಲ್ಲಿ ರಾಜಕೀಯ ಆಸಕ್ತಿ ಮೊಳೆಯಿತು.[ಕಾಮ್ರೇಡ್ ಫಿಡೆಲ್ ಕ್ಯಾಸ್ಟ್ರೋಗೆ ಲಾಲ್ ಸಲಾಂ..]

ಅಲ್ಲಿ ಭ್ರಷ್ಟಾಚಾರ ವಿರೋಧಿ ಪಕ್ಷವನ್ನು ಸೇರಿದರು. ಡಾಮಿನಿಕನ್ ರಿಪಬ್ಲಿಕ್ ನ ಸರ್ವಾಧಿಕಾರಿ ರಾಫೆಲ್ ಟ್ರುಜಿಲ್ಲೊ ವಿರುದ್ಧದ ಹೋರಾಟದಲ್ಲಿ ಪಾಲ್ಗೊಂಡರು. 1950ರಲ್ಲಿ ಪದವಿ ಪಡೆದ ನಂತರ ಕಚೇರಿ ಆರಂಭಿಸಿದ ಕ್ಯಾಸ್ಟ್ರೋ, ಚುನಾವಣೆಗೆ ನಿಲ್ಲುವ ನಿರ್ಧಾರ ಮಾಡಿದರು. ಅದರೆ ಚುನಾವಣೆಯೇ ನಡೆಯೋದಿಲ್ಲ. ಆ ಸನ್ನಿವೇಶಕ್ಕೆ ಸ್ಪಂದಿಸಿದ ಅವರು, ಕ್ರಾಂತಿಗೆ ಯೋಜನೆ ಮಾಡಿದರು.

ಹದಿನೈದು ವರ್ಷ ಜೈಲು

ಹದಿನೈದು ವರ್ಷ ಜೈಲು

1953ರಲ್ಲಿ 120 ಮಂದಿಯನ್ನು ಒಟ್ಟು ಮಾಡಿಕೊಂಡು ಸಾಂಟಿಯಾಗೋ ಡಿ ಕ್ಯೂಬಾದ ಮೊಂಕಾಡ ಸೇನಾ ನೆಲೆ ಮೇಲೆ ದಾಳಿ ಮಾಡಿದರು ಕ್ಯಾಸ್ಟ್ರೋ. ಅಲ್ಲಿ ಅವರನ್ನು ಬಂಧಿಸಿ, ಹದಿನೈದು ವರ್ಷ ಜೈಲು ಶಿಕ್ಷೆ ವಿಧಿಸಲಾಯಿತು, 1955ರಲ್ಲಿ ಬಿಡುಗಡೆ ಆದ ಅವರು, ಮೆಕ್ಸಿಕೋಗೆ ಹೋಗಿ ಸಹ ಕ್ರಾಂತಿಕಾರಿ ಚೆ ಗುವೆರಾನ ಭೇಟಿಯಾಗಿ, ಕ್ಯೂಬಾಗೆ ಹಿಂತಿರುಗಲು ಯೋಜನೆ ರೂಪಿಸಿದರು.

ಪ್ರಧಾನಿಯಾಗಿ ಅಧಿಕಾರ ಸ್ವೀಕಾರ

ಪ್ರಧಾನಿಯಾಗಿ ಅಧಿಕಾರ ಸ್ವೀಕಾರ

ಸಹೋದರ ರೌಲ್, ಚೆಗುವೆರಾ ಇತರ 81 ಮಂದಿ ಜತೆಗೆ ಕ್ಯೂಬಾದ ಪೂರ್ವ ಕಡಲತೀರಕ್ಕೆ ಬಂದರು. ಅವರ ಪುಟ್ಟ ತಂಡದ ಮೇಲೆ ದಾಳಿಯಾಗಿ, ಕೊನೆಗೆ ಹದಿನೆಂಟು ಮಂದಿ ಉಳಿದುಕೊಂಡರು. 1957ರಲ್ಲಿ ಮತ್ತೆ ಹೊಸ ತಂಡ ಕಟ್ಟಿಕೊಳ್ಳುವ ಅವರು, 1959ರಲ್ಲಿ ಹವಾನಾಗೆ ಬಂದು ಪ್ರಧಾನಿಯಾಗಿ ಅಧಿಕಾರ ಸ್ವೀಕರಿಸಿದರು.

ಅಮೆರಿಕಾ ಜತೆ ಐತಿಹಾಸಿಕ ಕದನ

ಅಮೆರಿಕಾ ಜತೆ ಐತಿಹಾಸಿಕ ಕದನ

ಆ ನಂತರ ಅಮೆರಿಕಾ ಜತೆಗಿನ ಕ್ಯಾಸ್ಟ್ರೋ ಕದನ ಐತಿಹಾಸಿಕವಾದದ್ದು. ಫಿಡಲ್ ಕ್ಯಾಸ್ಟ್ರೋ ಕಾನೂನು ತಾರತಮ್ಯವನ್ನು ನಿವಾರಿಸಿದರು. ಗ್ರಾಮೀಣ ಭಾಗಗಳಲ್ಲಿ ವಿದ್ಯುತ್ ತಂದರು. ಉದ್ಯೋಗ ಹಾಗೂ ಆರೋಗ್ಯ ಸುರಕ್ಷತೆ ಒದಗಿಸಿದರು.

ವಿರೋಧಿಗಳು ಜೈಲಿಗೆ

ವಿರೋಧಿಗಳು ಜೈಲಿಗೆ

ಇವೆಲ್ಲ ಒಂದು ಕಡೆಯಾಯಿತು. ವಿಪಕ್ಷಗಳ ನಾಯಕರು ನಡೆಸುತ್ತಿದ್ದ ಪತ್ರಿಕೆಗಳ ವಿರುದ್ಧ ತುಂಬ ಕಠಿಣವಾಗಿ ನಡೆದುಕೊಳ್ಳುತ್ತಿದ್ದ ಅವರು, ಎಷ್ಟೋ ಮಂದಿ ವಿರೋಧಿಗಳನ್ನು ಜೈಲಿಗೆ ಅಟ್ಟಿದ್ದರು.

ಭೂಮಿ ಮಾಲೀಕತ್ವಕ್ಕೆ ಮಿತಿ

ಭೂಮಿ ಮಾಲೀಕತ್ವಕ್ಕೆ ಮಿತಿ

ಖಾಸಗಿ ವ್ಯಾಪಾರಗಳಿಗೆ ನಿಷೇಧ ಹೇರಿದ್ದ ಕ್ಯಾಸ್ಟ್ರೋ, ಭೂಮಿ ಮಾಲೀಕತ್ವ ವಿಚಾರದಲ್ಲಿ ಮಿತಿ ಹೇರಿದ್ದರು. ಲ್ಯಾಟಿನ್ ಅಮೆರಿಕಾ, ಆಫ್ರಿಕಾ ದೇಶಗಳಲ್ಲಿ ನಡೆಯುತ್ತಿದ್ದ ಎಡಪಂಥೀಯ ಗೆರಿಲ್ಲಾ ಹೋರಾಟಗಳಿಗೆ ಆರ್ಥಿಕ ಹಾಗೂ ಸೇನೆ ನೆರವು ಒದಗಿಸಿದ್ದರು. ಸೋವಿಯತ್ ಒಕ್ಕೂಟ ಛಿದ್ರವಾದಾಗ ಕ್ಯೂಬಾದ ಆರ್ಥಿಕತೆ ಕೂಡ ಕುಸಿತ ಕಂಡಿತ್ತು.

ಸಹೋದರನಿಗೆ ಅಧಿಕಾರ ಹಸ್ತಾಂತರ

ಸಹೋದರನಿಗೆ ಅಧಿಕಾರ ಹಸ್ತಾಂತರ

2006ರಲ್ಲಿ ಕ್ಯಾಸ್ಟ್ರೋ ಕರುಳಿಗೆ ಸಂಬಂಧಿಸಿದ ಶಸ್ತ್ರಚಿಕಿತ್ಸೆಗೆ ಒಳಗಾದಾಗ ತಾತ್ಕಾಲಿಕವಾಗಿ ತಮ್ಮ ಸಹೋದರ ರೌಲ್ ಗೋ ತಾತ್ಕಾಲಿಕವಾಗಿ ಜವಾಬ್ದಾರಿ ವಹಿಸಿದ್ದರು. 2008ರಲ್ಲಿ ತಮ್ಮ ಸ್ಥಾನಕ್ಕೆ ರಾಜೀನಾಮೆ ಕೊಟ್ಟು, ಸಂಪೂರ್ಣ ಜವಾಬ್ದಾರಿಯನ್ನು ರೌಲ್ ಗೆ ವಹಿಸಿಕೊಟ್ಟಿದ್ದರು.

English summary
Fidel Castro, Cuba's former president and leader of the Communist revolution, has died aged 90, the state TV announced. However no further details were provided by the channel. He ruled Cuba as a one party state for almost half a century. He handed over power to his brother Raul in 2008.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X