ಒಬಾಮಾ ಸರ್ಕಾರಕ್ಕೆ ಹಿನ್ನಡೆ, ಹೇಗಲ್ ರಾಜೀನಾಮೆ

ವಾಷಿಂಗ್ಟನ್, ನ.25: ಅಮೆರಿಕದ ರಕ್ಷಣಾ ಕಾರ್ಯದರ್ಶಿ ಮತ್ತು ರಿಪಬ್ಲಿಕನ್ ಪಕ್ಷದ ಏಕೈಕ ಸದಸ್ಯ ಚಕ್ ಹೇಗಲ್ ರಾಜಿನಾಮೆಯಿಂದ ಅಮೆರಿಕ ಅಧ್ಯಕ್ಷ ಬರಾಕ್ ಒಬಾಮಾ ಅವರಿಗೆ ಅಚ್ಚರಿ, ಆಘಾತ ಉಂಟಾಗಿದೆ. ಒಬಾಮಾ ತಂಡದ ಪ್ರಮುಖ ವ್ಯಕ್ತಿಯಾಗಿದ್ದ ಹಗೇಲ್ ಅವರ ರಾಜೀನಾಮೆ ಬಗ್ಗೆ ಕಳೆದ ಕೆಲದಿನಗಳಿಂದ ಸುದ್ದಿ ಹರಡಿತ್ತು.

ಒಬಾಮಾ ಅವರು ತಮ್ಮ ಅಧಿಕಾರ ಅವಧಿಯ ಕೊನೆ ಎರಡು ವರ್ಷಗಳಲ್ಲಿ ಹೊಸ ತಂಡವನ್ನು ನೇಮಿಸಿಕೊಳ್ಳಲು ಬಯಸಿದ್ದರು. ಒಬಾಮಾ ಅವರ ಇಂಗಿತವನ್ನು ಅರಿತುಕೊಂಡ ಹಗೇಲ್ ಅವರು ರಾಜೀನಾಮೆ ನೀಡಿದ್ದಾರೆ ಎಂದು ತಿಳಿದು ಬಂದಿದೆ. ಇರಾಕಿ ಬಂಡುಕೋರರ ಸಂಘಟನೆ ಐಎಸ್ಐಎಸ್ ವಿರುದ್ಧ ಹೋರಾಟಕ್ಕೆ ಪೆಂಟಗನ್ ಸಜ್ಜಾಗುತ್ತಿದ್ದಂತೆ ಈ ಬೆಳವಣಿಗೆ ನಡೆದಿರುವುದು ಹಲವರ ಹುಬ್ಬೇರಿಸಿದೆ.

ಸ್ವತಃ ಅಮೆರಿಕ ಅಧ್ಯಕ್ಷ ಬರಾಕ್ ಒಬಾಮಾ ಅವರು ಚುಟುಕು ಸುದ್ದಿಗೋಷ್ಥಿ ನಡೆಸಿ ಹಗೆಲ್ ಅವರ ರಾಜೀನಾಮೆ ಬಗ್ಗೆ ತಿಳಿಸಿ ಅಚ್ಚರಿ ಮೂಡಿಸಿದೆ ಎಂದಿದ್ದಾರೆ.

ಹೇಗಲ್ ಭಾರತದ ರಕ್ಷಣಾ ಸಚಿವ ಮನೋಹರ್ ಪಾರಿಕ್ಕಾರ್ ಅವರನ್ನು ಮುಂದಿನ ವಾರ ಭೇಟಿಯಾಗುವ ಕಾರ್ಯಕ್ರಮವಿತ್ತು. ಮೋದಿ ಸರ್ಕಾರ 100 ದಿನ ಪೂರ್ತಿಗೊಳಿಸಿದ ವೇಳೆ ಭಾರತಕ್ಕೆ ಭೇಟಿ ನೀಡಿದ್ದ ಮೂವರು ಪ್ರಮುಖರಲ್ಲಿ ಹೇಗಲ್ ಒಬ್ಬರಾಗಿದ್ದರು. ಬರಾಕ್ ಒಬಾಮಾ ಅವರು ಭಾರತ ಪ್ರವಾಸ ಕೈಗೊಳ್ಳುವ ಮುನ್ನ ಸುರಕ್ಷಿತೆ ಬಗ್ಗೆ ಪರಿಶೀಲನೆ ನಡೆಸಲು ಹೇಗಲ್ ಅವರು ಭಾರತಕ್ಕೆ ಬರಬೇಕಿತ್ತು.

English summary

US Defence Secretary Chuck Hagel resigned on Monday amid reports of differences with President Barack Obama who apparently wants to install a new leadership at the Pentagon as he enters the last two years of his presidency facing new global challenges like the rise of IS.