ಉತ್ತರ ಕೊರಿಯಾ, ಅಮೆರಿಕ ನಡುವಿನ ಯುದ್ಧ ಸನ್ನಿಹಿತ?
ಇಡೀ ಅಮೆರಿಕವನ್ನು ನಾಶಪಡಿಸಲು ಸಜ್ಜಾಗಿರುವ ಉತ್ತರ ಅಮೆರಿಕದ ಕ್ಷಿಪಣಿ. ಖಂಡಾಂತರ ಕ್ಷಿಪಣಿಯಿಂದ ಅಮೆರಿಕ ಸರ್ವನಾಶ ಎಂದ ಉತ್ತರ ಕೊರಿಯಾ ಸರ್ಕಾರ.
ಪ್ಯೊಂಗ್ಯಾಂಗ್ (ಉತ್ತರ ಕೊರಿಯಾ), ಜುಲೈ 29: ಇಡೀ ಅಮೆರಿಕವನ್ನು ನಿಮಿಷಗಳಲ್ಲಿ ನಾಶ ಮಾಡುವ ಖಂಡಾಂತರ ಕ್ಷಿಪಣಿಯೊಂದನ್ನು ತಾನು ತಯಾರಿಸಿದ್ದು, ಇಡೀ ಅಮೆರಿಕವೇ ನಮ್ಮ ರೇಂಜ್ ನಲ್ಲಿ ಇದೆ ಎಂದು ಉತ್ತರ ಕೊರಿಯಾ, ಅಮೆರಿಕಕ್ಕೆ ಎಚ್ಚರಿಕೆ ನೀಡಿದೆ.
ಕೊರಿಯಾ ಸರ್ವಾಧಿಕಾರಿಯ ಕ್ಷಿಪಣಿ ಉಡಾವಣೆಗೆ ಬೆಚ್ಚಿಬಿದ್ದ ವಿಶ್ವ
ಉತ್ತರ ಕೊರಿಯಾದ ಈ ಎಚ್ಚರಿಕೆಯು ಅಮೆರಿಕವನ್ನು ಕೆರಳಿಸಲಿದ್ದು, ಯಾವುದೇ ಕ್ಷಣದಲ್ಲಿ ಈ ಎರಡೂ ದೇಶಗಳ ನಡುವೆ ಯುದ್ಧ ಆರಂಭವಾಗುವ ಸಾಧ್ಯತೆಗಳಿವೆ ಎಂದು ಹೇಳಲಾಗಿದೆ. ಉತ್ತರ ಕೊರಿಯಾದ ಈ ಹೊಸ ಕ್ಷಿಪಣಿ 1100 ಕಿ.ಮೀ.ವರೆಗೂ ಸಾಗುವ ಸಾಮರ್ಥ್ಯ ಹೊಂದಿದೆ ಎಂದು ಹೇಳಲಾಗಿದೆ.
ಉಭಯ ರಾಷ್ಟ್ರಗಳ ನಡುವೆ ಹದಗೆಟ್ಟ ರಾಜಕೀಯ ಪರಿಸ್ಥಿತಿ ಹಿನ್ನೆಲೆಯಲ್ಲಿ ಈಗಾಗಲೇ ಎರಡೂ ದೇಶಗಳ ನಡುವೆ ಯುದ್ಧದ ಭೀತಿ ಆವರಿಸಿದೆ.
ಕೊರಿಯಾ ಸರ್ವಾಧಿಕಾರಿಯ ಅಣ್ಣನ ಕೊಲೆ ಸುತ್ತಾ ಮುಂದುವರಿದ ನಿಗೂಢತೆ
ಇದಕ್ಕೆ ಪೂರ್ವ ತಯಾರಿ ಎಂಬಂತೆ ಉತ್ತರ ಕೊರಿಯಾ ತನ್ನ ಕ್ಷಿಪಣಿ ಹಾಗೂ ಇನ್ನಿತರ ಶಸ್ತ್ರಾಸ್ತ್ರ ಪರೀಕ್ಷೆಗಳನ್ನು ಕೆಲವಾರು ತಿಂಗಳುಗಳಿಂದಲೇ ಆರಂಭಿಸಿದೆ.
ಈ ಹಿನ್ನೆಲೆಯಲ್ಲಿ ತನ್ನ ಹೊಸ ಖಂಡಾಂತರ ಕ್ಷಿಪಣಿಯನ್ನು ಯಶಸ್ವಿಯಾಗಿ ಪರೀಕ್ಷಿಸಿರುವ ಉತ್ತರ ಕೊರಿಯಾ ಸರ್ಕಾರ, ಅಮೆರಿಕಕ್ಕೆ ಖಡಕ್ ಎಚ್ಚರಿಕೆ ರವಾನಿಸಿದೆ.
ಇದಲ್ಲದೆ, ಈ ಬಗ್ಗೆ ಹೇಳಿಕೆ ನೀಡಿರುವ ಉತ್ತರ ಕೊರಿಯಾದ ಅಧ್ಯಕ್ಷ ಕಿಮ್ ಜೊಂಗ್-ಉನ್ ಅವರು, ''ಉತ್ತರ ಕೊರಿಯಾದ ಯಾವುದೇ ಭಾಗದಲ್ಲಿ ನಿಂತು, ಯಾವುದೇ ಕ್ಷಣದಲ್ಲಿ ಈ ಕ್ಷಿಪಣಿ ಹಾರಿಬಿಟ್ಟರೂ, ಅಮೆರಿಕ ನಿಶ್ಯೇಷವಾಗುವುದು ಖಂಡಿತ'' ಎಂದು ಹೇಳಿದ್ದಾರೆ.