ತರಬೇತಿ ಪಡೆಯಲು ಬಂದವಳನ್ನೇ ರೇಪ್ ಮಾಡಿದ ಯೋಗ ಗುರು

ಬಾಬಾ ನೀಡುವ ಯೋಗ ತರಬೇತಿಗಾಗಿ ಅಮೆರಿಕದಿಂದಲೇ ಆನ್ ಲೈನ್ ಮೂಲಕ ಹೆಸರು ನೋಂದಾಯಿಸಿಕೊಂಡು ಬಂದಿದ್ದ ಮಹಿಳೆ; ವಿಶೇಷ ಮಸಾಜ್ ತರಬೇತಿ ನೆಪದಲ್ಲಿ ಅತ್ಯಾಚಾರವೆಸಗಿದ ಪ್ರತೀಕ್.

ಪಣಜಿ, ಫೆಬ್ರವರಿ 8: ಮಸಾಜ್ ಮಾಡುವುದರ ಬಗ್ಗೆ ತರಬೇತಿ ನೀಡುವುದಾಗಿ ಹೇಳಿ, ಅದರ ತರಬೇತಿಗಾಗಿ ಬಂದ ಅಮೆರಿಕದ ಮಹಿಳೆಯೊಬ್ಬರ ಮೇಲೆ ಅತ್ಯಾಚಾರ ಎಸಗಿದ ಆರೋಪದಡಿ ಗೋವಾ ಪೊಲೀಸರು ಯೋಗ ಗುರುವೊಬ್ಬನನ್ನು ಬಂಧಿಸಿದ್ದಾರೆ. ಈ ಪ್ರಕರಣವು, ಉತ್ತರ ಗೋವಾದ ಪೆರ್ನೆಮ್ ಕರಾವಳಿ ಪ್ರದೇಶದ ಕೋರ್ಗಾವೊ ಗ್ರಾಮದಲ್ಲಿ ನಡೆದಿದೆ ಎಂದು ಮೂಲಗಳು ತಿಳಿಸಿವೆ.[ವಿಡಿಯೋ ವಿಡಂಬನೆ : ಅತ್ಯಾಚಾರಕ್ಕೆ ಕಾರಣ ಯಾರು?]

ಆರೋಪಿಯನ್ನು ಪ್ರತೀಕ್ ಕುಮಾರ್ ಅಗರ್ ವಾಲ್ (38) ಎಂದು ಗುರುತಿಸಲಾಗಿದ್ದು, ಅಮೆರಿಕ ಮೂಲದ ಮಹಿಳೆ ಮಂಗಳವಾರ ಪೆರ್ನೆಮ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ ಬಳಿಕ ಆತನನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.[ನಿಯಮಿತ ಯೋಗ ಮಹಿಳೆಯ ಸೌಂದರ್ಯಕ್ಕೆ ರಾಮಬಾಣ]

ಆರೋಪಿಯು ಯೋಗ ಶಿಕ್ಷಕ ತರಬೇತಿ ನೀಡುವುದಾಗಿ ಜಾಹೀರಾತು ನೀಡಿದ್ದ. ಹಾಗಾಗಿ, ಅಮೆರಿಕದ ಈ ಪ್ರಜೆ, ಆನ್ ಲೈನ್ ಮೂಲಕವೇ ತರಬೇತಿಗಾಗಿ ತಮ್ಮ ಹೆಸರು ನೋಂದಾಯಿಸಿಕೊಂಡಿದ್ದರು. ಇವರಷ್ಟೇ ಅಲ್ಲದೆ, ನಾನಾ ದೇಶಗಳಿಂದ ಸುಮಾರು ಏಳು ಮಹಿಳೆಯರು ತರಬೇತಿಗಾಗಿ ಆಗಮಿಸಿದ್ದರು.['ರೇಪ್ ಮಾಡುವ ಮುನ್ನ ಈಕೆಯ ವಿಡಿಯೋ ನೋಡಿ']

ಇವರಲ್ಲೊಬ್ಬರಾಗಿದ್ದ ಅಮೆರಿಕದ ಪ್ರಜೆ ಬಳಿ ತಾಂತ್ರಿಕ ಮಸಾಜ್ ತರಬೇತಿ ನೀಡುವುದಾಗಿ ಆಕೆಯೊಬ್ಬರನ್ನು ಕರೆಸಿಕೊಂಡಿದ್ದ ಪ್ರತೀಕ್ ಕುಮಾರ್ ಅತ್ಯಾಚಾರವೆಸಗಿದ್ದಾನೆಂದು ಹೇಳಲಾಗಿದೆ.

English summary

A Yoga Guru of nothern Goa arrested on the charges of raping an American citizen during yoga classes.