ಜಗತ್ತಿನ ಅತಿ ಎತ್ತರದ ದೇವಾಲಯ ಭಾರತದಲ್ಲಿ
ನವದೆಹಲಿ, ಸೆಪ್ಟೆಂಬರ್, 19: ಜಗತ್ತಿನ ಅತಿ ಎತ್ತರದ ಕಟ್ಟಡ ಎಲ್ಲಿದೆ? ಎಂಬ ಒಂದು ಅಂಕದ ಪ್ರಶ್ನೆಗೆ ಇನ್ನು ಮುಂದೆ ಭಾರತದ ಉತ್ತರಪ್ರದೇಶದ ವೃಂದಾವನ ಎಂಬ ಉತ್ತರವನ್ನು ನೀಡಬಹುದು.
ಸದ್ಯ ದುಬೈನ ಬುರ್ಜ್ ಖಲೀಫಾ ಜಗತ್ತಿನ ಅತಿ ಎತ್ತರದ ಕಟ್ಟಡ ಎಂಬ ಶ್ರೇಯ ಪಡೆದುಕೊಂಡಿದ್ದು ಇಸ್ಕಾನ್ ಈ ದಾಖಲೆಯನ್ನು ಭಾರತದ ಹೆಸರಿಗೆ ಮಾಡಿ ಕೊಡಲಿದೆ. ಜಗತ್ತಿನಲ್ಲೇ ಅತಿ ಎತ್ತರದ ಚಂದ್ರೋದಯ ಮಂದಿರ ನಿರ್ಮಾಣಕ್ಕೆ ಇಸ್ಕಾನ್ ಮುಂದಾಗಿದೆ. ದೇಗುಲದ ಗೋಪುರ 700 ಅಡಿ ಎತ್ತರವಿರಲಿದ್ದು, ದುಬೈನ ಅತಿ ಎತ್ತರದ ಕಟ್ಟಡ ಬುರ್ಜ್ ಖಲೀಫಾಗಿಂತ 5 ಅಡಿ ಹೆಚ್ಚು ಆಳದ ಅಡಿಪಾಯ ಸಹ ಈ ಮಂದಿರಕ್ಕಿರಲಿದೆ.[ಮದುವೆ ತಡವಾಗಿದ್ದರೆ ಕಾಣಿರಿ ನಿತ್ಯ ಕಲ್ಯಾಣ ಪೆರುಮಾಳ್]
ಬುರ್ಜ್ ಖಲೀಫಾ ಕಟ್ಟಡಕ್ಕೆ 50 ಮೀಟರ್ ಆಳದ ಅಡಿಪಾಯ ನಿರ್ಮಾಣ ಮಾಡಲಾಗಿದೆ. ಆದರೆ ಚಂದ್ರೋದಯ ಮಂದಿರದ ಅಡಿಪಾಯ 55 ಮೀಟರ್ ಆಳ ಹೊಂದಿರಲಿದೆ. ಅಡಿಪಾಯದಲ್ಲಿ 511 ಅಂಕಣಗಳಿದ್ದು, ಮುಂದಿನ ವರ್ಷದ ಮಾರ್ಚ್ ವೇಳೆಗೆ ಪೂರ್ಣಗೊಳ್ಳಲಿದೆ ಎಂದು ಇಸ್ಕಾನ್ನ ಪ್ರಕಟಣೆಯಲ್ಲಿ ತಿಳಿಸಿದೆ.[ಅಷ್ಟಮಂಗಲ ಪ್ರಶ್ನೆ: ಅಲ್ಲೊಂದು ಶತಮಾನಗಳ ಹಿಂದಿನ ದೇವಸ್ಥಾನವಿತ್ತು]
ಜಗತ್ತಿನ ಅತಿ ಎತ್ತರದ ದೇವಾಲಯ 2022ಕ್ಕೆ ಪೂರ್ಣಗೊಳ್ಳುವ ನಿರೀಕ್ಷೆ ಇಟ್ಟುಕೊಳ್ಳಲಾಗಿದೆ. ಪ್ರತಿ ಕೋನದಲ್ಲಿ 4 ಮಂದಿರಗಳನ್ನು ನಿರ್ಮಿಸಲಾಗುತ್ತದೆ. ಅವುಗಳು ಕೃಷ್ಣ-ರಾಧಾ, ಕೃಷ್ಣ-ಬಲರಾಮ, ಚೈತನ್ಯ ಮಹಾಪ್ರಭು ಮತ್ತು ಸ್ವಾಮಿ ಪ್ರಭುಪಾದರ ಮಂದಿರಗಳಾಗಿರಲಿವೆ ಎಂದು ಇಸ್ಕಾನ್ ತಿಳಿಸಿದೆ.