ದೂರವಾದ ಪ್ರಿಯಕರನ ಕೊಲ್ಲಲು ಆಕೆ ಸಿದ್ಧಪಡಿಸಿಕೊಂಡಿದ್ದು ನಾಡ ಬಾಂಬ್

Written by: ವಿಕಾಸ್ ನಂಜಪ್ಪ
Subscribe to Oneindia Kannada

ಹರ್ಯಾಣ, ಅಕ್ಟೋಬರ್ 12: ಬಾಂಬ್ ಅಂದರೆ ಭಯೋತ್ಪಾದಕರಷ್ಟೇ ಬಳಸಬೇಕು ಅಂತೇನೂ ಇಲ್ಲ. ಇಲ್ಲೊಂದು ವಿಚಿತ್ರ ಪ್ರಕರಣವಿದೆ. 35 ವರ್ಷದ ಮಹಿಳೆಯೊಬ್ಬಳು ತನ್ನ ಗೆಳೆಯನ ಮೇಲೆ ಬಾಂಬ್ ದಾಳಿ ನಡೆಸುವುದಕ್ಕೆ ಪ್ಲಾನ್ ಮಾಡಿದ್ದಳು. ಇದಕ್ಕಾಗಿ ತನ್ನ ಇನ್ನೊಬ್ಬ ಗೆಳೆಯನ ಸಹಕಾರ-ಸಹಾಯವನ್ನು ಕೇಳಿದ್ದಳು ಎಂದು ಪೊಲೀಸರು ತಿಳಿಸಿದ್ದಾರೆ.

ಆರತಿ-ಆಕೆಯ ಹಳೆ ಗೆಳೆಯ ಪ್ರದೀಪ್ ಬಾಂಬ್ ದಾಳಿ ನಡೆಸಲು ಸ್ಕೆಚ್ ಹಾಕಿದ್ದರು. ಈ ಬಗ್ಗೆ ಗೊತ್ತಾದ ಕೂಡಲೇ ಪೊಲಿಸರು ಇಬ್ಬರನ್ನೂ ಬಂಧಿಸಿದ್ದಾರೆ. ವಿಚಾರಣೆ ವೇಳೆ ಬಾಯಿಬಿಟ್ಟಿರುವ ಈ ಆರೋಪಿಗಳು, ಮೂರು ಬಾಂಬ್ ಸಿದ್ಧಮಾಡಿಕೊಂಡಿದ್ದಿವಿ. ಅದನ್ನು ಗೆಳೆಯರ ಮನೆಯಲ್ಲಿ ಬಚ್ಚಿಟ್ಟಿದ್ವಿ ಎಂದು ಒಪ್ಪಿಕೊಂಡಿದ್ದಾರೆ.[ಆಕೆ ಸತ್ತ ಮೇಲೆ ಗೊತ್ತಾಗಿದ್ದು ಹತ್ತು ವರ್ಷದ ಗೃಹ ಬಂಧನದ ಕ್ರೌರ್ಯ]

Crime

ಶಂಷಾಬಾದ್ ಕಾಲೋನಿಯ ಮನೆಯಲ್ಲಿ ಪೊಲೀಸರು ಹುಡುಕಾಟ ನಡೆಸಿದಾಗ ಮೂರು ಬಾಂಬ್ ಪತ್ತೆಯಾಗಿದೆ. ಎಲ್ಲ ನಾಡ ಬಾಂಬುಗಳನ್ನು ನಿಷ್ಕ್ರಿಯಗೊಳಿಸಲಾಗಿದೆ. ಯಾವ ಗೆಳೆಯರ ಮನೆಯಲ್ಲಿ ಈ ಬಾಂಬುಗಳನ್ನು ಬಚ್ಚಿಟ್ಟಿದ್ದರೋ ಅವರಿಗೆ ಈ ಇಬ್ಬರ ಪ್ಲಾನ್ ಬಗ್ಗೆ ಗೊತ್ತಿರಲಿಲ್ಲ ಎಂದು ಪೊಲಿಸರು ತಿಳಿಸಿದ್ದಾರೆ.

ವಿಚಾರಣೆ ವೇಳೆ ತನ್ನ ವೈರತ್ವದ ಬಗ್ಗೆ ಆರತಿ ಬಾಯಿಬಿಟ್ಟಿದ್ದಾಳೆ. ಆಕೆ ತನ್ನ ಹಳೆ ಪ್ರಿಯತಮನ ವಿರುದ್ಧ ದ್ವೇಷ ತೀರಿಸಿಕೊಳ್ಳಲು ಹವಣಿಸಿದ್ದಳು. ಈಕೆಯ ಜತೆಗೆ ಇರುವುದಕ್ಕೋಸ್ಕರ ತನ್ನ ಹೆಂಡತಿ-ಮಕ್ಕಳನ್ನು ಆತ ಬಿಟ್ಟಿದ್ದ. ಆರು ವರ್ಷಗಳು ಜತೆಗಿದ್ದು, ಅ ನಂತರ ತನ್ನ ಹೆಂಡತಿ-ಮಕ್ಕಳ ಜತೆಗೆ ಇರುವುದಕ್ಕೆ ನಿರ್ಧರಿಸಿದ್ದ. ಆ ಕಾರಣಕ್ಕೆ ಬಾಂಬ್ ಹಾಕಿ, ಆತನನ್ನು ಕೊಲ್ಲಲು ಯೋಚಿಸಿದ್ದರು.[ಮಂಡ್ಯದಲ್ಲಿ ಅಣ್ಣನಿಂದ ಸಹೋದರಿಯ ಪ್ರಿಯತಮ ಕೊಲೆ]

ಪತ್ರಿಕೆಯೊಂದರ ವರದಿ ಪ್ರಕಾರ ಆರತಿ ಹಾಗೂ ಪ್ರದೀಪ್ ಸೇರಿ ಅಕ್ಟೋಬರ್ 3ರಂದು ಮತ್ತೊಬ್ಬನನ್ನು ಕೊಂದಿದ್ದಾರೆ. ಆತನ ಹೆಸರು ಬಾಬು ಲಾಲ್. ಆರತಿಯ ಪ್ರಿಯಕರ ಹಾಗೂ ಆತನ ಹೆಂಡತಿ ಮತ್ತೆ ಒಂದಾಗಲು ಬಾಬು ಲಾಲ್ ನೇ ಕಾರಣ ಎಂಬ ಸಿಟ್ಟಿತ್ತು. ಆ ಕಾರಣಕ್ಕೆ ಕತ್ತು ಸೀಳಿ ಆತನನ್ನು ಕೊಂದಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಮೂರು ಬಾಂಬುಗಳನ್ನು ಒಟ್ಟು ಮಾಡುವುದಕ್ಕೆ ಅವರಿಗೆ ವಸ್ತುಗಳು ಎಲ್ಲಿ ದೊರೆತವು ಎಂಬ ಬಗ್ಗೆ ತನಿಖೆ ನಡೆಯುತ್ತಿದೆ. ಪ್ರದೀಪ್ ನ ಸ್ನೇಹಿತನೊಬ್ಬ ಪರವಾನಗಿ ಹೊಂದಿರುವ ಪಟಾಕಿ ತಯಾರಕ ಎಂಬುದು ಗೊತ್ತಾಗಿದೆ. ನಾಡ ಬಾಂಬ್ ಹೇಗೆ ಮಾಡುವುದು ಎಂದು ಪ್ರದೀಪ್ ಕಲಿತಿದ್ದಾನೆ. ಆದರೆ ಬಾಂಬ್ ತಯಾರಿಕೆಗೆ ವಸ್ತುಗಳು ಹೇಗೆ ದೊರೆತವು ಎಂದು ಗೊತ್ತಾಗಿಲ್ಲ.

English summary
A woman who plotted a major strike on her ex-boyfriend by using bomb. According to the Haryana police, 35 year old woman had sought the help of another ex-boyfriend to undertake the operation. The case regisgtered. Arti and her ex-boyfriend Pradeep immediately arrested
Please Wait while comments are loading...