ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಭಾರತದೊಳು ನುಗ್ಗುವ ಉಗ್ರರ ಯತ್ನ ವಿಫಲ, ಬೋಟ್ ಸ್ಫೋಟ

By Mahesh
|
Google Oneindia Kannada News

ಪೋರಬಂದರ್(ಗುಜರಾತ್) ಜ.2: ಸ್ಫೋಟಕಗಳಿಂದ ತುಂಬಿದ್ದ ಪಾಕಿಸ್ತಾನದ ದೋಣಿಯೊಂದು ಇಲ್ಲಿನ ಅರಬ್ಬಿ ಸಮುದ್ರದಲ್ಲಿ ಬೆಂಕಿಗೆ ಆಹುತಿಯಾಗಿರುವ ಘಟನೆ ನಡೆದಿದೆ. ಲಾಹೋರಿನ ಕೇತಿ ಬಂದರ್ ಮೂಲದ ದೋಣಿ ಇದಾಗಿದ್ದು, ಮೀನುಗಾರಿಕಾ ಬೋಟ್ ನಲ್ಲಿ ನಾಲ್ವರು ಇದ್ದರು ಎಂದು ತಿಳಿದು ಬಂದಿದೆ.

ಪಾಕಿಸ್ತಾನಿ ಮೂಲದ ಉಗ್ರರು 26/11 ಮುಂಬೈ ದಾಳಿ ಮಾದರಿಯಲ್ಲೇ ವಿಧ್ವಂಸಕ ಕೃತ್ಯದ ಸಂಚನ್ನು ರೂಪಿಸಿದ್ದರು. ಹೊಸ ವರ್ಷಾಚರಣೆ ವೇಳೆ ಜಲಮಾರ್ಗದ ಮೂಲಕ ದೇಶದೊಳಗೆ ನುಗ್ಗಲು ಯತ್ನಿಸಿದ್ದರು. ಆದರೆ, ಉಗ್ರರ ಸಂಚನ್ನು ಭಾರತೀಯ ಜಲ ಸೇನೆ ಹಾಗೂ ಕರಾವಳಿ ಕಾವಲು ಪಡೆ ವಿಫಲಗೊಳಿಸಿದೆ. [ಸಾವಿನಲ್ಲೂ ಸಾರ್ಥಕತೆ ಮೆರೆದ ಹುತಾತ್ಮನ ಪತ್ನಿ]

Suspicious Pakistani boat set on fire, sinks off Gujarat coast

ಡಿಸೆಂಬರ್ 31ರಂದು ಪಾಕಿಸ್ತಾನದ ಬೋಟ್ ಗುಜರಾತಿನ ಪೋರಬಂದರ್ ಕರಾವಳಿಯಲ್ಲಿ ಪತ್ತೆಯಾಗಿತ್ತು. ಗುಪ್ತಚರ ಇಲಾಖೆ ಮಾಹಿತಿ ಪ್ರಕಾರ ಈ ಬೋಟಿನಲ್ಲಿ ನಾಲ್ವರು ಶಂಕಿತ ಉಗ್ರರಿರುವುದು ಪತ್ತೆಯಾಗಿದೆ. [ಮುಂಬೈ ದಾಳಿ ರುವಾರಿ ಹೆಡ್ಲಿಗೆ 35 ವರ್ಷ ಶಿಕ್ಷೆ]

ಕರಾವಳಿ ಕಾವಲು ಪಡೆ ಈ ಬೋಟನ್ನು ಚೇಸ್ ಮಾಡಿ ಸುತ್ತುವರೆದಿದ್ದಾರೆ. ವಿಚಾರಣೆ ನಡೆಸಲು ಮುಂದಾಗಿದ್ದಾರೆ. ಅದರೆ, ಕಾವಲು ಪಡೆಗೆ ಸೊಪ್ಪು ಹಾಕದೆ ಮುಂದೆ ಸಾಗಿದ ಬೋಟು ಕೆಲ ಸಮಯದ ನಂತರ ಬೆಂಕಿಗೆ ಆಹುತಿಯಾಗಿದೆ. ಬೋಟಿನಲ್ಲಿದ್ದ ನಾಲ್ವರು ಬೆಂಕಿ ಹಚ್ಚಿಕೊಂಡು ಸಾವನ್ನಪ್ಪಿದ್ದಾರೆ ಎಂದು ಕಾವಲು ಪಡೆ ಅಧಿಕಾರಿಗಳು ಹೇಳಿದ್ದಾರೆ. [ಓಂಬಳೆ ಸಾಹಸ ಸ್ಮರಣೀಯ]

ಪೋರಬಂದರ್ ನಿಂದ ನೈಋತ್ಯಕ್ಕೆ ಸುಮಾರು 365 ಕಿ.ಮೀ ದೂರದಲ್ಲಿ ಅರಬ್ಬಿ ಸಮುದ್ರದಲ್ಲಿ ಈ ಘಟನೆ ಜರುಗಿದೆ. ಜ.1 ರ ಮುಂಜಾನೆ ನಡೆದ ಈ ಘಟನೆ ವಿವರಗಳು ಈಗಷ್ಟೇ ಲಭ್ಯವಾಗಿದೆ. ಬೋಟ್ ಹಾಗೂ ಅದರಲ್ಲಿದ್ದ ನಾಲ್ವರ ವಿವರಗಳು ಇನ್ನೂ ಸ್ಪಷ್ಟವಾಗಿ ತಿಳಿದು ಬಂದಿಲ್ಲ. ಅದರೆ, 26/11 ಮಾದರಿಯಲ್ಲಿ ದಾಳಿ ನಡೆಸಲು ಈ ಮೀನುಗಾರಿಕಾ ಬೋಟ್ ಬಳಸಿಕೊಂಡು ಹಂಚು ಹಾಕಿದ್ದರು ಎಂದು ತಿಳಿದು ಬಂದಿದೆ.

ಬೋಟ್ ಟ್ರ್ಯಾಕ್ ಮಾಡಲಾಗಿತ್ತು: ಪಾಕಿಸ್ತಾನದ ಕರಾವಳಿಯನ್ನು ಈ ಶಂಕಿತ ಬೋಟ್ ಬಿಡುತ್ತಿದ್ದಂತೆ National Technical Research Organisation (NTRO) ತಂಡ ಟ್ರ್ಯಾಕ್ ಮಾಡತೊಡಗಿತ್ತು. ಡೊರ್ನಿಯರ್ ಏರ್ ಕ್ರಾಫ್ಟ್ ಬಳಸಿ ಬೋಟ್ ನ ಚಲನವಲನದ ಬಗ್ಗೆ ನಿಗಾವಹಿಸುವಂತೆ ಕರಾವಳಿ ಕಾವಲು ಪಡೆಗೆ ಮಾಹಿತಿ ನೀಡಿತ್ತು. ಅದರಂತೆ ಭಾರತದ ಗಡಿ ಪ್ರವೇಶಿಸಿದ ಮೇಲೆ ಬೋಟ್ ವಶಕ್ಕೆ ಪಡೆಯಲು ಕಾವಲು ಪಡೆ ಯತ್ನಿಸಿತ್ತು.

26/11ರಂದು ಪಾಕಿಸ್ತಾನದ ಬೋಟ್ ಮೂಲಕ ಮುಂಬೈ ಕರಾವಳಿಗೆ 10 ಜನ ಉಗ್ರರು ಬಂದಿಳಿದು ಸುಮಾರು 166 ಜನರನ್ನು ಬಲಿ ತೆಗೆದುಕೊಂಡಿದ್ದು ಈಗ ಇತಿಹಾಸ.

English summary
A boat, reportedly from Pakistan, has blown up off the Gujarat coast.The fishing vessel was deemed suspicious and then intercepted and chased by the Coast Guard for nearly an hour off the coast of Porbandar.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X