ನೇಪಾಳ ಭೂಕಂಪ :ಭೀಕರ, ಭಯಾನಕ ವಿಡಿಯೋಗಳು

By Mahesh

| Updated: Tuesday, April 28, 2015, 19:53 [IST]

ಕಠ್ಮಂಡು, ಏ.28: ನೇಪಾಳದಲ್ಲಿ ಸರಣಿಯಾಗಿ ಭೂಮಿ ಕಂಪಿಸಿ ಮೂಲಕ ಹುಲುಮಾನವನಿಗೆ ಸ್ಥಿರವಾಗಿ ನಿಲ್ಲದಂತೆ ಮಾಡಿದೆ. ಹಿಮಾಲಯದ ತಪ್ಪಲಿನಲ್ಲಿ ಸಂಭವಿಸಿದ ಈ ಮಹಾ ದುರಂತದಿಂದ ನೇಪಾಳವಷ್ಟೇ ಅಲ್ಲ ಭಾರತ ಉಪಖಂಡ ಕೂಡಾ ಬೆಚ್ಚಿದೆ.

ಭೂಕಂಪದ ನಂತರದ ಪರಿಣಾಮಗಳು ಇನ್ನೂ ನಿಂತಿಲ್ಲ, ಆತಂಕದ ವಾತಾವರಣ ಸೃಷ್ಟಿಸಿ ನಡುಕ ಹುಟ್ಟಿಸಿದ ಈ ವಿಕೋಪದ ಕೆಲ ವಿಡಿಯೋ ತುಣುಕುಗಳು ಇಲ್ಲಿವೆ

ಭೂಕಂಪನ ಅನುಭವ ಕೆಲ ಸೆಕೆಂಡುಗಳಿಂದ ಕೆಲ ನಿಮಿಷಗಳ ತನಕ ಇರಬಹುದು. ಅದರೆ, ನಂತರ ಧರೆಗೆ ಕುಸಿಯುವ ಮನೆ, ಕಟ್ಟಡ, ಐತಿಹಾಸಿಕ ಸ್ಮಾರಕಗಳು ಮನುಷ್ಯನ ನಂಬಿಕೆಯ ಸೌಧವನ್ನೇ ಅಲ್ಲಾಡಿಸಿ ಬಿಡುತ್ತದೆ. ಪ್ರಕೃತಿಯ ಆಟದ ಮುಂದೆ ಎಲ್ಲವೂ ಗೌಣ ಎಂಬ ಮಾತು ಈ ಸಂದರ್ಭದಲ್ಲಿ ಸ್ಮರಿಸಿಕೊಳ್ಳಬಹುದು. ನೇಪಾಳದ ವಿವಿಧೆಡೆ ಉಂಟಾದ ಕಂಪನದ ಅನುಭವದ ಕಥೆ ಹೇಳುವ ಸಿಸಿಟಿವಿ ದೃಶ್ಯಾವಳಿಗಳ ಸಂಗ್ರಹ ಇಲ್ಲಿದೆ...

ಸಾವಿನ ಸಂಖ್ಯೆ 10,000ಕ್ಕೆ ಏರಿಕೆ : ಪ್ರಧಾನಿ ಕೊಯಿರಾಲ

ನೇಪಾಳ ಭೂಕಂಪದಲ್ಲಿ ಸಾವನ್ನಪ್ಪಿರುವವರ ಸಂಖ್ಯೆ 10,000ಕ್ಕೆ ಏರಿಕೆಯಾಗುವ ಸಾಧ್ಯತೆಯಿದೆ ಎಂದು ನೇಪಾಳ ಪ್ರಧಾನಿ ಸುಶೀಲ್ ಕುಮಾರ್ ಕೊಯಿರಾಲ ಹೇಳಿದ್ದಾರೆ. 1934ರಲ್ಲಿ ಸಂಭವಿಸಿದ ಭೂಕಂಪದಲ್ಲಿ 8,500 ಮಂದಿ ಬಲಿಯಾಗಿದ್ದರು. ಈ ಬಾರಿ ಪ್ರಕೃತಿಯ ರುದ್ರನರ್ತನಕ್ಕೆ ಮಾನವ ತಲೆ ಬಾಗಿದ್ದಾನೆ.

50 ಭಯ ಹುಟ್ಟಿಸುವ ದೃಶ್ಯಗಳು

7.9 ರಿಕ್ಚರ್ ಮಾಪಕದಲ್ಲಿ ಪ್ರಮಾಣದ ಭೂಕಂಪನ ಏ.25ರಂದು ಸಂಭವಿಸಿದ ನಂತರ ನಿರಂತರವಾಗಿ ಕಂಪನಗಳು ಉಂಟಾಗುತ್ತಲೇ ಇವೆ., ಪೋಖರಾ, ಲುಜುಂಗ್ ಕೇಂದ್ರ ಬಿಂದುವಿನಿಂದ ನೂರಾರು ಕಿ.ಮೀ ದೂರದವರೆಗೂ ಇದರ ಪರಿಣಾಮ ಎದುರಿಸಬೇಕಾಗಿದೆ.