ಕಳೆದ ಹಣಕಾಸು ವರ್ಷದಲ್ಲಿ 560 ಕೋಟಿ ರು. ಕಪ್ಪು ಹಣ ವಶ
ಕಳೆದ ಹಣಕಾಸು ವರ್ಷದಲ್ಲಿ 560 ಕೋಟಿ ರು. ಕಪ್ಪು ಹಣ ವಶ. ಆದಾಯ ತೆರಿಗೆ ಇಲಾಖೆಯ ಗುಪ್ತಚರ ದಳದ ವರದಿಯಲ್ಲಿ ಉಲ್ಲೇಖ.
ನವದೆಹಲಿ, ಜುಲೈ 31: ಕಳೆದ ಹಣಕಾಸು ವರ್ಷದಲ್ಲಿ 562.36 ಕೋಟಿ ರು. ಕಪ್ಪು ಹಣವನ್ನು ಸಂಗ್ರಹಿಸಲಾಗಿದೆ ಎಂದು ಆದಾಯ ತೆರಿಗೆ ಇಲಾಖೆಯ ಹಣಕಾಸು ಗುಪ್ತಚರ ದಳ (ಎಫ್ಐಯು) ಹೇಳಿದೆ.
ಸರ್ಕಾರದ ಪ್ರಯತ್ನದಿಂದ ಸ್ವಿಸ್ ಬ್ಯಾಂಕ್ ಕಪ್ಪು ಹಣ ಇಳಿಕೆ: ಮೋದಿ
ಈ ಬಗ್ಗೆ ವಿವರಣೆಯನ್ನು ನೀಡಿರುವ ಎಫ್ಐಯು, 2014-15ರಲ್ಲಿ ವಿವಿಧ ಬ್ಯಾಂಕ್ ಖಾತೆಗಳಿಗೆ ಅನುಮಾನಾಸ್ಪದವಾಗಿ ಜಮೆಯಾಗುತ್ತಿದ್ದ ಹಣದ ಬಗ್ಗೆ ಸುಮಾರು 80 ಲಕ್ಷ ಪ್ರಕರಣಗಳು ದಾಖಲಾಗಿದ್ದವು. ಆದರೆ, 2015-16ರಲ್ಲಿ , ಈ ಪ್ರಕರಣಗಳ ಸಂಖ್ಯೆ 1.6 ಕೋಟಿ ಆಗಿತ್ತು ಎಂದು ಹೇಳಿದೆ.
ಕಳ್ಳ ಹಣದ ಪ್ರಕರಣಗಳು ಹೆಚ್ಚಾಗುತ್ತಿದ್ದಂತೆಯೇ, ಈ ಬಗ್ಗೆ ಕಣ್ಣಿಟ್ಟಿದ್ದ ಹಣಕಾಸು ಇಲಾಖೆಯು ಕಾಳಹಣ ದಂಧೆಕೋರರ ಮೇಲೆ ಸಮರ ಸಾರಿತ್ತು. ಇದರ ಪರಿಣಾಮವಾಗಿ, 560 ಕೋಟಿ ರು.ಗಳಷ್ಟು ಕಪ್ಪುಹಣವನ್ನು ಪತ್ತೆ ಹಚ್ಚಲು ಸಾಧ್ಯವಾಗಿದೆ ಎಂದು ದಳ ಹೇಳಿದೆ.
ಇಂಥ ಕಾಳಧನಕೋರರನ್ನು ಪತ್ತೆ ಹಚ್ಚಲು ತಂತ್ರಜ್ಞಾನ ನೆರವೂ ಅಪಾರವಾಗಿ ತಮಗೆ ಸಿಕ್ಕಿದೆ ಎಂದು ಎಫ್ಐಯು ಹೇಳಿದೆ. ಆದಾಯ ತೆರಿಗೆ ಇಲಾಖೆಯ ತನ್ನಲ್ಲಿ ಹಲವಾರು ರೀತಿಯ ತಂತ್ರಜ್ಞಾನವನ್ನು ಅಳವಡಿಸಿಕೊಂಡಿದ್ದರಿಂದಾಗಿಯೇ ಈ ಅಪಾರ ಮೊತ್ತದ ಕಳ್ಳಧನವನ್ನು ಪತ್ತೆ ಹಚ್ಚಲು ಸಾಧ್ಯವಾಯಿತು ಎಂದು ಎಫ್ಐಯು ತಿಳಿಸಿ