ಬಜೆಟ್ ದಾಖಲೆ ತಯಾರಿಗೆ ಮುನ್ನ ಹಲ್ವಾ ಸವಿದ ಜೇಟ್ಲಿ

ಬಜೆಟ್ ಗೂ ಮುನ್ನ ಹಲ್ವಾ ತಿನ್ನುವ ಪದ್ಧತಿ ಬಹಳ ಹಿಂದಿನಿಂದಲೂ ಇದೆ. ದೊಡ್ಡದೊಂದು ಕಡಾಯಿಯಲ್ಲಿ ಹಲ್ವಾ ತಯಾರಿಸಲಾಗುತ್ತದೆ. ಆ ನಂತರ ಸಚಿವಾಲಯದ ಎಲ್ಲ ಉದ್ಯೋಗಿಗಳಿಗೂ ವಿತರಿಸಲಾಗುತ್ತದೆ. ಜನರಿಗೆ ಈ ಬಾರಿ ಏನು ಸಿಗುತ್ತೋ ಏನೋ?

ನವದೆಹಲಿ, ಜನವರಿ 19: ವಿತ್ತ ಸಚಿವ ಅರುಣ್ ಜೇಟ್ಲಿ ಮತ್ತಿತರ ಅಧಿಕಾರಿಗಳು ಗುರುವಾರ ಹಲ್ವಾ ಸವಿದರು. ಅದರಲ್ಲೇನು ವಿಶೇಷ ಅಂತೀರಾ? ಇದೊಂದು ಪದ್ಧತಿ ತುಂಬ ಹಿಂದಿನಿಂದಲೂ ರೂಢಿಯಲ್ಲಿದೆ. 2017-18ರ ಕೇಂದ್ರ ಬಜೆಟ್ ನ ದಾಖಲೆಗಳ ಮುದ್ರಣ ಆರಂಭವಾಗುತ್ತಿದಂತೆಯೇ ಹೀಗೆ ಹಲ್ವಾ ಮಾಡಲಾಗುತ್ತದೆ.

"ಹೀಗೆ ಹಲ್ವಾ ಮಾಡಿ, ಸವಿದ ನಂತರ ಆರ್ಥಿಕ ಸಚಿವಾಲಯದ ನೂರಕ್ಕೂ ಹೆಚ್ಚು ಅಧಿಕಾರಿಗಳು ಬಜೆಟ್ ನ ಮುದ್ರಣಾಲಯದಲ್ಲೇ ಉಳಿದುಕೊಳ್ತಾರೆ. ಅದೂ ಎಲ್ಲಿವರೆಗೆ ಗೊತ್ತಾ? ವಿತ್ತ ಸಚಿವರು ಅವರ ಬಜೆಟ್ ಭಾಷಣವನ್ನು ಪೂರ್ತಿಗೊಳಿಸುವವರೆಗೆ" ಎಂದು ಸಚಿವಾಲಯವು ಟ್ವೀಟ್ ಮಾಡಿದೆ.

Union Finance Minister Shri @arunjaitley along with the senior officials of Ministry of Finance at the Halwa Ceremony in New Delhi today. pic.twitter.com/KA7Jpcil7F

— Ministry of Finance (@FinMinIndia) 19 January 2017

2017-18ರ ಕೇಂದ್ರ ಬಜೆಟ್ ನ ಮಾಹಿತಿ ಒಳಗೊಂಡ ದಾಖಲೆಗಳ ಮುದ್ರಣ ಆರಂಭವಾಗಿದೆ ಎಂದು ತಿಳಿಯುವುದು ಹೀಗೆ. ಈ ಪದ್ಧತಿ ಬಹಳ ಹಿಂದಿನಿಂದಲೂ ಇದೆ. ದೊಡ್ಡದೊಂದು ಕಡಾಯಿಯಲ್ಲಿ ಹಲ್ವಾ ತಯಾರಿಸಲಾಗುತ್ತದೆ. ಆ ನಂತರ ಸಚಿವಾಲಯದ ಎಲ್ಲ ಉದ್ಯೋಗಿಗಳಿಗೂ ವಿತರಿಸಲಾಗುತ್ತದೆ.[5 ರಾಜ್ಯಗಳ ಚುನಾವಣೆ, ಕೇಂದ್ರ ಬಜೆಟ್ ಮುಂದೆ ಹೋಗಬಹುದಾ?]

ಆರ್ಥಿಕ ಕಾರ್ಯದರ್ಶಿ ಅಶೋಕ್ ಲವಾಸ, ಕಂದಾಯ ಕಾರ್ಯದರ್ಶಿ ಹಸ್ಮುಖ್ ಅಧಿಯಾ, ಆರ್ಥಿಕ ವ್ಯವಹಾರಗಳ ಕಾರ್ಯದರ್ಶಿ ಶಕ್ತಿಕಾಂತ್ ದಾಸ್, ಮುಖ್ಯ ಆರ್ಥಿಕ ಸಲಹೆಗಾರ ಅರವಿಂದ್ ಸುಬ್ರಮಣಿಯನ್ ಮತ್ತಿತರ ಅಧಿಕಾರಿಗಳು, ಉದ್ಯೋಗಿಗಳು ಯಾರೆಲ್ಲ ಬಜೆಟ್ ತಯಾರಿಯಲ್ಲಿ ತೊಡಗುತ್ತಾರೋ ಎಲ್ಲರೂ ಇದರಲ್ಲಿ ಭಾಗವಹಿಸಿದ್ದರು.

ಈ ರೀತಿ ಹಲ್ವಾ ಮಾಡಿ ಹಂಚಿದ ನಂತರ ಬಜೆಟ್ ದಾಖಲೆ ಮುದ್ರಣದಲ್ಲಿ ತೊಡಗುವ ಅಧಿಕಾರಿಗಳು, ಸಹಾಯಕ ಉದ್ಯೋಗಿಗಳು ಸಚಿವಾಲಯದಲ್ಲೇ ಉಳಿದುಕೊಳ್ಳಬೇಕು. ಲೋಕಸಭೆಯಲ್ಲಿ ಬಜೆಟ್ ಮಂಡನೆ ಆಗುವವರೆಗೆ ಆವರ ಕುಟುಂಬದ ಜತೆಗೂ ಸಂಪರ್ಕ ಇರುವುದಿಲ್ಲ.

ಹತ್ತಿರದವರನ್ನು ಸಹ ಫೋನ್ ಅಥವಾ ಇ ಮೇಲ್ ಮೂಲಕ ಕೂಡ ಸಂಪರ್ಕಿಸದಂತೆ ಹೊರಗಿನ ಯಾವ ಸಂಪರ್ಕವೂ ಇರುವುದಿಲ್ಲ. ಕೆಲವೇ ಹಿರಿಯ ಅಧಿಕಾರಿಗಳಿಗೆ ಮಾತ್ರ ತಮ್ಮ ಮನೆಗೆ ಹೋಗಲು ಅನುಮತಿ ಇರುತ್ತದೆ.

English summary

Finance Minister Arun Jaitley and other officials on Thursday participated in the 'halwa ceremony', a ritual which marks the process of printing documents for the Budget for 2017-18.