ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಶಂಕಾಸ್ಪದ ಬ್ಯಾಗ್ ಪತ್ತೆ, ಪಠಾಣ್ಕೋಟ್ ನಲ್ಲಿ ಹೈಅಲರ್ಟ್

By ವಿಕಾಸ್ ನಂಜಪ್ಪ
|
Google Oneindia Kannada News

ಪಠಾಣ್ ಕೋಟ್ (ಪಂಜಾಬ್), ಮೇ 29 : ಸೈನಿಕರ ಸಮವಸ್ತ್ರವಿರುವ ಬ್ಯಾಗ್ ದೊರೆತಿರುವ ಹಿನ್ನೆಲೆಯಲ್ಲಿ ಪಠಾಣ್ ಕೋಟ್ ನಲ್ಲಿ ಸೋಮವಾರ ಹೈ ಅಲರ್ಟ್ ಘೋಷಿಸಲಾಗಿದೆ. ಕಳೆದ ರಾತ್ರಿ ಮಾಮುನ್ ಮಿಲಿಟರಿ ಸ್ಟೇಷನ್ ಬಳಿ ಈ ಬ್ಯಾಗ್ ದೊರೆತಿದೆ.

ಕೂಡಲೆ ಕಾರ್ಯತತ್ಪರರಾಗಿರುವ ಸೈನಿಕರು ಆ ಬ್ಯಾಗ್ ಯಾರಿಗೆ ಸೇರಿದ್ದು, ಅದರಲ್ಲಿ ಮತ್ತೇನಿದೆ ಎಂಬ ಬಗ್ಗೆ ತನಿಖೆ ನಡೆಸುತ್ತಿದ್ದಾರೆ. ಅಂತಹ ಆತಂಕಕಾರಿ ಘಟನೆ ಅಲ್ಲದಿದ್ದರೂ, ಸೈನಿಕರು ಯಾವುದೇ ಚಾನ್ಸ್ ತೆಗೆದುಕೊಳ್ಳಲು ಸಿದ್ಧರಿಲ್ಲ.

Pathankot on high alert after suspicious bag found

ಕಳೆದ ವರ್ಷ ಜನವರಿ 2ರಂದು ಪಠಾಣ್ ಕೋಟ್ ನಲ್ಲಿ ಭಾರತೀಯ ಸೈನಿಕರ ಮೇಲೆ ಉಗ್ರರು ದಾಳಿ ನಡೆಸಿದ ಸಂದರ್ಭದಲ್ಲಿ, ಉಗ್ರರು ಭಾರತದೊಳಗೆ ನುಸುಳಿ ಬಂದು ಭಾರತೀಯರ ಸೈನಿಕರ ಸಮವಸ್ತ್ರ ಧರಿಸಿ ದಾಳಿ ನಡೆಸಿದ್ದರು.

ಇಂಥದೇ ಘಟನೆಗಳು ಕಳೆದೆರಡು ತಿಂಗಳಲ್ಲಿ ಹಲವಾರು ಬಾರಿ ನಡೆದಿವೆ. ಹಿಂದೆಂದಿಗಿಂತಲೂ ಭಾರತದಲ್ಲಿ ನುಸುಳುವಿಕೆ ಹೆಚ್ಚಿದೆ ಎಂದು ಗುಪ್ತಚರ ಇಲಾಖೆ ಎಚ್ಚರಿಸಿದೆ. ಪಾಕಿಸ್ತಾನದಲ್ಲಿ ಬಂದಿರುವ ಈ ಉಗ್ರರು ಸೇನಾ ನೆಲೆಗಳ ಮೇಲೆ ಭಾರೀ ದಾಳಿ ನಡೆಸಬಹುದು ಎಂದೂ ಇಲಾಖೆ ಎಚ್ಚರಿಸಿದೆ.

2016ರ ಜನವರಿ 2ರಂದು ನಡೆದ ಘಟನೆ ಮತ್ತೆ ಮರುಕಳಿಸಬಾರದೆಂದು ಈ ಮುನ್ನೆಚ್ಚರಿಕೆಗಳನ್ನು ಸೇನೆ ತೆಗೆದುಕೊಂಡಿದೆ. ಅಂದು ನಡೆಸಲಾಗಿದ್ದ ಭೀಕರ ದಾಳಿಯಲ್ಲಿ ನಾಲ್ವರು ಉಗ್ರರು ಹತರಾಗಿದ್ದರು. ಆದರೆ, ಆ ದಾಳಿಯಲ್ಲಿ ಸೇನೆಯ ಏಳು ಸಿಬ್ಬಂದಿಗಳು ಕೂಡ ಹುತಾತ್ಮರಾಗಿದ್ದರು.

English summary
A high alert has been declared in Pathankot after a bag containing a uniform was found. The bag with the uniform was found near the Mamun military station last night.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X