ಜಾರ್ಖಂಡ್ : ನಕ್ಸಲರ ದುಷ್ಕೃತ್ಯ, ಗೂಡ್ಸ್ ರೈಲ್ವೆ ಸಿಗ್ನಲ್ ಧ್ವಂಸ
ಜಾರ್ಖಂಡ್, ಮೇ 26 : ದುಷ್ಕೃತ್ಯ ಮುಂದುವರಿಸಿರುವ ನಕ್ಸಲರು ಜಾರ್ಖಂಡ್ ನ ಬೋಕಾರೊದ ದುಮರಿ ಬಿಹಾರ ರೈಲುನಿಲ್ದಾಣದಲ್ಲಿ ಗೂಡ್ಸ್ ರೈಲಿನ ಸಿಗ್ನಲ್ ಮತ್ತು ಕಮ್ಯುನಿಕೇಶನ್ ಸಿಸ್ಟಮ್ ಗಳನ್ನು ಧ್ವಂಸಗೊಳಿಸಿದ್ದಾರೆ.
ಗುರುವಾರ ಮಧ್ಯರಾತ್ರಿ ವೇಳೆ ರೈಲಿನಲ್ಲಿನ ಸಿಗ್ನಲ್ ಮತ್ತು ಕಮ್ಯುನಿಕೇಶನ್ ಸಿಸ್ಟಮ್ ಗಳಿಗೆ ಬೆಂಕಿ ಹಚ್ಚಿ ಗೂಡ್ಸ್ ರೈಲಿನ ಸಂಪರ್ಕ ವ್ಯವಸ್ಥೆಗೆ ಹಾನಿ ಮಾಡಿದ್ದಾರೆ.[ಹಜರಿಬಾಗ್ ರೈಲ್ವೆ ನಿಲ್ದಾಣದಲ್ಲಿ ಅವಳಿ ಸ್ಫೋಟ, ಕೈ ಕಳೆದುಕೊಂಡ ಬಾಲಕ]
'ನಕ್ಸಲರು ರಾತ್ರಿ 11.30ಕ್ಕೆ ರೈಲಿನ ಎಂಜಿನ್ ಧ್ವಂಸಗೊಳಿಸಿ, ಸಂವಹನ ವ್ಯವಸ್ಥೆಯನ್ನು ಸುಟ್ಟುಹಾಕಿದ್ದಾರೆ' ಎಂದು ಪೊಲೀಸರು ಶುಕ್ರವಾರ ಮಾಹಿತಿ ನೀಡಿದ್ದಾರೆ.
Jharkhand: Naxals torched a signal set and communication system,and damaged engine of a goods train,at Dumri Bihar railway station in Bokaro pic.twitter.com/K3SXJW8CI8
— ANI (@ANI_news) May 26, 2017
ಜಾರ್ಖಂಡ್ ನಲ್ಲಿ ನಕ್ಸಲರು ಇಂತಹ ದುಷ್ಕೃತ್ಯಗಳನ್ನು ಎಸಗುತ್ತಿರುವುದು ಮೊದಲಲ್ಲ, ಇಂತಹ ಕೃತ್ಯಗಳು ಪದೇ-ಪದೇ ಇಲ್ಲಿ ನಡೆಯುತ್ತಲೇ ಇದ್ದು ಇವುಗಳಿಗೆ ಮಟ್ಟ ಹಾಕಬೇಕಿದೆ.