ಮುಂಬೈ-ಗೋವಾ ಸೇತುವೆ ಧ್ವಂಸ, ಸಹಾಯವಾಣಿ ಇಲ್ಲಿದೆ

Posted By:
Subscribe to Oneindia Kannada

ಮುಂಬೈ, ಆಗಸ್ಟ್ 03: ಮಹಾರಾಷ್ಟ್ರದ ಮಹಾಡ್ ಬಳಿಯಲ್ಲಿ ಸಾವಿತ್ರಿ ನದಿ ಆರ್ಭಟಿಸುತ್ತಿದೆ. ಮುಂಬೈ ಹಾಗೂ ಗೋವಾ ರಾಷ್ಟ್ರೀಯ ಹೆದ್ದಾರಿಯಲ್ಲಿರುವ ಸೇತುವೆ ಕೊಚ್ಚಿ ಹೋಗಿದೆ. ಮಂಗಳವಾರ ರಾತ್ರಿ ಸಂಭವಿಸಿದ ಈ ದುರ್ಘಟನೆಯಿಂದ 22 ಮಂದಿ ನಾಪತ್ತೆಯಾಗಿದ್ದಾರೆ.

ಬುಧವಾರ ಮುಂಜಾನೆ ಸೇತುವೆ ಸಂಪೂರ್ಣ ಕುಸಿದಿದ್ದು, ಸೇತುವೆ ಮೇಲೆ ಚಲಿಸುತ್ತಿದ್ದ 2 ಬಸ್ ನೀರು ಪಾಲಾಗಿರಬಹುದು ಎಂದು ಶಂಕೆ ವ್ಯಕ್ತಪಡಿಸಲಾಗಿದೆ ಎಂದು ರಾಯ್ ಘಡ್ ಜಿಲ್ಲಾಧಿಕಾರಿ ಶೀತಲ್ ಉಗಳೆ ಹೇಳಿದ್ದಾರೆ.

Mumbai-Goa highway bridge collapse: 2 buses with 22 people onboard missing

ಮಹಾರಾಷ್ಟ್ರದಲ್ಲಿ ಭಾರೀ ಮಳೆಯಾದ ಪರಿಣಾಮ ಮಹಾಬಲೇಶ್ವರದಲ್ಲಿರುವ ಸಾವಿತ್ರಿನದಿಯ ನೀರಿನ ಮಟ್ಟ ಅಧಿಕವಾಗಿದೆ. ಮುಂಬೈನ ಹೊರವಲಯದ ಮಹಾಡ್ ಬಳಿ ಸೇತುವೆ ಕುಸಿತ ಕಂಡಿದೆ.


ಸದ್ಯಕ್ಕೆ 2 ಬಸ್ ನೀರುಪಾಲಾಗಿರುವ ಮಾಹಿತಿ ಮಾತ್ರ ಸಿಕ್ಕಿದೆ. ಸಾವು ನೋವಿನ ಸಂಪೂರ್ಣ ಇನ್ನೂ ಸಿಕ್ಕಿಲ್ಲ. ಎರಡು ಬಸ್ ಗಳು ರತ್ನಗಿರಿಯಿಂದ ಹೊರಟಿದ್ದರ ಬಗ್ಗೆ ಮಾಹಿತಿ ಇದೆ.

ಘಟನಾ ಸ್ಥಳಕ್ಕೆ ರಾಷ್ಟ್ರೀಯ ವಿಪತ್ತು ನಿರ್ವಹಣಾ ದಳ(ಎನ್​ಡಿಆರ್​ಎಫ್) ತಂಡ ಆಗಮಿಸಿ ಕಾರ್ಯಾಚರಣೆ ಆರಂಭಿಸಿದೆ.

ಸೇತುವೆ ಕುಸಿತಕಂಡ ಸ್ಥಳದಲ್ಲಿ ಜನದಟ್ಟಣೆ ಹಾಗೂ ಟ್ರಾಫಿಕ್ ಸಮಸ್ಯೆ ಉಂಟಾಗಿದೆ.

ಪರ್ಯಾಯ ತಾತ್ಕಾಲಿಕ ಕಿರು ಸೇತುವೆ ವ್ಯವಸ್ಥೆ ಮಾಡಲಾಗಿದ್ದು, ಎಂದು ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದ ಅಧಿಕಾರಿಗಳು ತಿಳಿಸಿದ್ದಾರೆ.


ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Around 22 people and several vehicles feared to have been swept away after a bridge across the Savitri river near Mahad on Mumbai-Goa Highway collapsed on late Tuesday.
Please Wait while comments are loading...