ಸಿಬಿಐ ಜರಡಿಯಲ್ಲಿ ವಿಜಯ್ ಮಲ್ಯನ 1.5 ಲಕ್ಷ ಈಮೇಲ್
ವಿಜಯ್ ಮಲ್ಯ ವಿರುದ್ಧ ಚಾರ್ಚ್ ಶೀಟ್ ಸಲ್ಲಿಸಿರುವ ಸಿಬಿಐ ಈಗ ಮಲ್ಯಗೆ ಸೇರಿದ 1.5 ಲಕ್ಷ ಈ ಮೇಲ್ಗಳನ್ನು ಜಾಲಾಡಿಕೊಂಡು ಕುಳಿತಿದೆ. ಮಲ್ಯಗೆ ಸಹಾಯ ಮಾಡಿರಬಹುದಾದ ಭ್ರಷ್ಟ ಅಧಿಕಾರಿಗಳನ್ನು ಪತ್ತೆ ಹಚ್ಚುವಲ್ಲಿ ನಿರತವಾಗಿದೆ.
ಬೆಂಗಳೂರು, ಜನವರಿ 30: ಮದ್ಯದ ದೊರೆ ವಿಜಯ್ ಮಲ್ಯ ಮೇಲೆ ಚಾರ್ಚ್ ಸಲ್ಲಿಕೆ ಮಾಡಿರುವ ಸಿಬಿಐ ಈಗ ಮಲ್ಯರಿಗೆ ಸೇರಿದ 1.5 ಲಕ್ಷ ಈಮೇಲ್ ಗಳನ್ನು ಜಾಲಾಡುತ್ತಿದೆ. ಮೂಲಗಳ ಪ್ರಕಾರ ತನಿಖೆಗೆಯಲ್ಲಿ ಈ ಈಮೇಲ್ ಗಳನ್ನು ಪ್ರಮುಖ ಪಾತ್ರ ವಹಿಸಲಿದೆ ಎನ್ನಲಾಗಿದೆ.
ತನಿಖಾ ಸಂಸ್ಥೆ ದುರ್ಬೀನು ಹಾಕಿಕೊಂಡು ಈ ಮೇಲ್ ಗಳನ್ನು ಜಾಲಾಡುತ್ತಿದ್ದು 6900 ಕೋಟಿ ಸಾಲ ಕೊಡಲು ಯಾರಾದರೂ ಸಹಾಯ ಮಾಡಿದ್ದರಾ ಎಂದು ಹುಡುಕಾಡುತ್ತಿದೆ. ರಾಜಕಾರಣಿಗಳು, ಕಂಪೆನಿಯ ಸಿಬ್ಬಂದಿಗಳು ಮತ್ತು ಬ್ಯಾಂಕು ಅಧಿಕಾರಿಗಳಿಗೆ ಕಳುಹಿಸಲಾದ ಮೇಲ್ಗಳು ಇದರಲ್ಲಿವೆ. ಹೀಗಾಗಿ ಪ್ರಮುಖ ಸಾಕ್ಷಿಗಳು ಸಿಗಬಹುದು ಎಂದುಕೊಳ್ಳಲಾಗಿದೆ.[ಕರ್ನಾಟಕ ಹೈಕೋರ್ಟಿನಿಂದ ವಿಜಯ್ ಮಲ್ಯಗೆ ವಾರಂಟ್]
ಸಿಬಿಐ ಮೂಲಗಳ ಪ್ರಕಾರ, ಒಂದೊಮ್ಮೆ ಮಲ್ಯರಿಗೆ ಯಾರಾದರೂ ಸಹಾಯ ಮಾಡಿದ್ದು ಮೇಲ್ ಗಳಿಂದ ತಿಲಿದು ಬಂದರೆ ಸಿಬಿಐ ಹೆಚ್ಚುವರಿ ಚಾರ್ಜ್ ಶೀಟನ್ನು ಸಲ್ಲಿಸಲಿದೆ.[ಸಿಬಿಐನಿಂದ ಮಲ್ಯ ಸಂಸ್ಥೆಯ ನಾಲ್ವರು ಅಧಿಕಾರಿಗಳ ಬಂಧನ]
ಕಳೆದ ವಾರ ಸಿಬಿಐ ಮೊದಲ ಜಾರ್ಜ್ ಶೀಟ್ ಸಲ್ಲಿಸಿತ್ತು. ಇದರಲ್ಲಿ ಐಡಿಬಿಐ ಬ್ಯಾಂಕಿನಿಂದ ಮಲ್ಯರಿಗೆ ಸಾಲ ಮಂಜೂರು ಮಾಡಲು ಬ್ಯಾಂಕ್ ಅಧಿಕಾರಿಗಳೇ ಕೈಜೋಡಿಸಿದ್ದಾರೆ ಎಂದು ಹೇಳಲಾಗಿದೆ. ಏರ್ ಲೈನಿಗೆ ನೆಗೆಟಿವ್ ರೇಟಿಂಗ್ ಇದ್ದಾಗಲೂ ಸುಮಾರು 900 ಕೋಟಿ ಸಾಲವನ್ನು ಮಲ್ಯ ಐಡಿಬಿಐ ಬ್ಯಾಂಕಿನಿಂದ ಪಡೆದಿದ್ದು. ಇದಕ್ಕೆ ಬ್ಯಾಂಕ್ ಅಧಿಕಾರಿಗಳೇ ಕಾರಣ ಎನ್ನುವ ತೀರ್ಮಾನಕ್ಕೆ ಬಂದಿರುವ ಸಿಬಿಐ ಕೆಲವು ಬ್ಯಾಂಕ್ ಅಧಿಕಾರಿಗಳನ್ನೇ ಆರೋಪಿಗಳಾಗಿ ಹೆಸರಿಸಿದೆ. ಮಲ್ಯ 2006 ರಿಂದ 2009ರ ಮಧ್ಯದಲ್ಲಿ ಹೆಚ್ಚಿನ ಸಾಲಗಳನ್ನು ಪಡೆದುಕೊಂಡಿದ್ದರು.