ಕೋಟ್ಯಂತರ ರೈಲ್ವೆ ಪ್ರಯಾಣಿಕರಿಗೆ ನಿರಾಳದ ಸಂಗತಿ ಇಲ್ಲಿದೆ

Posted By:
Subscribe to Oneindia Kannada

ಮುಂಬೈ, ಮೇ 05: ಭಾರತೀಯ ರೈಲ್ವೆಯ ಟಿಕೆಟ್ ಬುಕ್ಕಿಂಗ್ ವೆಬ್ ತಾಣ (ಐಆರ್ ಸಿಟಿಸಿ) ಹ್ಯಾಕ್ ಆಗಿದೆ ಒಂದು ಕೋಟಿಗೂ ಅಧಿಕ ಮಂದಿ ಪ್ರಯಾಣಿಕರ ವೈಯಕ್ತಿಕ ವಿವರಗಳು ಸೋರಿಕೆಯಾಗಿದೆ ಎಂಬ ಸುದ್ದಿ ಗುರುವಾರ ಆತಂಕ ಉಂಟು ಮಾಡಿತ್ತು. ಆದರೆ, ಐಆರ್ ಸಿಟಿಸಿ ವಕ್ತಾರರು ಈ ಬಗ್ಗೆ ಸ್ಪಷ್ಟನೆ ನೀಡಿ 'ಯಾವುದೇ ರೀತಿಯಾಗಿಲ್ಲ, ಮಾಹಿತಿ ಕಳ್ಳತನ, ಸೋರಿಕೆ ಸುದ್ದಿ ಸುಳ್ಳು' ಎಂದು ಹೇಳಿದ್ದಾರೆ.

Indian Railway Catering and Tourism Corporation(IRCTC) ಭಾರತದ ಅತ್ಯಂತ ಜನಪ್ರಿಯ ಟಿಕೆಟ್ ಬುಕ್ಕಿಂಗ್ ತಾಣಗಳಲ್ಲಿ ಒಂದೆನಿಸಿದೆ.

IRCTC has not been hacked : PRO Sandip Dutta

ಈ ವೆಬ್ ತಾಣದ ಮೂಲಕ ಟಿಕೆಟ್ ಬುಕ್ ಮಾಡಲು ಪ್ರಯಾಣಿಕರು ತಮ್ಮ ವೈಯಕ್ತಿಕ ವಿವರಗಳನ್ನು ನೀಡಬೇಕಾಗುತ್ತದೆ. ಈ ವಿವರಗಳುಳ್ಳ ಪಿಎನ್ ಆರ್ ನಂಬರ್ ದುರ್ಬಳಕೆಯಾಗಿದೆ. ಎಲ್ಲಾ ಮಾಹಿತಿ ಕಳ್ಳರ ಪಾಲಾಗಿದೆ ಎಂಬ ಸುದ್ದಿ ಬಂದಿತ್ತು.

ಆದರೆ, ಇದೆಲ್ಲ ಸುಳ್ಳು, ಈ ಬಗ್ಗೆ ಉನ್ನತ ಮಟ್ಟದ ತನಿಖೆ ನಡೆಸಲಾಗುವುದು, ಮುಂಬೈ ಸೈಬರ್ ಪೊಲೀಸರಿಗೆ ಈಗಾಗಲೇ ಮಾಹಿತಿ ನೀಡಲಾಗಿದೆ ಎಂದು ಐಆರ್ ಸಿಟಿಸಿ ವಕ್ತಾರ ಸಂದೀಪ್ ದತ್ತಾ ಹೇಳಿದ್ದಾರೆ.

ಪ್ರಯಾಣಿಕರು ತಮ್ಮ ಟಿಕೆಟ್ ಬುಕ್ಕಿಂಗ್ ಗೂ ಮುನ್ನ ತಮ್ಮ ಇ ಮೇಲ್, ಮನೆ ವಿಳಾಸ, ಪ್ಯಾನ್ ಕಾರ್ಡ್, ಆಧಾರ್ ಕಾರ್ಡ್ ಡ್ರೈವಿಂಗ್ ಲೈಸನ್ಸ್, ಬ್ಯಾಂಕ್ ಖಾತೆ ನಂಬರ್ ಮುಂತಾದ ದಾಖಲೆ ಒದಗಿಸಿರುತ್ತಾರೆ. ಹೀಗಾಗಿ ಮಾಹಿತಿ ಸೋರಿಕೆಯಾಗಿದ್ದರೆ ಏನು ಗತಿ ಎಂಬ ಆತಂಕ ಉಂಟಾಗಿತ್ತು.

ಐಆರ್​ಸಿಟಿಸಿ ವೆಬ್​ಸೈಟ್ ಗೆ ಉನ್ನತ ಗುಣಮಟ್ಟದ ಸುರಕ್ಷತಾ ಭದ್ರತೆ ಒದಗಿಸಲಾಗಿದೆ. ಹ್ಯಾಕಿಂಗ್ ಬಗ್ಗೆ ಮುಂಬೈ ಸೈಬರ್ ಸೆಲ್​ಗುಪ್ತಚರ ವಿಭಾಗಕ್ಕೆ ಮಾಹಿತಿ ನೀಡಲಾಗಿದ್ದು, ತನಿಖೆ ಮುಂದುವರೆದಿದೆ.


ಆದರೆ, ಐಆರ್ ಸಿಟಿಸಿ ಹ್ಯಾಕ್ ಬಗ್ಗೆ ಟ್ವಿಟ್ಟರ್ ನಲ್ಲಿ ಆತಂಕಕ್ಕಿಂತ ಕಾಮಿಡಿ ಟ್ವೀಟ್ ಗಳೇ ಅಧಿಕವಾಗಿದೆ.
English summary
Indian Railway Catering and Tourism Corporation Limited, has denied mediareports that its data had been hacked. IRCTC PRO Sandip Dutta said: “There has been no hacking attempt on the site. A high-level committee has been formed to probe the matter.”
Please Wait while comments are loading...