ಮುಲಾಯಂ ಬಂಗ್ಲೆ ಮೇಲೆ ವಿದ್ಯುತ್ ಇಲಾಖೆ ದಾಳಿ

Subscribe to Oneindia Kannada

ಲಖ್ನೋ, ಏಪ್ರಿಲ್ 21: ಉತ್ತರ ಪ್ರದೇಶದ ಮಾಜಿ ಮುಖ್ಯಮಂತ್ರಿ ಮುಲಾಯಂ ಸಿಂಗ್ ಯಾದವ್ ಮನೆ ಮೇಲೆ ಉತ್ತರ ಪ್ರದೇಶದ ವಿದ್ಯುತ್ ಇಲಾಖೆ ಅಧಿಕಾರಿಗಳು ಗುರುವಾರ ರಾತ್ರಿ ಹಠಾತ್ ದಾಳಿ ನಡೆಸಿದ್ದಾರೆ.

ಮಿತಿಮೀರಿದ ವಿದ್ಯುತ್ ಉಪಯೋಗ ಹಾಗೂ ಲಕ್ಷಾನುಗಟ್ಟಲೆ ವಿದ್ಯುತ್ ಬಿಲ್ ಬಾಕಿ ಹಿನ್ನೆಲೆಯಲ್ಲಿ ಈ ದಾಳಿ ನಡೆದಿದೆ. ಈ ಬಂಗಲೆಯಿಂದ ಸುಮಾರು 4 ಲಕ್ಷ ರು. ವಿದ್ಯುತ್ ಬಿಲ್ ಬಾಕಿಯಿದೆ ಎಂದು ಇಲಾಖೆ ಹೇಳಿದೆ.

In Electricity 'Raid', Mulayam Singh's Home Is Busted

ಮುಲಾಯಂ ಅವರ ಕ್ಷೇತ್ರವಾದ ಇಟಾವಾ ನಗರದಲ್ಲಿ ಇರುವ ಅವರ ಬೃಹತ್ ಬಂಗ್ಲೆ ಆ ನಗರದಲ್ಲೇ ಅತಿ ದೊಡ್ಡ ಬಂಗಲೆ ಎಂಬ ಹೆಗ್ಗಳಿಕೆ ಪಡೆದಿದೆ. ಸುಮಾರು 12 ಕೊಠಡಿಗಳಿವೆ. ಈ ಬಂಗಲೆಯು ತನ್ನದೇ ಆದ ಏರ್ ಕಂಡೀಷನಿಂಗ್ ವ್ಯವಸ್ಥೆ ಹೊಂದಿದ್ದು, ಉಷ್ಣಾಂಶ ನಿಯಂತ್ರಣ ಸೌಲಭ್ಯವುಳ್ಳ ಈಜುಕೊಳ ಹೊಂದಿದೆ. ಅಲ್ಲದೆ, ಮನೆಯಲ್ಲಿ ಹತ್ತಾರು ಕಡೆ ಲಿಫ್ಟ್ ಗಳೂ ಇವೆ.

ದಾಖಲೆಗಳ ಪ್ರಕಾರ, ಈ ಮನೆಗೆ ಮಂಜೂರಾಗಿರುವುದು ದಿನಕ್ಕೆ 5 ಕಿಲೋ ವ್ಯಾಟ್. ಆದರೆ, ಇಲ್ಲಿ ಉಪಯೋಗವಾಗುತ್ತಿರುವುದು ದಿನಕ್ಕೆ ಸರಾಸರಿ 40 ಕಿಲೋ ವ್ಯಾಟ್.

ದಾಳಿಯ ವೇಳೆ ಇದನ್ನು ಗಮನಿಸಿದ ಅಧಿಕಾರಿಗಳು, ಈ ಮನೆಯ ಮೀಟರ್ ಅನ್ನು 40 ಕಿಲೋ ವ್ಯಾಟ್ ಗಳ ಪ್ರವಾಹಕ್ಕೆ ಅನುಗುಣವಾಗಿ ಪರಿವರ್ತಿಸಿದ್ದಾರಲ್ಲದೆ, ಈ ತಿಂಗಳ ಅಂತ್ಯದ ವೇಳೆಗೆ ಬಾಕಿಯಿರುವ ವಿದ್ಯುತ್ ಬಿಲ್ ಪಾವತಿಸಲು ಗಡುವು ನೀಡಿದ್ದಾರೆ. ಇಲ್ಲವಾದರೆ, ವಿದ್ಯುತ್ ಸಂಪರ್ಕ ಸ್ಥಗಿತಗೊಳಿಸಲಾಗುವುದು ಎಂದೂ ಎಚ್ಚರಿಕೆ ನೀಡಿದ್ದಾರೆಂದು ಮೂಲಗಳು ತಿಳಿಸಿವೆ.

English summary
The 'No VIP' emphasis of Yogi Adityanath's new government in Uttar Pradesh extended on Thursday to former Chief Minister Mulayam Singh Yadav - one of his homes failed a surprise inspection and was found to be guilty of using way more electricity than allowed.
Please Wait while comments are loading...