ದೆಹಲಿಯಲ್ಲಿ ಐಸ್ಐಎಸ್ ಉಗ್ರರು: ರಾಜಧಾನಿಯಲ್ಲಿ ಹೈ ಅಲರ್ಟ್
ಮಂಗಳವಾರ ರಾತ್ರಿ ನಡೆದಿದ್ದ ಲಕನೌ ಎನ್ ಕೌಂಟರ್ ನಲ್ಲಿ ಈ ಇಬ್ಬರೂ ಉಗ್ರರು ತಪ್ಪಿಸಿಕೊಂಡಿದ್ದು, ದೆಹಲಿ ಕಡೆಗೆ ಪ್ರಯಾಣ ಬೆಳೆಸಿರುವುದಾಗಿ ಮಾಹಿತಿ ನೀಡಿದ ಗುಪ್ತಚರ ಇಲಾಖೆ.
ನವದೆಹಲಿ, ಮಾರ್ಚ್9: ಇಸ್ಲಾಮಿಕ್ ಸ್ಟೇಟ್ (ಐಎಸ್ಐಎಸ್) ಉಗ್ರ ಸಂಘಟನೆಗೆ ಸೇರಿದ ಇಬ್ಬರು ಉಗ್ರರು ದೆಹಲಿಯಲ್ಲಿ ಅಡಗಿದ್ದಾರೆಂದು ಗುಪ್ತಚರ ವರದಿಗಳು ಬಂದಿರುವ ಹಿನ್ನೆಲೆಯಲ್ಲಿ ದೆಹಲಿಯಲ್ಲಿ ಹೈ ಅಲರ್ಟ್ ಘೋಷಿಸಲಾಗಿದೆ.
ಮಂಗಳವಾರ ರಾತ್ರಿ ನಡೆದಿದ್ದ ಲಕನೌ ಎನ್ ಕೌಂಟರ್ ನಲ್ಲಿ ಈ ಇಬ್ಬರೂ ಉಗ್ರರು ತಪ್ಪಿಸಿಕೊಂಡಿದ್ದು, ಈ ಇಬ್ಬರೂ ದೆಹಲಿಗೆ ಓಡಿಬಂದಿದ್ದಾರೆಂದು ಗುಪ್ತಚರ ಇಲಾಖೆ ತಿಳಿಸಿದೆ ಎಂದು ಮೂಲಗಳು ತಿಳಿಸಿವೆ.[ದೇಶದ್ರೋಹಿ ಮಗನ ಶವ ನಮಗೆ ಬೇಡ: ಉಗ್ರ ಸೈಫುಲ್ಲಾ ತಂದೆ]
ಇದಲ್ಲದೆ, ಓಡಿ ಬಂದಿರುವ ಉಗ್ರರು ದೆಹಲಿ ಮಾತ್ರವಲ್ಲದೆ, ಪವಿತ್ರ ಧಾರ್ಮಿಕ ಕ್ಷೇತ್ರಗಳಾದ ಸಾರಾನಾಥ್, ವಾರಣಾಸಿ, ಬಾರಾಬಂಕಿಯಲ್ಲಿನ ಪವಿತ್ರ ಸ್ಥಳಗಳ ಮೇಲೆ ದಾಳಿ ನಡೆಸುವ ಸಂಚನ್ನು ಹೊಂದಿದ್ದಾರೆಂದು ಇಲಾಖೆ ತಿಳಿಸಿದೆ.[ಸಾಯೋ ಮೊದಲು ಅಣ್ಣ ಹೇಳಿದಂತೆ ಕೇಳಿದ್ರೆ ಆ ಉಗ್ರ ಉಳಿಯುತ್ತಿದ್ದ!]
ಈ ಹಿನ್ನೆಲೆಯಲ್ಲಿ ರಾಜಧಾನಿಯೆಲ್ಲೆಡೆ ಕಟ್ಟೆಚ್ಚರ ವಹಿಸಲಾಗಿದ್ದು, ದೆಹಲಿಯ ಆಸುಪಾಸಿನ ನಗರಗಳಾದ ನೊಯ್ಡಾ, ಗಾಜಿಯಾಬಾದ್ ಹಾಗೂ ಗುರುಗ್ರಾಮಗಳಲ್ಲಿಯೂ ಹೈ ಅಲರ್ಟ್ ಘೋಷಿಸಲಾಗಿದೆ.