ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಬಿಹಾರದ ಸೀಟು ಹಂಚಿಕೆ ಲೆಕ್ಕಾಚಾರ, ಎಲ್ ಜೆಪಿ ಅಪಸ್ವರ

By ವಿಕಾಸ್ ನಂಜಪ್ಪ
|
Google Oneindia Kannada News

ಪಾಟ್ನಾ, ಸೆ. 15: ಬಿಹಾರ ವಿಧಾನಸಭೆ ಚುನಾವಣೆಯಲ್ಲೂ ಬಿಜೆಪಿ ಅಭಿವೃದ್ಧಿ ಮಂತ್ರ ಪಠಿಸುತ್ತಾ ಪ್ರಣಾಳಿಕೆಯಲ್ಲಿ ಬಿಹಾರ ಉಸ್ತುವಾರಿ ಅನಂತ್ ಕುಮಾರ್ ಹಾಗೂ ಬಿಜೆಪಿ ಅಧ್ಯಕ್ಷ ಅಮಿತ್ ಶಾ ಅವರು ತೊಡಗಿದ್ದಾರೆ. ಇತ್ತ ಸೀಟು ಹಂಚಿಕೆ ಪ್ರಕಟವಾದ ಮೇಲೆ ಬಿಜೆಪಿ ಒಲವು ಮಾಂಝಿ ಕಡೆಗೆ ಎಂಬುದು ಸ್ಪಷ್ಟವಾಗಿದೆ. ಎಲ್ ಜೆಪಿ ತನ್ನ ಅಪಸ್ವರದ ಗಾಯನ ಶುರು ಮಾಡಿದೆ.

ಬಿಹಾರದಲ್ಲಿ ಈ ಬಾರಿ ಕೇಸರಿ ಬಾವುಟ ಎಲ್ಲೆಡೆ ಹಾರಾಡಲಿದೆ ಎಂಬ ವಿಶ್ವಾಸದೊಂದಿಗೆ ಅಮಿತ್ ಶಾ ಅವರು ಮಿತ್ರ ಪಕ್ಷಗಳನ್ನು ವಿಶ್ವಾಸಕ್ಕೆ ತೆಗೆದುಕೊಂಡು ಸೀಟು ಹಂಚಿಕೆ ಮಾಡಿದ್ದಾರೆ. ಆದರೆ, ಎಚ್ ಎಎಂ-ಎಸ್ ಹಾಗೂ ಎಲ್ ಜೆಪಿಗಳಿಗೆ ಸೀಟು ಹಂಚಿಕೆ ಮಾಡಿರುವ ಶಾ ಲೆಕ್ಕಾಚಾರ ಸರಿ ಇಲ್ಲ ಎಂಬ ಕೂಗೆದ್ದಿದೆ. [ಬಿಹಾರ ಚುನಾವಣಾ ವೇಳಾಪಟ್ಟಿ]

ಜಿತೆನ್ ರಾಮ್ ಮಾಂಝಿ ಅವರ ಎಚ್ ಎ ಎಂ-ಎಸ್ ಪಕ್ಷಕ್ಕಿಂತ ಹೆಚ್ಚಿನ ಸ್ಥಾನಗಳನ್ನು ರಾಮ್ ವಿಲಾಸ್ ಪಾಸ್ವಾನ್ ಅವರ ಎಲ್ ಜೆಪಿ ನಿರೀಕ್ಷಿಸಿತ್ತು. ಪಾಸ್ವಾನ್ ಅವರು ತಮ್ಮ ಪುತ್ರ ಚಿರಾಗ್ ರನ್ನು ಮುಂದೆ ತರಲು ಬಿಹಾರ ಚುನಾವಣೆ ವೇದಿಕೆಯಾಗಿ ಬಳಸಿಕೊಳ್ಳಲು ಯತ್ನಿಸುತ್ತಿದ್ದು, ಸೂಕ್ತ ಅವಕಾಶ ಸಿಗದ ಕಾರಣ ಮುನಿಸಿಕೊಂಡಿದ್ದಾರೆ ಎನ್ನಲಾಗಿದೆ.

Manjhi matters for BJP, but LJP is unhappy

ಎಲ್ ಜೆ ಪಿ ಗೆ ಸಂತಸ: ಬಿಜೆಪಿ ಪ್ರಕಟಿಸಿದ ಸೀಟು ಹಂಚಿಕೆ ಪ್ರಕಾರ ಬಿಜೆಪಿ 160ಕ್ಷೇತ್ರಗಳಲ್ಲಿ ಸ್ಪರ್ಧಿಸಲಿದೆ. ಎಲ್ ಜೆಪಿ 40, ಆರ್ ಎಸ್ ಎಲ್ ಪಿ 23 ಸೀಟು ಪಡೆದುಕೊಂಡಿವೆ. [ಸಮರಕ್ಕೂ ಮುನ್ನವೇ ಹಿಂದೆಸರಿದ ಮೈತ್ರಿ ಕೂಟದ ಕಿಂಗ್]

ಮಾಂಝಿ ಮುಂದಿಟ್ಟುಕೊಂಡು ದಲಿತರ ಮತಗಳನ್ನು ಸೆಳೆಯುವುದು ಬಿಜೆಪಿ ಉದ್ದೇಶ, ಬಿಹಾರದಲ್ಲಿ ನಿತೀಶ್ ಕುಮಾರ್ ಅವರಿಗೆ ಸವಾಲು ಹಾಕಬಲ್ಲ ನಾಯಕರಾಗಿ ಮಾಂಝಿ ಅವರನ್ನು ಬಿಜೆಪಿ ಬಳಸಿಕೊಳ್ಳುತ್ತಿದೆ. ಇತ್ತೀಚೆಗೆ ನಿತೀಶ್ ಹಾಗೂ ಮಾಂಝಿ ನಡುವಿನ ವಾಕ್ಸಮರದ ಲಾಭ ಯಾರಿಗೆ ಸಿಗಲಿದೆ ಮುಂದೆ ಗೊತ್ತಾಗುತ್ತದೆ.

Manjhi matters for BJP, but LJP is unhappy

ಬಿಜೆಪಿ ಮೈತ್ರಿಯಲ್ಲಿ ಕಲಹವಿಲ್ಲ: ಎನ್ ಡಿಎ ಮೈತ್ರಿಕೂಟದಲ್ಲಿ ಯಾವುದೇ ಕಲಹ, ಭಿನ್ನಮತವಿಲ್ಲ, ಸೀಟು ಹಂಚಿಕೆಗೂ ಮುನ್ನ ಸಾಕಷ್ಟು ಚರ್ಚೆ ನಡೆಸಿ ತೀರ್ಮಾನ ಕೈಗೊಳ್ಳಲಾಗಿದೆ. ಯಾವುದೇ ರೀತಿ ಅಸಮಾಧಾನವಿದ್ದರೂ ಸಾರ್ವಜನಿಕವಾಗಿ ಹೇಳಿಕೆ ನೀಡದಂತೆ ಮಿತ್ರ ಪಕ್ಷಗಳಿಗೆ ಸೂಚಿಸಲಾಗಿದೆ ಎಂದು ಬಿಜೆಪಿ ಹಿರಿಯ ನಾಯಕರೊಬ್ಬರು ಒನ್ ಇಂಡಿಯಾಕ್ಕೆ ತಿಳಿಸಿದ್ದಾರೆ.

243 ಸದಸ್ಯ ಬಲದ ಬಿಹಾರ ವಿಧಾನಸಭೆಯ ಅಧಿಕಾರಾವಧಿ ನವೆಂಬರ್ 29ಕ್ಕೆ ಮುಕ್ತಾಯವಾಗಲಿದ್ದು, ಅದಕ್ಕೆ ಮುನ್ನ ಹೊಸ ಸರ್ಕಾರ ಅಸ್ತಿತ್ವಕ್ಕೆ ಬರಲಿದೆ. ಸೆ.15ರ ಮಂಗಳವಾರ ಚುನಾವಣಾ ಅಧಿಸೂಚನೆ ಹೊರಬೀಳಲಿದ್ದು, ಒಟ್ಟು 5 ಹಂತಗಳಲ್ಲಿ ಚುನಾವಣೆ ನಡೆಯಲಿದೆ. ನವೆಂಬರ್ 8ರಂದು ಚುನಾವಣಾ ಫಲಿತಾಂಶ ಪ್ರಕಟಗೊಳ್ಳಲಿದೆ.

English summary
The BJP may have to do some more firefighting to sort out the differences between its allies in Bihar, the HAM-S and LJP. After BJP's National President, Amit Shah announced the seat sharing formula for the Bihar elections there were smiling faces.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X