ಯುನೆಸ್ಕೋ ಪಾರಂಪರಿಕ ನಗರವಾದ ಅಹಮದಾಬಾದ್!
ಅಹಮದಾಬಾದ್, ಜುಲೈ 09: ಗುಜರಾತ್ ರಾಜಧಾನಿ ಐತಿಹಾಸಿಕ ನಗರಿ ಅಹಮದಾಬಾದ್ ಈಗ ವಿಶ್ವ ಪಾರಂಪರಿಕ ನಗರಗಳ ಪಟ್ಟಿಗೆ ಸೇರ್ಪಡೆಗೊಂಡಿದೆ ಹಾಗೂ ಈ ಮಾನ್ಯತೆ ಪಡೆದ ಭಾರತದ ಮೊದಲ ನಗರ ಎಂಬ ಕೀರ್ತಿಗೆ ಭಾಜನವಾಗಿದೆ.
ಯುನೆಸ್ಕೋದ ಪಾರಂಪಾರಿಕ ತಾಣಗಳ ಸಮಿತಿ ಕಾಂಬೋಡಿಯಾ, ಚೀನಾ ಮತ್ತು ಭಾರತದಲ್ಲಿನ ತಾಣಗಳನ್ನು ವಿಶ್ವ ಪಾರಂಪಾರಿಕ ತಾಣಗಳ ಪಟ್ಟಿಗೆ ಸೇರಿಸಿದೆ.
2010ರಲ್ಲಿ ನರೇಂದ್ರ ಮೋದಿ ಅವರು ಗುಜರಾತಿನ ಮುಖ್ಯಮಂತ್ರಿಯಾಗಿದ್ದಾಗ, ಅಹಮದಾಬಾದ್ ನಗರವನ್ನು ವಿಶ್ವ ಪಾರಂಪರಿಕ ನಗರಗಳ ಪಟ್ಟಿಗೆ ಸೇರ್ಪಡೆಗೊಳಿಸಲು ಪ್ರಸ್ತಾವನೆ ಕಳುಹಿಸಿದ್ದರು.
Just inscribed as @UNESCO #WorldHeritage Site: Historic City of Ahmadabad #India https://t.co/ztbb8RIMiZ #41whc pic.twitter.com/iRIMoQfAtK
— UNESCO (@UNESCO) July 8, 2017
ಪೋಲೆಂಡಿನ ಕಾರ್ಲೋದಲ್ಲಿ ನಡೆದ ಯುನೆಸ್ಕೋದ ವಿಶ್ವ ಪಾರಂಪರಿಕ ಸಮಿತಿ ಸಭೆಯಲ್ಲಿ ಸುದೀರ್ಘ ಸಭೆ ಮತ್ತು ಚರ್ಚೆಗಳ ಬಳಿಕ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ.
A matter of immense joy for India! https://t.co/qtCOxm8Kga
— Narendra Modi (@narendramodi) July 9, 2017
ಸಬರಮತಿ ನದಿಯ ಪೂರ್ವ ದಂಡೆಯ ಮೇಲಿರುವ ಅಹಮದಾಬಾದ್ ನಗರವನ್ನು 15ನೇ ಶತಮಾನದಲ್ಲಿ ಸುಲ್ತಾನ್ ಅಹ್ಮದ್ ಷಾ ಸ್ಥಾಪಿಸಿದ. ಶ್ರೀಮಂತ ವಾಸ್ತುಶಿಲ್ಪ ಪರಂಪರೆ ಹಾಗೂ ಸಾಂಪ್ರದಾಯಿಕ ಮನೆ, ಬೀದಿ, ಸಾರ್ವಜನಿಕ ಬಾವಿ ಮುಂತಾದವು ಸುಲ್ತಾನರ ಆಡಳಿತ ಅವಧಿಯಲ್ಲಿ ನಿರ್ಮಾಣಗೊಂಡಿದ್ದು ವಿಶೇಷ.