ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಮೋದಿ ನಡೆಗೆ ಜೈ ಅಂದಿದ್ದಾರೆ ದೇಶದ ಶೇ 82ರಷ್ಟು ಜನ

|
Google Oneindia Kannada News

ಬೆಂಗಳೂರು, ನವೆಂಬರ್ 15: ಸರಕಾರ ಪೇಚಿಗೆ ಸಿಲುಕಿಸಿತು ಅನ್ನೋ ಬೇಸರವೇ ಮಾಧ್ಯಮಗಳಲ್ಲಿ ಕಾಣಿಸ್ತಿದೆ. ಇದು ಯಾವುದರ ಬಗ್ಗೆ ಅಂತ ಖಂಡಿತಾ ನಿಮಗೆ ಗೊತ್ತಾಗಿರತ್ತೆ. ಹೌದು, ಇದು 500, 1000 ನೋಟು ರದ್ದು ಬಗ್ಗೆಯೇ. ಆದರೆ ಸಮೀಕ್ಷೆಯೊಂದರ ಪ್ರಕಾರ ಶೇ 82ರಷ್ಟು ಭಾರತೀಯರು ಸರಕಾರದ ನಿರ್ಧಾರದ ಪರವಾಗಿದ್ದಾರಂತೆ.

ಈ ಸಮೀಕ್ಷೆಯ ಪ್ರಕಾರ ಕಪ್ಪುಹಣವನ್ನು ನಿಯಂತ್ರಿಸಬೇಕು ಎಂಬ ವಿಚಾರದಲ್ಲಿ ಸರಕಾರ ಗಂಭೀರವಾಗಿದೆ ಎಂದು ಶೇ 84 ಮಂದಿಗೆ ಅನ್ನಿಸಿದೆ. ಆದರೆ ಎಟಿಎಂನಲ್ಲಿ ಹಣ ವಿಥ್ ಡ್ರಾ ಮಾಡುವುದಕ್ಕೆ ವಿಧಿಸಿರುವ ಮಿತಿಯ ಬಗ್ಗೆ ಅಸಮಾಧಾನವಿದೆ. ಈ ಸಮೀಕ್ಷೆ ಕೈಗೊಂಡವರು ಇನ್ ಶಾರ್ಟ್ಸ್ ನ್ಯೂಸ್ ಅಪ್ಲಿಕೇಷನ್ ಹಾಗೂ ಜಾಗತಿಕ ಮಟ್ಟದ ಮಾರುಕಟ್ಟೆ ಹಾಗೂ ಅಭಿಪ್ರಾಯ ಸಂಶೋಧನಾ ತಜ್ಞರ 'ಐಪಿಎಸ್ ಒಎಸ್'.[ಗಾಂಧಿನಗರದಲ್ಲಿ ಮೋದಿ ತಾಯಿಯಿಂದ ನೋಟು ಎಕ್ಸ್ ಚೇಂಜ್]

82% Indians favour demonetisation: Survey

ದೇಶದ ಜನರ ನಾಡಿ ಮಿಡಿತ ತಿಳಿಯುವಂಥ ಈ ಸಮೀಕ್ಷೆಯನ್ನು ಪ್ರಧಾನಿ ನೋಟು ರದ್ದು ನಿರ್ಧಾರ ಘೋಷಿಸಿದ ನಂತರ ನವೆಂಬರ್ 8, 9ರಂದು ಮಾಡಲಾಗಿದೆ. ಈ ಸಮೀಕ್ಷೆಯಲ್ಲಿ ಐದು ಲಕ್ಷ ಮಂದಿ ಪಾಲ್ಗೊಂಡಿದ್ದರು. ಆ ಪೈಕಿ 2,70,000ದಷ್ಟು ಮಂದಿ ಅಪ್ಲಿಕೇಷನ್ ಬಳಕೆದಾರರು.

'ಈ ಸಮೀಕ್ಷೆಯಲ್ಲಿ ತುಂಬ ಸ್ಪಷ್ಟವಾಗಿ ಗೊತ್ತಾಗುತ್ತೆ: ಬಹುತೇಕರು ನೋಟು ರದ್ದು ನಿರ್ಧಾರಕ್ಕೆ ಜೈ ಅಂದಿದ್ದಾರೆ. ಕಪ್ಪು ಹಣಕ್ಕೆ ತಡೆಯೊಡ್ಡಬೇಕು, ತೆರಿಗೆ ಕದಿಯೋರನ್ನು ಬಲಿ ಹಾಕಬೇಕು ಎಂಬ ಸರಕಾರದ ಈ ತಂತ್ರಗಾರಿಕೆ ನಡೆಗೆ ಯುವ ಸಮುದಾಯ ಹಾಗೂ ನಗರ ಪ್ರದೇಶಗಳಲ್ಲಿ ಭಾರೀ ಉತ್ತಮ ಸ್ಪಂದನೆ ಇದೆ' ಎಂದು ಐಪಿಎಸ್ ಒಎಸ್'ನ ಭಾರತದ ಸಿಇಒ ಅಮಿತ್ ಅದರ್ಕರ್ ಹೇಳಿದ್ದಾರೆ.[ಎಟಿಎಂಗಳಲ್ಲಿ ಶೀಘ್ರ ರೂ.50 ರೂ.20ರೂ. ನೋಟುಗಳು]

ಈ ಸಮೀಕ್ಷೆಯಲ್ಲಿ ಭಾಗವಹಿಸಿದ್ದವರ ಪೈಕಿ ಶೇ 80ರಷ್ಟು 35 ವರ್ಷಕ್ಕಿಂತ ಕಡಿಮೆ ವಯಸ್ಸಿನವರು. ನವದೆಹಲಿ, ಮುಂಬೈ, ಬೆಂಗಳೂರು, ಚೆನ್ನೈ, ಕೋಲ್ಕತ್ತಾ, ಪುಣೆ, ಹೈದರಾಬಾದ್, ಅಹಮದಾಬಾದ್, ಚಂಡೀಗಢ ಮತ್ತು ಲಖನೌದವರು.

English summary
As many as 82 per cent Indians favour the government's decision to demonetise Rs 500 and Rs 1,000 denomination currency notes, a survey has said.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X