ಪಾಕ್ ನ 7 ಸೈನಿಕರ ಸಾವು ಅಂದಿದೆ ಬಿಎಸ್ ಎಫ್, ಇಲ್ಲ ಅಂತಿದೆ ಪಾಕ್
ನವದೆಹಲಿ, ಅಕ್ಟೋಬರ್ 22: ಕದನ ವಿರಾಮವನ್ನು ಪದೇಪದೇ ಉಲ್ಲಂಘಿಸುತ್ತಿದ್ದ ಪಾಕ್ ಗೆ ತಕ್ಕ ಪ್ರತ್ಯುತ್ತರವನ್ನು ನೀಡಿದೆ. ಈ ವೇಳೆ ಪಾಕಿಸ್ತಾನದ ಕನಿಷ್ಠ ಏಳು ಯೋಧರು ಹಾಗೂ ಒಬ್ಬ ಉಗ್ರ ಸಾವನ್ನಪ್ಪಿದ್ದಾನೆ. ಜಮ್ಮು-ಕಾಶ್ಮೀರದ ಕಥುವಾ ಜಿಲ್ಲೆಯ ಅಂತರರಾಷ್ಟ್ರೀಯ ಗಡಿ ಹೀರಾ ವಲಯದಲ್ಲಿ ಮೂರು ದಿನದಿಂದ ಪಾಕ್ ಗುಂಡಿನ ದಾಳಿ ನಡೆಸುತ್ತಿತ್ತು.
ಈ ಅಪ್ರಚೋದಿತ ದಾಳಿಗೆ ತಕ್ಕ ಪ್ರತ್ಯುತ್ತರ ನೀಡುವಂತೆ ದೊರೆತ ಸೂಚನೆ ಹಿನ್ನೆಲೆಯಲ್ಲಿ ಭಾರತೀಯ ಸೇನೆ ಎದುರೇಟು ನೀಡಿದೆ. ಶುಕ್ರವಾರ ಬೆಳಗ್ಗೆ ಪಾಕ್ ಸೇನೆಯ ದಾಳಿಯಲ್ಲಿ ಬಿಎಸ್ ಎಫ್ ಯೋಧ ಗುರುನಾಮ್ ಸಿಂಗ್ ಎಂಬುವರು ಗಾಯಗೊಂಡಿದ್ದರು. ಆ ನಂತರ ಭಾರತೀಯ ಸೇನೆಯಿಂದ ಪ್ರತಿ ದಾಳಿ ಆರಂಭವಾಯಿತು.['ಪಾಕ್ ಸೇನಾ ನೆರವು ನೀಡಿದರೆ ಉಪಖಂಡದ ನಕ್ಷೆಯೇ ಬದಲು']
ಇದರಿಂದ ಪಾಕ್ ಸೇನೆಯ ಹಲವು ಗಡಿ ಠಾಣೆಗಳನ್ನು ಧ್ವಂಸವಾಗಿವೆ. ಜತೆಗೆ ಉಗ್ರರ ತಾತ್ಕಾಲಿಕ ಶಿಬಿರಗಳು ನೆಲಕಚ್ಚಿವೆ. ಜತೆಗೆ ಪಾಕ್ ನ ಏಳು ಸೈನಿಕರು ಮೃತಪಟ್ಟು, ಹಲವರು ಗಾಯಗೊಂಡಿದ್ದಾರೆ. ಆ ನಂತರ ಪಾಕ್ ಕಡೆಯಿಂದ ದಾಳಿ ಪ್ರಮಾಣ ಕಡಿಮೆಯಾಗಿದೆ ಎಂದು ಬಿಎಸ್ ಎಫ್ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.[ಸೇನೆಯ ಭಾರೀ ಕಾರ್ಯಾಚರಣೆ: 44 ಶಂಕಿತ ಲಷ್ಕರ್ ಉಗ್ರರ ಬಂಧನ]
Indian claim of hitting or killing any Pakistani soldier/Ranger with firing at anytime of today at LOC/ working bdry absolutely false-2/2
— Gen Asim Bajwa (@AsimBajwaISPR) October 21, 2016
ಭಾರತ ಹೇಳಿಕೊಂಡಿರುವಂತೆ ಶುಕ್ರವಾರ ಯಾವುದೇ ಸಾವು-ನೋವು ಸಂಭವಿಸಿಲ್ಲ ಎಂದು ಪಾಕ್ ಸೇನೆ ಪತ್ರಿಕಾ ಹೇಳಿಕೆಯನ್ನು ಬಿಡುಗಡೆ ಮಾಡಿದೆ. ಬಿಎಸ್ ಎಫ್ ಹೇಳಿಕೊಂಡಿರುವುದು ಬರೀ ಸುಳ್ಳು ಎಂದು ಹೇಳಿಕೆಯಲ್ಲಿ ತಿಳಿಸಲಾಗಿದೆ.