ಎರಡು ರೀತಿಯ 500 ರು. ನೋಟು ಬಿಡುಗಡೆ: ಕಾಂಗ್ರೆಸ್ ಆರೋಪ

Posted By:
Subscribe to Oneindia Kannada

ನವದೆಹಲಿ, ಆಗಸ್ಟ್ 8: ಅಪನಗದೀಕರಣದ ನಂತರ, ದೇಶದಲ್ಲಿ ಎರಡು ಮಾದರಿಯ 500 ರು. ನೋಟುಗಳನ್ನು ಬಿಡುಗಡೆ ಮಾಡುವ ಮೂಲಕ ಕೇಂದ್ರ ಸರ್ಕಾರದ ಭಾರೀ ದೊಡ್ಡ ಹಗರಣವನ್ನು ಮಾಡಿದೆ ಎಂದು ಕೇಂದ್ರದ ಮಾಜಿ ಸಚಿವ ಹಾಗೂ ಕಾಂಗ್ರೆಸ್ ನಾಯಕ ಕಪಿಲ್ ಸಿಬಲ್ ಆರೋಪಿಸಿದರು.

ಕಾಂಗ್ರೆಸ್ ಈಗ ಅಸ್ತಿತ್ವದ ಪ್ರಶ್ನೆ ಎದುರಿಸುತ್ತಿದೆ: ಜೈರಾಂ ರಮೇಶ್

ಮಂಗಳವಾರ ನಡೆದ ರಾಜ್ಯಸಭೆಯ ಕಲಾಪದ ವೇಳೆ, ಈ ವಿಚಾರ ಪ್ರಸ್ತಾಪಿಸಿದ ಕಪಿಲ್ ಸಿಬಲ್, ''ಅಪನಗದೀಕರಣದ ವೇಳೆ, ಎರಡು ರೀತಿಯ ನೋಟುಗಳನ್ನು ಮುದ್ರಣ ಮಾಡಲಾಗಿದೆ. ಈ ಎರಡು ಬಗೆಯ ನೋಟುಗಳು ನೋಡಲು ಒಂದೇ ಥರ ಇದ್ದರೂ, ಅಳತೆಯಲ್ಲಿ ವ್ಯತ್ಯಾಸವಿದೆ. '' ಎಂದರು. ಇದು ಈ ಶತಮಾನದ ಅತಿ ದೊಡ್ಡ ಹಗರಣ ಎಂದು ಅವರು ಆರೋಪಿಸಿದರು.

2 Types Of Rs. 500 Notes? Congress Alleges 'Biggest Scam Of Century'

ಇದಕ್ಕೆ ದನಿಗೂಡಿಸಿದ ಕಾಂಗ್ರೆಸ್ ನ ಹಿರಿಯ ನಾಯಕ, ಗುಲಾಂ ನಬಿ ಆಜಾದ್, ''ಇದರಲ್ಲಿ ಒಂದು ಬಗೆಯ ನೋಟುಗಳನ್ನು ಜನ ಬಳಕೆಗೆ ನೀಡಿದ್ದರೆ, ಮತ್ತೊಂದು ಬಗೆಯ ನೋಟುಗಳನ್ನು ಬಿಜೆಪಿ ಖಜಾನೆಗೆ ಸೇರಿಸಲಾಗಿದೆ. ಹೀಗಾಗಿಯೇ, ಬಿಜೆಪಿಗೆ ಅತಿ ಹೆಚ್ಚು ಡೊನೇಷನ್ ಬಂದಿರುವ ದಾಖಲೆಗಳಿವೆ'' ಎಂದು ಆರೋಪಿಸಿದರು.

ದೀಪಾವಳಿ ವೇಳೆಗೆ 200 ರು. ನೋಟು ಮಾರುಕಟ್ಟೆಗೆ ಲಗ್ಗೆ

ಆದರೆ, ಇದಕ್ಕೆ ಉತ್ತರಿಸಿದ ಅರುಣ್ ಜೇಟ್ಲಿ ಅವರು, ''ಇವೆಲ್ಲವೂ ಬೇಜವಾಬ್ದಾರಿ ಹೇಳಿಕೆಗಳು'' ಎಂದು ಟೀಕಿಸಿದರು. ಇದರಿಂದ ಕಾಂಗ್ರೆಸ್ ಹಾಗೂ ಬಿಜೆಪಿ ಸದಸ್ಯರ ನಡುವೆ ವಾಕ್ಸಮರ ಏರ್ಪಟ್ಟಿತು. ಕಾಂಗ್ರೆಸ್ ನ ಸತತ ವಾಗ್ವಾದದ ನಡುವೆಯೂ ಕೇಂದ್ರ ಸರ್ಕಾರ ಆರೋಪಗಳನ್ನು ತಳ್ಳಿಹಾಕಿತು.

SBI ATM Dispenses Rs. 500 Notes Without Serial Numbers | Oneindia Kannada

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
The opposition's allegation of two types of Rs. 500 notes printed by the Reserve Bank of India (RBI) provoked a huge row in parliament today and also forced an adjournment in the Rajya Sabha.
Please Wait while comments are loading...