ತಮಿಳುನಾಡಿನಲ್ಲಿ ಪೆಪ್ಸಿ, ಕೋಕಾಕೋಲಾಗೆ ನಿಷೇಧ

ತಮಿಳುನಾಡಿನಲ್ಲಿ ಪೆಪ್ಸಿ ಹಾಗೂ ಕೋಕಾ ಕೋಲಾಗೆ ಕೊಕ್ ನೀಡುವ ಕಾಲ ಬಂದಿದೆ. ಈ ಎರಡು ತಂಪು ಪಾನೀಯ ಹಾಗೂ ಅದರ ಉತ್ಪನ್ನಗಳಿಗೆ ಇಲ್ಲಿನ ವರ್ತಕರ ಸಂಘ ನಿಷೇಧ ಹೇರಿದೆ.

ಚೆನ್ನೈ, ಮಾರ್ಚ್ 01: ತಮಿಳುನಾಡಿನಲ್ಲಿ ಪೆಪ್ಸಿ ಹಾಗೂ ಕೋಕಾ ಕೋಲಾಗೆ ಕೊಕ್ ನೀಡುವ ಕಾಲ ಬಂದಿದೆ. ಈ ಎರಡು ತಂಪು ಪಾನೀಯ ಹಾಗೂ ಅದರ ಉತ್ಪನ್ನಗಳಿಗೆ ಇಲ್ಲಿನ ವರ್ತಕರ ಸಂಘ ನಿಷೇಧ ಹೇರಿದೆ. ಆದರೆ, ಸೂಪರ್ ಮಾರ್ಕೆಟ್ ಗಳಿಂದ ಈ ನಿಷೇಧಕ್ಕೆ ಬೆಂಬಲ ವ್ಯಕ್ತವಾಗಿಲ್ಲ.

ಬಹುರಾಷ್ಟ್ರೀಯ ಕಂಪನಿಗಳ ವಿರುದ್ಧ ಸಣ್ಣ ವರ್ತಕರ ಸಂಘ ಈ ನಿರ್ಣಯ ಕೈಗೊಂಡಿದೆ. ಜಲ್ಲಿಕಟ್ಟು ನಿಷೇಧ ತೆರವಿಗಾಗಿ ಆಗ್ರಹಿಸಿ ಮರೀನಾ ಬೀಚಿನಲ್ಲಿ ನಡೆದ ಬೃಹತ್ ಪ್ರತಿಭಟನೆ ವೇಳೆಯಲ್ಲೇ ದೇಶಿ ಉತ್ಪನ್ನಗಳಿಗೆ ಮಾನ್ಯತೆ ನೀಡಲು ಮುಂದಾಗಬೇಕು ಎಂಬ ನಿರ್ಣಯ ಕೈಗೊಳ್ಳಲಾಯಿತು ಇದರ ಮೊದಲ ಹೆಜ್ಜೆಯಾಗಿ ಮಾರ್ಚ್ 1 ರಿಂದ ಸರಿ ಸುಮಾರು 20 ಲಕ್ಷಕ್ಕೂ ಅಧಿಕ ವರ್ತಕರು ಪೆಪ್ಸಿ, ಕೋಕಾ ಕೋಲಾ ಮಾರಾಟ ನಿಷೇಧಕ್ಕೆ ಬೆಂಬಲ ವ್ಯಕ್ತಪಡಿಸಿದ್ದಾರೆ.

ಈ ತಂಪು ಪಾನೀಯಗಳು ಪರಿಸರ ವಿರೋಧಿ, ಆರೋಗ್ಯಕ್ಕೆ ಮಾರಕ, ಲಾಭ ಎಲ್ಲಾ ಪರದೇಶಕ್ಕೆ ಹೋಗುತ್ತದೆ ಎಂದು ಅಂಗಡಿ ಮಾಲೀಕರ ಒಕ್ಕೂಟ ನಿರ್ಣಯ ತೆಗೆದುಕೊಂಡಿದೆ. ಪೆಪ್ಸಿ, ಕೋಕಾ ಕೋಲಾಕ್ಕೆ ಬದಲಾಗಿ ಸ್ಥಳೀಯ ಬ್ರ್ಯಾಂಡ್ ಗಳಾದ ಟೊರಿನೋ, ಬೊವೊಂಟೋಗೆ ಮಣೆ ಹಾಕಲಾಗಿದೆ.

ರೈತರಿಗೆ ಸಿಗಬೇಕಾಗಿರುವ ನೀರನ್ನು ಈ ಕಂಪನಿಯ ಬಾಟ್ಲಿಂಗ್ ಘಟಕಗಳಿಗೆ ನೀಡುತ್ತಿರುವುದನ್ನು ಖಂಡಿಸಿ ಪ್ರತಿಭಟನೆ ನಡೆಸಲಾಗಿದೆ. ಈಗ ರೈತರು ಹಾಗೂ ಸ್ಥಳೀಯ ಉತ್ಪನ್ನಗಳ ಪರ ಇಲ್ಲಿನ ಅಂಗಡಿ ಮಾಲೀಕರು ನಿಂತಿದ್ದಾರೆ. ಇಂಥ ದಿನ ಕರ್ನಾಟಕದಲ್ಲಿ ಎಂದು ಬರುವುದೋ?.

English summary

Prominent traders' association in Tamil Nadu have declared a ban on multinational drink brands like coca-cola and Pepsi starting Wednesday. The associations want to go 'desi' by boycotting Coke and Pepsi and choosing to sell desi products instead