ಪ್ಯಾನ್ ಕಾರ್ಡ್ ಇಲ್ಲದೆ ಹಣ ಜಮಾ ಮಾಡಿದವರಿಗೆ ಕಷ್ಟಕಾಲ!

By:
Subscribe to Oneindia Kannada

ನವದೆಹಲಿ, ಡಿಸೆಂಬರ್ 16: ಬ್ಯಾಂಕ್ ಖಾತೆಯಿಂದ ಹಣ ವಿಥ್ ಡ್ರಾ ಮಾಡುವ ಗ್ರಾಹಕರ ಮೇಲೆ ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ (ಆರ್ ಬಿಐ) ಕೆಲ ನಿರ್ಬಂಧಗಳನ್ನು ಹೇರಿದೆ.

500 ರೂ. ಹಾಗೂ 1000 ರೂ. ನೋಟು ನಿಷೇಧದ ಬಳಿಕ (ನವೆಂಬರ್ 9ರ ನಂತರ) ಪ್ಯಾನ್ ಕಾರ್ಡ್ ಇಲ್ಲದೆ, ಬ್ಯಾಂಕ್ ಖಾತೆಗೆ 2 ಲಕ್ಷ ರುಗೂ ಅಧಿಕ ಮೊತ್ತ ಜಮೆ ಮಾಡಿದವರಿಗೆ ನಿರ್ಬಂಧ ಅನ್ವಯವಾಗಲಿದೆ.

* ನವೆಂಬರ್ 9ರ ನಂತರ 2 ಲಕ್ಷ ರೂ. ಗಿಂತಲೂ ಹೆಚ್ಚಿನ ಹಣವನ್ನು ಬ್ಯಾಂಕ್ ಖಾತೆಗಳಿಗೆ ಡೆಪಾಸಿಟ್ ಮಾಡಿದವರ ಬ್ಯಾಂಕ್ ಖಾತೆಯಲ್ಲಿ 5 ಲಕ್ಷ ರೂ. ಗಿಂತಲೂ ಹೆಚ್ಚಿನ ಹಣ ಇದ್ದಲ್ಲಿ, ಅಂಥ ಖಾತೆದಾರರು ಸುಲಭವಾಗಿ ವಿಥ್ ಡ್ರಾ ಮಾಡಲಾಗುವುದಿಲ್ಲ.

RBI Imposes Restrictions on Withdrawal From Certain Bank Accounts

* ಇಂಥ ಖಾತೆದಾರರು ಪ್ಯಾನ್ ನಂಬರ್ ಅಥವಾ ಫಾರ್ಮ್ 60 (ಪ್ಯಾನ್ ನಂಬರ್ ಇಲ್ಲದಿರುವವರಿಗೆ) ಯನ್ನು ನೀಡಿದರೆ ಮಾತ್ರ ಹಣ ವಿಥ್ ಡ್ರಾ ಮಾಡಬಹುದು. ಇಲ್ಲದಿದ್ದಲ್ಲಿ ಹಣ ವರ್ಗಾವಣೆ ಅಥವಾ ವಿಥ್ ಡ್ರಾ ಸಾಧ್ಯವಿಲ್ಲ.

* ಒಂದೊಮ್ಮೆ ಸಣ್ಣ ಖಾತೆಗಳಲ್ಲಿ ವಾರ್ಷಿಕ ಠೇವಣಿ ಮಿತಿ 1 ಲಕ್ಷ ರೂ. ದಾಟಿದರೂ ಮಾಸಿಕ ಹಿಂಪಡೆತ ಮಿತಿ 10,000 ರೂ. ಇರಬೇಕು.

* ಕೆವೈಸಿ (know your customer) ಚೆಕ್ ಮಾಡುವುದು ಕಡ್ಡಾಯಗೊಳಿಸಲಾಗಿದೆ.

* ಮೇಲ್ಕಂಡ ನಿಯಮಗಳನ್ನು ಪಾಲಿಸದ ಖಾತೆಗಳಿಂದ ಹಣ ವಿಥ್ ಡ್ರಾ, ಜಮೆ ಅಥವಾ ಯಾವುದೇ ವ್ಯವಹಾರ ಸಾಧ್ಯವಿಲ್ಲ.

ನೋಟು ನಿಷೇಧದ ನಂತರ ಕೆಲ ಖಾತೆಗಳಿಗೆ ಲೆಕ್ಕವಿಲ್ಲದಂತೆ ಹಣ ಜಮೆಯಾಗುತ್ತಿರುವುದು, ಜನ್ ಧನ್ ಖಾತೆ ದುರುಪಯೋಗ ತಡೆಗಟ್ಟಲು ಆರ್ ಬಿಐ ಈ ಎಲ್ಲಾ ಕ್ರಮಗಳನ್ನು ಕೈಗೊಂಡಿದೆ.

English summary
Tightening the noose around people who misused banking channels to park unaccounted money, the Reserve Bank today imposed certain restrictions on withdrawal if more than Rs 2 lakh has been deposited after November 9 in an account which has a balance of over Rs 5 lakh.
Please Wait while comments are loading...