ಜನವರಿಯಿಂದ ಒಂದು ಗಂಟೆಯ ವಿಮಾನ ಪ್ರಯಾಣಕ್ಕೆ 2,500 ರು.

By: ಒನ್ ಇಂಡಿಯಾ ಪ್ರತಿನಿಧಿ
Subscribe to Oneindia Kannada

ನವದೆಹಲಿ, ಅಕ್ಟೋಬರ್ 22: ಮುಂದಿನ ಜನವರಿಯಿಂದ ವಿಮಾನಯಾನ ಎಲ್ಲರಿಗೂ ಸಲೀಸಾಗುವ ಲಕ್ಷಣಗಳು ಗೋಚರಿಸುತ್ತಿವೆ. ಕೇಂದ್ರ ಸರಕಾರ ಹೊಸ ಯೋಜನೆಯೊಂದನ್ನು ಪರಿಚಯಿಸಲು ನಿರ್ಧರಿಸಿದೆ. ಅದರ ಪ್ರಕಾರ ಒಂದು ಗಂಟೆ ಅವಧಿಯಲ್ಲಿ ಪೂರ್ಣವಾಗುವ ವಿಮಾನ ಪ್ರಯಾಣಕ್ಕೆ 2,500 ನಿಗದಿ ಮಾಡಿ, ದೇಶದ ಸಣ್ಣ-ಪುಟ್ಟ ನಗರಗಳಿಗೂ ಸಂಪರ್ಕ ಕಲ್ಪಿಸಲು ಯೋಜನೆ ರೂಪಿಸಲಾಗಿದೆ.

ಈ ಯೋಜನೆಗೆ 'ಉಡಾನ್' ಎಂದು ಹೆಸರು ನೀಡಲಾಗಿದೆ. ದೇಶದ ಮುಖ್ಯ ಮಾರ್ಗಗಳಲ್ಲಿ ಸಂಚರಿಸುವ ವಿಮಾನ ಪ್ರಯಾಣಿಕರಿಗೆ ಕಡಿಮೆ ಪ್ರಮಾಣದ ತೆರಿಗೆ ಹಾಕುವುದಕ್ಕೆ ನಿರ್ಧರಿಸಲಾಗಿದೆ. ಉಡಾನ್ ಯೋಜನೆಯಲ್ಲಿ ಮೊದಲಿಗೆ ಬಳಕೆಯಾಗದ ಹಾಗೂ ಅತಿ ಕಡಿಮೆ ಬಳಕೆ ಆಗುತ್ತಿರುವ ವಿಮಾನ ನಿಲ್ದಾಣಗಳನ್ನು ಗುರುತಿಸಲಾಗುತ್ತದೆ.[ಎಫ್ ಡಿಐ ಹೂಡಿಕೆ : ಕೇಂದ್ರ ಸರ್ಕಾರದ ದಿಟ್ಟ ನಿರ್ಧಾರ]

Airplane

ಆ ನಂತರ ಸಣ್ಣ ನಗರಗಳ ಮಧ್ಯ ಒಂಬತ್ತರಿಂದ ನಲವತ್ತು ಸೀಟಿನ ಸಾಮರ್ಥ್ಯವಿರುವ ಪುಟ್ಟ ವಿಮಾನಗಳು ಹಾರಾಡಲಿವೆ. ಆ ಸೀಟುಗಳ ಸಂಖ್ಯೆ ಪೈಕಿ ಅರ್ಧದಷ್ಟರ ಬೆಲೆ 2,500 ಆಗಲಿದ್ದು, ಉಳಿದವರು ನಿಗದಿತ ದರವನ್ನೇ ಕೊಡಬೇಕಾಗುತ್ತದೆ. ಹೆಲಿಕಾಪ್ಟರ್ ಸೇವೆಗಳೂ ಈ ಯೋಜನೆಯಲ್ಲಿ ಬರುತ್ತವೆ.[ವಿಮಾನಯಾನಿಗಳಿಗೆ 10 ದಿನಗಳಲ್ಲಿ ಶುಭ ಸುದ್ದಿ ಸಿಗಲಿದೆ]

ಪ್ರಯಾಣದ ದೂರ ಹೆಚ್ಚಾದಂತೆ ಬೆಲೆಯಲ್ಲೂ ಹೆಚ್ಚಳವಾಗುತ್ತದೆ. ಉಡಾನ್ ಯೋಜನೆಯಲ್ಲಿ ಮೊದಲ ವಿಮಾನವು ಮುಂದಿನ ವರ್ಷದ ಜನವರಿಯಲ್ಲಿ ಹಾರಾಟ ಆರಂಭಿಸಲಿದೆ. ಇಂಥ ಯೋಜನೆಯು ಜಗತ್ತಿನಲ್ಲೇ ಮೊದಲ ಬಾರಿ ಜಾರಿಗೆ ಬರಲಿದೆ ಎಂದು ನಾಗರಿಕ ವಿಮಾನಯಾನ ಸಚಿವ ಅಶೋಕ್ ಗಜಪತಿರಾಜು ಅವರು ಹೇಳಿದ್ದಾರೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Air fare will be cheaper from January 2017. A new scheme called 'Udaan' will be introduced by central government. Under the scheme air fare will be reduced.
Please Wait while comments are loading...