ಜೀಯೋಗೆ ಸಡ್ಡು ಹೊಡೆಯಲು ಹೊರಟಿದೆ ಬಿಎಸ್ಎನ್ಎಲ್, ಇಲ್ಲಿದೆ ಪ್ಲಾನ್
ಸರಕಾರಿ ಪ್ರಾಯೋಜಿತ ಬಿಎಸ್ಎನ್ಎಲ್ ಕೂಡಾ ಡೇಟಾ ಸಮರಕ್ಕೆ ದಾಗುಂಡಿ ಇಟ್ಟಿದೆ. ದಿನಕ್ಕೆ 2 ಜಿಬಿ ಡೇಟಾ ನೀಡುವುದಾಗಿ ಹೇಳಿರುವ ಬಿಎಸ್ಎನ್ಎಲ್, ರಿಲಾಯನ್ಸ್ ಜಿಯೋಗೆ ಸಡ್ಡು ಹೊಡೆಯಲು ಮುಂದಾಗಿದೆ.
ಬೆಂಗಳೂರು, ಮಾರ್ಚ್ 16: ಸರಕಾರಿ ಪ್ರಾಯೋಜಿತ ಬಿಎಸ್ಎನ್ಎಲ್ ಕೂಡಾ ಡೇಟಾ ಸಮರಕ್ಕೆ ದಾಗುಂಡಿ ಇಟ್ಟಿದೆ. ದಿನಕ್ಕೆ 2 ಜಿಬಿ ಡೇಟಾ ನೀಡುವುದಾಗಿ ಹೇಳಿರುವ ಬಿಎಸ್ಎನ್ಎಲ್, ರಿಲಾಯನ್ಸ್ ಜಿಯೋಗೆ ಸಡ್ಡು ಹೊಡೆಯಲು ಮುಂದಾಗಿದೆ.
ಈ ಹಿಂದೆ 339ರ ಪ್ಲಾನಿಗೆ ಬಿಎಸ್ಎನ್ಎಲ್ ಅನಿಯಮಿತ ಕರೆ ಮತ್ತು ಕೇವಲ 300 ಎಂಬಿಗಳ ಡೇಟಾ ನೀಡುವುದಾಗ ಹೇಳಿತ್ತು. ನಂತರ ಅದೇ ಹಳೇ ಪ್ಲಾನನ್ನು ಮತ್ತೆ ಪರಿಷ್ಕರಣೆ ಮಾಡಿ ಯಾವುದೇ ನೆಟ್ವರ್ಕ್ ಗೆ ಅನಿಯಮಿತ ಕರೆಗಳು ಮತ್ತು 28 ದಿನಗಳ ಕಾಲ ದಿನಕ್ಕೆ 1 ಜಿಬಿ ಡೇಟಾ ನೀಡುವುದಾಗಿ ಹೇಳಿತ್ತು.[ಮತ್ತೆ ಮುಂದುವರಿಯುತ್ತೆ ರಿಲಾಯನ್ಸ್ ಜಿಯೋ ಉಚಿತ ಕೊಡುಗೆ!]
ಇದೀಗ ಮತ್ತೂ ಒಂದು ಹೆಜ್ಜೆ ಮುಂದಕ್ಕೆ ಹೋಗಿ ಇದೇ ಪ್ಲಾನಿಗೆ ದಿನಕ್ಕೆ 2 ಜಿಬಿ ಡೇಟಾ ನೀಡಲಿದೆ ಎಂದು ವರದಿಗಳು ಹೇಳುತ್ತಿವೆ. ಈ ಮೂಲಕ ರಿಲಯನ್ಸ್ ಗಿಂತಲು ಹೆಚ್ಚು ಡೇಟಾ ನೀಡುವುದಾಗಿ ಬಿಎಸ್ಎನ್ಎಲ್ ಹೇಳಿದ್ದು ಪ್ರತಿಸ್ಪರ್ಧಿಗೆ ಸಡ್ಡು ಹೊಡೆಯಲು ಹೊರಟಿದೆ.
ಆದರೆ ಒಂದು ಕಂಡೀಷನ್ ; ಬಿಎಸ್ಎನ್ಎಲ್ ನಿಂದ ಬಿಎಸ್ಎನ್ಎಲ್ ಕರೆಗಳು ಸಂಪೂರ್ಣ ಉಚಿತವಾಗಿರುತ್ತವೆ. ಆದರೆ ಬೇರೆ ನೆಟ್ವರ್ಕಿಗೆ ದಿನಕ್ಕೆ 25 ನಿಮಿಷಗಳ ಉಚಿತ ಕರೆಗಳು ಮಾತ್ರ ಇರುತ್ತವೆ. 25 ನಿಮಿಷಗಳ ನಂತರ ಪ್ರತಿನಿಮಿಷಕ್ಕೆ 25 ಪೈಸೆ ಕರೆ ದರವಿರಲಿದೆ.[ಗೂಗಲ್ ಜತೆಗೆ ಕೈ ಜೋಡಿಸಲಿದೆ ರಿಲಯನ್ಸ್ ಜಿಯೊ]
ಮಾರ್ಚ್ 31ರ ಮೊದಲು ರೀಚಾರ್ಚ್ ಮಾಡಿದರೆ ಮುಂದಿನ ಒಂದು ವರ್ಷ ದಿನಕ್ಕೆ 1 ಜಿಬಿ ಡೇಟಾ ಹಾಗೂ ಅನಿಯಮಿತ ಕರೆ ಸೌಲಭ್ಯ ನೀಡುವುದಾಗಿ ಬಿಎಸ್ಎನ್ಎಲ್ ಹೇಳಿದೆ. ರಿಲಾಯನ್ಸ್ ಜೀಯೋ ಪ್ರೈಮ್ ಸದಸ್ಯತ್ವಕ್ಕೆ ಸ್ಪರ್ಧೆ ಒಡ್ಡಲು ಈ ಆಫರನ್ನು ಸರಕಾರಿ ಸ್ವಾಮ್ಯದ ಕಂಪನಿ ಬಿಡುಗಡೆ ಮಾಡಿದೆ.
ಈಗಾಗಲೇ ಏರ್ಟೆಲ್ ಮತ್ತು ವೊಡಾಫೋನ್ ಕಂಪೆನಿಗಳೂ ಜಿಯೋಗೆ ಸ್ಪರ್ಧೆ ಒಡ್ಡಲು ದಿನಕ್ಕೆ 1 ಜಿಬಿ ಡೇಟಾ ನಿಡುವ ಪ್ಲಾನುಗಳನ್ನು ಬಿಡುಗಡೆ ಮಾಡಿವೆ. ಈ ಮೂಲಕ ಎಲ್ಲಾ ಕಂಪೆನಿಗಳು ಒಟ್ಟಾಗಿ ಜಿಯೋವನ್ನು ಎದುರಿಸಲು ಸಜ್ಜಾಗಿವೆ.