ಅಂತಾರಾಷ್ಟೀಯ ಯೋಗ ದಿನಾಚರಣೆಗೂ ಮುನ್ನ ಗಿನ್ನೆಸ್ ವಿಶ್ವ ದಾಖಲೆ
ಬೆಂಗಳೂರು, ಜೂನ್ 18: ಅಂತಾರಾಷ್ಟೀಯ ಯೋಗ ದಿನಾಚರಣೆ (ಜೂನ್ 21) ಗೂ ಮುನ್ನ ಕರ್ನಾಟಕದ ಯೋಗಪಟುಗಳು ಗಿನ್ನೆಸ್ ವಿಶ್ವ ದಾಖಲೆ ನಿರ್ಮಿಸಿದ್ದಾರೆ. ಜೂನ್ 18ರಂದು 3000 ಯೋಗಿಗಳು 30 ಸೆಕೆಂಡುಗಳ ಕಾಲ ಶೀರ್ಷಾಸನಕ್ಕೆ ವಿಧಾನಸೌಧ ಮುಂಭಾಗ ವೇದಿಕೆಯಾಗಿತ್ತು.
ಆಯುಷ್ ಇಲಾಖೆ, ಸ್ವಾಮಿ ವಿವೇಕಾನಂದ ಯೋಗ ವಿಶ್ವವಿದ್ಯಾಲಯ, ಆರ್ಟ್ ಆಫ್ ಲಿವಿಂಗ್, ಪತಂಜಲಿ, ಯೋಗ ಗಂಗೋತ್ರಿ, ವಿಜಯವಾಣಿ ಸಹಯೋಗದಲ್ಲಿ ಕಾರ್ಯಕ್ರಮ ಆಯೋಜಿಸಲಾಗಿತ್ತು.
ವಿಧಾನಸೌಧದ
ಮುಂಭಾಗ
ಬೆಳಗ್ಗೆ
6.30
ರಿಂದ
8.30ರ
ಅವಧಿಯಲ್ಲಿ
ಕಾರ್ಯಕ್ರಮಕ್ಕೆ
ರಾಜ್ಯಪಾಲ
ವಜುಭಾಯಿ
ವಾಲ
ಅವರು
ಚಾಲನೆ
ನೀಡಿದರು.
Thousands of volunteers gather at Vidhan soudha to perform 30 seconds Sheershasna for guiness book of world records and also donate organs pic.twitter.com/Ki9ogWwRvn
— SHALINI RAJNEESH (@shalinirajnish) June 18, 2017
ಇದಕ್ಕೂ ಮುನ್ನ ರಾಜಭವನದಿಂದ ವಿಧಾನಸೌಧದ ತನಕ 'ಯೋಗ ನಡಿಗೆ' ಹಮ್ಮಿಕೊಳ್ಳಲಾಗಿತ್ತು.ಈ ಕಾರ್ಯಕ್ರಮದಲ್ಲಿ ಮಾಜಿ ಮುಖ್ಯಮಂತ್ರಿ, ಹಾಲಿ ಕೇಂದ್ರ ಸಚಿವ ಡಿವಿ ಸದಾನಂದ ಗೌಡ, ವಿಧಾನ ಪರಿಷತ್ ಸಭಾಪತಿ ಡಿ.ಎಚ್ ಶಂಕರಮೂರ್ತಿ, ಆರೋಗ್ಯ ಸಚಿವ ರಮೇಶ್ ಕುಮಾರ್, ಇಲಾಖೆ ಕಾರ್ಯದರ್ಶಿ ಶಾಲಿನಿ ರಜನೀಸ್ ಮುಂತಾದವರು ಪಾಲ್ಗೊಂಡಿದ್ದರು.
ಕಳೆದ ವರ್ಷ ಚೆನ್ನೈನ ಮರೀನಾ ಬೀಚ್ ನಲ್ಲಿ ಸುಮಾರು 646 ಮಂದಿ ಏಕಕಾಲಕ್ಕೆ ಶೀರ್ಷಾಸನ ಮಾಡುವ ಮೂಲಕ ಗಿನ್ನೆಸ್ ದಾಖಲೆ ನಿರ್ಮಿಸಿದ್ದರು ಈ ದಾಖಲೆಯನ್ನು ಈಗ ಕರ್ನಾಟಕದ ಯೋಗಪಟುಗಳು ಮುರಿದಿದ್ದಾರೆ.
ಇನ್ನೊಂದೆಡೆ ಅಂತಾರಾಷ್ಟ್ರೀಯ ಯೋಗ ದಿನಾಚರಣೆ ಅಂಗವಾಗಿ ಮೈಸೂರಿನ ರೇಸ್ ಕೋರ್ಸ್ ಆವರಣದಲ್ಲಿ 60 ಸಾವಿರಕ್ಕೂ ಹೆಚ್ಚು ಮಂದಿ ಸಾಮೂಹಿಕ ಯೋಗ ಪ್ರದರ್ಶನ ನೀಡುವುದರೊಂದಿಗೆ ದಾಖಲೆ ನಿರ್ಮಿಸಲು ಮುಂದಾಗಿದ್ದಾರೆ.